Sakramentu

Ménbrus di igreja ta riuni na dia di Sinhor pa adora Deus y partisipa di sakramentu. Duranti es ordenansa, es ta partilha pon y águ pa lénbra di sakrifísiu ki Salvador fazi di Sê korpu y di Sê sangi y es ta rinova konvénius sagradus.

• Saserdotis y portadoris di Saserdósiu di Melkizideki podi abênsoa sakramentu.

• Diákunus, mestris, saserdotis y portadoris di saserdósiu di Melkizideki podi distribui sakramentu.

1. Psoa ki sta abênsoa pon ta juelha y ta fazi orason sakramental pa pon (djobi Dotrina y Konvénius 20:77).

   Ô Deus, Pai Iternu, nu ta pidi-u na nómi di bu Fidju, Jezus Kristu, pa bu abênsoa y santifika ês pon pa almas di tudu kês ki partilha del, pa ki ês kume-l en lenbransa di korpu di bu Fidju, y testifika na bô, Ô Deus, Pai Iternu, ki ês dizeja toma sobri ês nomi di bu Fidju, y lénbra del senpri y guarda sê mandamentus ki el da-s; pa ki ês podi ten senpri si Spíritu ku ês. Amén.

2. Psoa ki sta abênsoa águ ta juelha y ta fazi orason sakramental di águ (djobi Dotrina y Konvénius 20:79).

   Ô Deus, Pai Iternu, nu ta pidi-u na nómi di bu Fidju, Jezus Kristu, pa bu abênsoa y santifika ês águ pa almas di tudu kês ki bebe-l, pa ki ês faze-l en lenbransa di sangi di bu Fidju, ki pa ês foi diramadu; y testifika na bô, Ô Deus, Pai Iternu, ki senpri ês ta lenbra del, pa ki ês podi ten sê Spíritu ku ês. Amén.