Konfirmason y Don di Spíritu Santu

Dipós di un psoa ser batizadu, ê konfirmadu komu ménbru di Igreja y ê risebi Spíritu Santu pa inpozison di mó (djobi Dotrina y Konvénius 20:41; Atus 19:1–6). Psoa ta torna ménbru di Igreja dipós di rializason y rijistu adikuadu di kês dós ordenansas (djobi Juon 3:5; Dotrina y Konvénius 33:11; 3 Néfi 27:20).

Ku orientason di bispadu, un ô más portadoris di Saserdósiu di Melkizideki podi partisipa na un konfirmason. Es ta poi mó levimenti na kabesa di psoa. Dipós un ta aji komu porta vós:

1. Txoma kel psoa pa sê nómi konpletu.

2. Fla ma ordenansa li sa ta ser rializadu pa autoridadi di Saserdósiu di Melkizideki.

3. Konfirma psoa un ménbru di Igreja di Jezus Kristu di Santus di Últimus Dias.

4. Fla “risebi Spíritu Santu” (y nou “risebi don di Spíritu Santu”).

5. Da palavras di bênson konformi giadu pa Spíritu.

6. Insera na nómi di Jezus Kristu.