Batismu

Batismu pa imerson na águ, ê rializadu pa algén ku autoridadi, y ê nisisáriu pa ki un psoa torna ménbru di Igreja y risebi Spíritu Santu. Tudu kenha ki sta buska izaltason debi sigi izênplu di Salvador, risebendu kês ordenansas.

Ordenansa di batismu ê administradu pa saserdoti ô pa un portador di Saserdósiu di Melkizideki.

Dós tistimunha, aprovadu pa líder ki ta lidera, ta asisti kada batismu pa sertifika di ki ê rializadu di manera adikuadu. Ménbrus batizadu di Igreja, inkluindu kriansas y jovens, podi sirbi komu tistimunhas.

Batismu debi ser ripitidu si palavras ka foi proferidu izatamenti sima ta sta na Dotrina y Konvénius 20:73. Prusidimentu debi ser ripitidu si algun parti di korpu, kabelu ô ropa di psoa ka sta konpletamenti baxu d’águ.

Pa silebra ordenansa di batismu, un saserdoti ô portador di Saserdósiu di Melkizideki ta:

1. Fika na águ ku psoa ki sta ser batizadu.

2. Pega pulsu direitu di psoa ku mó skerdu (pa konvinénsia y siguransa). Psoa ki sta bai ser batizadu ta pega pulsu di portador di saserdósiu ku si mó skerdu.

3. Labanta si brasu direitu na altura di petu.

4. Fla nómi konpletu di psoa y fla: “Inkaregadu pa Jezus Kristu, N ta batiza-u na nómi di Pai, y di Fidju, y di Spíritu Santu. Amén” (Dotrina y Konvénius 20:73).

5. Pidi kel psoa pa tapa nariz ku mó direitu (pa konvinénsia); di sigida, koloka mó direitu na parti superior di kosta di pesoa y mergulha-l konpletamenti, inkluindu sê ropa.

6. Djuda psoa a sai di agu.