Ordenansas di Saserdósiu Pájina di Titlu IntrudusonOrdenansas y bênsons ê atus sagradus rializadu pa autoridadi di saserdósiu y na nomi di Jezus Kristu. Da Nomi y Bênson pa KriansaKriansa normalmenti ta dadu nomi y bênson duranti runion di jijun y tistimunhu na ala ki sês pais ta mora. Iseson en rilason a orάrio y lugar di bênson di un kriansa debi ser aprovadu pa bispu. BatismuBatismu pa imerson na águ, ê rializadu pa algén ku autoridadi, y ê nisisáriu pa ki un psoa torna ménbru di Igreja y risebi Spíritu Santu. Tudu kenha ki sta buska izaltason debi sigi izênplu di Salvador, risebendu kês ordenansas. KonfirmasonDipós di un psoa ser batizadu, ê konfirmadu komu ménbru di Igreja y ê risebi Spíritu Santu pa inpozison di mó (djobi Dotrina y Konvénius 20:41; Atus 19:1–6). Psoa ta torna ménbru di Igreja dipós di rializason y rijistu adikuadu di kês dós ordenansas (djobi Juon 3:5; Dotrina y Konvénius 33:11; 3 Néfi 27:20). SakramentuMénbrus di igreja ta riuni na dia di Sinhor pa adora Deus y partisipa di sakramentu. Duranti es ordenansa, es ta partilha pon y águ pa lénbra di sakrifísiu ki Salvador fazi di Sê korpu y di Sê sangi y es ta rinova konvénius sagradus. OrdenasonTen dós divizons di saserdósiu: Saserdósiu Aaróniku y Saserdósiu di Melkizideki. Kuandu saserdósiu ê konfiridu na un ómi, el ê ordenadu també na un ofísiu na kel saserdósiu. Dipôs ki un di kês saserdósiu for konfiridu, un ómi sô mesti di ser ordenadu pa otu ofísius dentu di saserdósiu kê risebi. DizignaMénbrus ki txomadu y apoiadu pa sirvi na maioria di kargus na Igreja debi ser dizignadu pa sirbi na ês kargu (djobi Juon 15:16; Dotrina y Konvénius 42:11). Duranti dizignason, psoa ta risebi: (1) autoridadi pa aji na xamadu y (2) palavra di bênson konformi giadu pa Spíritu. Ólio di KonsagrasonPortador di Saserdósiu di Melkizideki debi konsagra ólio di olivera antis di uza-l pa da bênson pa psoa duenti ô aflitu (djobi Tiagu 5:14). Ninhun otu ólio ka podi ser uzadu. Bênson pa DuentiBênson pa duenti “pa inpozison di mo” ten dós parti: unji ku ólio y sela unson ku un bênson. Si ólio konsagradu ka sta, kel bênson debi ser dadu pa autoridadi di Saserdósiu di Melkizideki sen fazi unson. Bênson di Konfortu y KonsedjuPa da un bênson di konfortu y konsedju ô bênson di pai, un ô más portador di Saserdósiu di Melkizideki ta poi sês mo levimenti riba kabesa di kel psoa. Dipós un ta aji sima porta vós: Didikason di KazaMénbrus di igréja podi ten sês kaza didikadu pa autoridadi di Saserdósiu di Melkizideki. Pa didika un kaza, portador di Saserdósiu di Melkizideki: Didikason di KobaPa didika un koba, un portador di Saserdósiu di Melkizideki: Intrivista di Rikumendason pa TénpluTénplu é kaza di Sinhor. Entra na ténplu y partisipa na ordenansas la ê un priviléjiu sagradu. Es priviléjiu li ê rizervadu pa kenha ki sta priparadu spiritualmenti y ki ta isforsa pa vivi padrons di Sinhor, konformi ditirminadu pa líderis autorizadu di saserdósiu.