Bênson pa Duenti

Bênson pa duenti “pa inpozison di mo” ten dós parti: unji ku ólio y sela unson ku un bênson. Si ólio konsagradu ka sta, kel bênson debi ser dadu pa autoridadi di Saserdósiu di Melkizideki sen fazi unson.

Unson ku ólio é fetu pa un portador di Saserdósiu di Melkizideki. El ta:

1. Poi un poku di ólio konsagradu na kabesa di kel psoa.

2. Poi mo levimenti riba kabesa di kel psoa y txoma-l pa sê nomi konpletu.

3. Fla me sa ta aji pa autoridadi di Saserdósiu di Melkizideki.

4. Fla me sa ta unji ku ólio ki foi konsagradu pa unson y bênson di duenti y aflitus.

5. Insera na nómi di Jezus Kristu.

Pa sela kel unson, un ó más portador Saserdósiu di Melkizideki ta poi sês mo levimenti riba kabesa di kel psoa. Dipós kel un ki sta sela kel unson:

1. Txoma kel psoa pa sê nómi konpletu.

2. Fla me sa ta sela kel unson pa autoridadi di Saserdósiu di Melkizideki.

3. Da palavras di bênson konformi giadu pa Spíritu.

4. Insera na nómi di Jezus Kristu.