Konfiri Saserdósiu y Ordenason pa un Ofísiu

Ten dós divizons di saserdósiu: Saserdósiu Aaróniku y Saserdósiu di Melkizideki. Kuandu saserdósiu ê konfiridu na un ómi, el ê ordenadu també na un ofísiu na kel saserdósiu. Dipôs ki un di kês saserdósiu for konfiridu, un ómi sô mesti di ser ordenadu pa otu ofísius dentu di saserdósiu kê risebi.

Prizidenti di Staka ô un portador di saserdósiu di Melkizideki sobri si direson podi ordena un ómi na ofísiu di elder. Só portadoris di saserdósiu di Melkizideki podi fika na sírkulu.

Prizidenti di staka ô un sumu saserdoti sobri si direson podi ordena un ómi na ofísiu di sumu saserdoti. Só sumu saserdotis podi fika na sírkulu.

Un saserdoti ô un portador di saserdósiu di Melkizideki podi ordena un irmon na ofísius di diákunu, mestri y saserdoti. El debi ten autorizason di bispu. Bispu ô algén dizignadu pa el debi sta prizenti.

Pa partisipa na un ordenason di Saserdósiu Aaróniku, psoa debi ser un saserdoti ô un portador di Saserdósiu di Melkizideki.

Pa konfiri saserdósiu y ordena un psoa a un ofísiu di saserdósiu, un ô más portadoris di saserdósiu, dividamenti autorizadu, ta poi mo levimenti riba kabesa di psoa. Dipós un ta aji sima porta vós:

1. Ta txoma psoa pa si nómi konpletu.

2. Ta diklara autoridadi ki el ten psoalmenti pa rializa ordenansa (Saserdósiu Aaróniku ô Saserdósiu di Melkizideki).

3. Ta konfiri Saserdósiu Aaróniku ô Melkizideki, a non ser ki dje-l tinha sidu konfiridu.

4. Ordena psoa na un ofísiu di Saserdosiu Aaróniku ô Melkizideki y da-l direitus, puderis, y autoridadi di es ofísiu.

5. Da palavras di bênson konformi giadu pa Spíritu.

6. Insera na nómi di Jezus Kristu.

Pa ordena un psoa na un ofísiu di saserdósiu, dipôs, ki dje risebi saserdósiu, psoa ki rializa ordenason podi omiti pasu 3.