GJS, UMateyu 6:14. Thelekisa noMateyu 6:13; iinguqu ezifanayo zenziwa kuLuka 11:4
INkosi ayisingenisi ekulingweni.
14 Kwaye ungasiyekeli ekulingweni, kodwa usihlangule enkohlakalweni.
GJS, UMateyu 6:22. Thelekisa noMateyu 6:22
Ukuba amehlo athe akanakumbi kuphela kube seluzukweni lukaThixo, imizimba yethu iphela iya kuzaliswa kukukhanya.
22 Ukhanyiselo lomzimba liliso; ukuba ke ngoko iliso lakho alinakumbi kuphela kube seluzukweni lukaThixo, umzimba wakho uphela uya kuzala kukukhanya.
GJS, UMateyu 6:25–27. Thelekisa noMateyu 6:25; 10:10
UYesu ulumkisa abafundi Bakhe ngobunzima bomsebenzi wabo kodwa uthembisa okokuba Yena uya kubalungiselela indlela nokuba uBawo osemaZulwini uya kubabonelela.
25 Kwaye kwakhona, ndithi kuni, Hambani niye ehlabathini, nize ningalikhathaleli ihlabathi; kuba ihlabathi liza kunithiya, kwaye liya kunitshutshisa, kwaye liya kunigxothela ngaphandle kwezindlu zesikhungo zabo.
26 Nangona kunjalo, niya kuya phambili ukusuka kwindlu nendlu, nifundisa abantu; kwaye ndiya kuhamba phambi kwenu.
27 Kwaye uYihlo osemazulwini uya kunibonelela, nangaziphi na izinto eniya kuzifunela ukutya, oko niya kukutya; nangezambatho, eniya kuzivatha okanye nizinxibe.
GJS, UMateyu 6:38. Thelekisa noMateyu 6:33
Simele ukufuna tanci ukwakha ubukumkani bukaThixo.
38 Ngako oko, musani ukufuna izinto zehlabathi kodwa funani tanci ukwakha ubukumkani bukaThixo, nokumisa ubulungisa bakhe, zaye zonke ezo zinto ziya kongezelelwa kuni.