Paksimile Manipud iti Libro ni Abraham

Ladawan 1. Ti Anghel ti Apo.

Ladawan 2. Naipaidda ni Abraham iti altar.

Ladawan 3. Ti managrukbab iti didiosen a saserdote ni Elkena a mangpadpadas a mangited ken ni Abraham a kas sakripisio.

Ladawan 4. Ti altar a pagisakripisiuan dagiti managrukbab iti didiosen a saserdote, a nakatakder iti imatang dagiti dios da Elkena, Libna, Mamakra, Koras, ken Faraon.

Ladawan 5. Ti managrukbab iti didiosen a dios ni Elkena.

Ladawan 6. Ti managrukbab iti didiosen a dios ni Libna.

Ladawan 7. Ti managrukbab iti didiosen a dios ni Mamakra.

Ladawan 8. Ti managrukbab iti didiosen a dios ni Koras.

Ladawan 9. Ti managrukbab iti didiosen a dios ni Faraon.

Ladawan 10. Ni Abraham iti Egipto.

Ladawan 11. Naaramid a mangibagi kadagiti adigi ti langit, kas maawatan dagiti Egipto.

Ladawan 12. Raukeeyang, a mangipaawat iti ilalawa, wenno ti lawag iti ngatuen ti ulotayo; ngem iti daytoy a banag, kas mainugot iti daytoy nga adalen, ipaawat dagiti Egipto a mangipaawat daytoy iti Shaumau, a nangato, wenno ti langit, a mangsungbat iti balikas a Hebreo, a Shaumahyeem.