Dizigna Ménbrus pa Sirbi na Xamadus

Ménbrus ki txomadu y apoiadu pa sirvi na maioria di kargus na Igreja debi ser dizignadu pa sirbi na ês kargu (djobi Juon 15:16; Dotrina y Konvénius 42:11). Duranti dizignason, psoa ta risebi: (1) autoridadi pa aji na xamadu y (2) palavra di bênson konformi giadu pa Spíritu.

Prizidentis di staka, bispus, y prizidentis di kórun ta risebi xavis di prizidênsia óras k’es ê dizignadu. Nu entantu, palavra xavis ka debi ser uzado óras ki ta dizignadu ménbrus pa sirbi na otus xamadus, inklusivi konsilherus na prizidênsias.

Un ô más portador di Saserdósiu di Melkizideki, dividamenti autorizadu, ta poi mo levimenti na kabesa di psoa. Dipós un ta aji sima porta vós:

1. Txoma kel psoa pa sê nómi konpletu.

2. Diklara me sa ta aji pa autoridadi di Saserdósiu di Melkizideki.

3. Dizigna pa inpozison di mo psoa na xamadu di staka, ala, na korun ô na klasi.

4. Konsedi xavis si psoa debi resebe-s.

5. Da palavras di bênson konformi giadu pa Spíritu.

6. Insera na nómi di Jezus Kristu.