Misaada ya Kujifunza

Picha za Historia ya Kanisa

Yaliyomo
Utangulizi
Maelezo ya Jumla
1. Kijisitu Kitakatifu
2. Kilima Kumora na Eneo la Palmyra-Manchester
3. Nyumba ya Magogo ya Joseph Smith Mkubwa
4. Mtambo wa Kupiga Chapa wa Grandin na Duka la Uchapaji
5. Mto Susquehanna
6. Eneo la Nyumba ya Peter Whitmer Mkubwa
7. Duka la Newel K. Whitney na Wenzake
8. Nyumba ya John Johnson
9. Hekalu la Kirtland
10. Adamu-ondi-Amani
11. Kiwanja cha Hekalu cha Far West
12. Gereza la Liberty
13. Nyumba ya Ghorofa katika Nauvoo
14. Duka la Matofali Mekundu la Joseph Smith Mdogo
15. Hekalu la Nauvoo
16. Gereza la Carthage
17. Kutoka kwenda Magharibi
18. Hekalu la Salt Lake

Picha za Historia ya Kanisa

Picha za Historia ya Kanisa

Utangulizi
Picha hizi za maeneo muhimu katika Historia ya Kanisa zinaonyesha nchi ambazo Watakatifu wa Siku za Mwisho wa awali walitembea, mahali ambako manabii wa kisasa waliishi na kufundisha, na ambako matukio mengi ya kimaandiko yalitokea.
Maelezo ya Jumla
Ramani ya hapo chini inaonyesha eneo la picha hizo katika sehemu hii. Katika kurasa zifuatazo, kila picha iliyopewa namba inafuatiwa na maelezo mafupi ya mandhari. Matukio muhimu ya kimaandiko kutoka sehemu hiyo yameorodheshwa, pamoja na marejeo ya maandiko ili kwamba wewe uweze kujua wapi usome zaidi juu ya matukio hayo.
1. Kijisitu Kitakatifu
Kijisitu Kitakatifu kiko katika Maeneo ya Mji wa Palmyra na Manchester, New York. Kisitu hiki cha miti husimama magharibi tu mwa mahali ilipokuwepo nyumba ndogo ya magogo ya familia ya Smith katika mwaka 1820.
2. Kilima Kumora na Eneo la Palmyra-Manchester
Ukiangalia kuelekea kaskazini, picha hii inaonyesha Kilima Kumora katika Manchester, New York. Kilima kinaonekana katika kona ya chini ya mkono wa kulia wa picha na kinaendelea kidogo zaidi ya nusu kwa juu ya picha. Sanamu nyeupe inayoonekana upande wa kaskazini mwishoni mwa kilima ni kwa heshima ya malaika Moroni na kutokea kwa Kitabu cha Mormoni. Kilima Kumora kiko karibu kilomita zipatazo 5 kusini mashariki mwa Kijisitu Kitakatifu. Karibu na juu kabisa ya picha ni Palmyra, umbali wa kilomita 6½. Shamba la Smith na Kijisitu Kitakatifu vipo upande wa juu zaidi wa kushoto wa picha hii.
3. Nyumba ya Magogo ya Joseph Smith Mkubwa
Mfanano wa nyumba ya Joseph Smith Mkubwa, ilijengwa juu ya eneo la kiwanja cha mwanzoni cha nyumba ya mbao karibu na Palmyra, New York. Familia ya Smith ilijenga nyumba ya kwanza ya orofa 1½ na nusu iliyojengwa kwa magogo yaliyokatwa na kuchongwa kwa shoka siyo muda mrefu baada ya kuwasili kwao katika Palmyra.
4. Mtambo wa Kupiga Chapa wa Grandin na Duka la Uchapaji
Ni kiwanda cha kupiga chapa kilichojengwa upya cha Egbert B. Grandin huko Palmyra, New York ndipo mahali ambapo toleo la kwanza la Kitabu cha Mormoni kilichapishwa katika mwaka 1830. Martin Harris aliweka rehani shamba lake na aliuza sehemu yake ili kulipia gharama za kupiga chapa nakala 5000 za Kitabu cha Mormoni. Kupanga herufi za kupiga chapa kulianza katika Agosti 1829, na nakala zilizokamilika zilikuwa tayari 26 Machi 1830.
5. Mto Susquehanna
Picha hii inaonyesha Mto Susquehanna katika Eneo la Mji wa Harmony, Pennsylvania.
6. Eneo la Nyumba ya Peter Whitmer Mkubwa
Nyumba hii ya magogoinawakilisha nyumba halisi ya Peter Whitmer Mkubwa katika Fayette, New York.
7. Duka la Newel K. Whitney na Wenzake
Duka hili la Newl K. Whitney lilikuwa na nafasi muhimu katika historia ya Kanisa katika Kirtland. Joseph na Emma Smith waliishi hapa kwa muda mfupi. Mafunuo muhimu kadhaa yalikuwa yamepokelewa hapa. Shule ya Manabii ilifanyika katika duka hili kuanzia 24 Januari 1833 hadi wakati fulani katika Aprili 1833.
8. Nyumba ya John Johnson
Nyumba ya John na Alice Johnson ilikuwa katika Hiram, Ohio. Chumba hiki kiko katika orofa ya pili.
9. Hekalu la Kirtland
Hekalu la Kirtland liko katika Kirtland, Ohio.
10. Adamu-ondi-Amani
Kusini mwa bonde la Adamu-ondi-Amani, bonde tulivu, zuri lililoko katika Missouri ya kaskazini magharibi karibu na jumuia ya Gallatin.
11. Kiwanja cha Hekalu cha Far West
Makazi ya Far West, Missouri, yalikuja kuwa makazi kwa Watakatifu 3,000 hadi 5000 waliotafuta kimbilio kutokana na mateso katika Wilaya za Jackson na Clay. Mnamo mwaka 1838 Bwana aliwaamuru Watakatifu kujenga hekalu hapa (ona M&M 115:7–8) Mateso waliyofanyiwa na kundi la waovu yaliwazuia wao kufanya hivyo. Mnamo 31 Oktoba ya mwaka huo, Joseph Smith Nabii na viongozi wengine wa Kanisa waliwekwa rumande na, baada ya kusikilizwa mashtaka katika Richmond, wakafungwa gerezani la Liberty. Wakati wa majira ya baridi ya mwaka 1838–1839, Watakatifu wa Siku za Mwisho walifukuzwa kutoka Far West na maeneo mengine katika Missouri na wakahamia makao mapya katika Ilinois.
12. Gereza la Liberty
Gereza Liberty, Missouri karibu mwaka 1838. Joseph Smith na viongozi wengi watano wa Kanisa waliwekwa gerezani ndani ya kuta zake nne za unene wa mita 1.2 (futi 4) tangu 1 Desemba 1838, hadi 6 Aprili 1839. (Sidney Rigdon aliachiwa huru mwishoni mwa Februari.) Wakiwa wamefungiwa chumba cha chini au gereza la chumba cha chini cha jengo hili, walilala juu ya mawe yenye baridi, sakafu iliyotawanywa na majani makavu na chenye mwanga mdogo na hifadhi haba dhidi ya majira ya baridi kali.
13. Nyumba ya Ghorofa katika Nauvoo
Joseph Smith, Mdo, na familia yake walihamia ndani ya Jumba la Ghorofa katika Nauvoo Agosti 1843. Baadaye sehemu iliongezwa kwa upande wa mashariki ya jengo kuu na kuwa jumla ya vyumba 22. Kuanzia Januari 1844, Ebenezer Robinson alisimamia nyumba hii kama hoteli, na Nabii alibakisha vyumba sita kwa ajili ya familia yake. Nyumba ilitumika kwa kiasi fulani kama kituo cha kijamii cha watu wa Nauvoo. Wageni maarufu walipokelewa hapa na Nabii.
14. Duka la Matofali Mekundu la Joseph Smith Mdogo
Hili duka na ofisi iliyojengwa upya ya Joseph Smith Mdogo iko katika Nauvoo, Illinois. Ilikuwa ni moja ya majengo muhimu zaidi katika Kanisa wakati wa kipindi cha Nauvoo. Siyo tu lilitumika kama duka la rejareja, pia lilikuwa kituo cha kijamii, kiuchumi, kisiasa, na shughuli za kidini. Joseph Smith alikuwa na ofisi katika ghorofa ya pili.
15. Hekalu la Nauvoo
Hekalu halisi lilijengwa kutokana na chokaa ya kijivu-nyeupe ya kutoka hapo. Jengo lilikuwa na vipimo vya mita 39 urefu na mita 27 upana. Kilele cha mnara kilisimama mita 48 juu ya usawa wa ardhi. Waumini wa Kanisa walifanya dhabihu kubwa kwa kujenga hekalu hili zuri, wakianza kazi katika mwaka 1841. Wengine walifanya kazi kwa miezi mingi katika jingo hili; wengine walitoa dhabihu ya fedha zao. Ingawa lilikuwa halijaisha kikamilifu, hekalu lilijaa kabisa wakati waumini wakija kwa ajili ya ibada kwa miezi kadhaa kabla ya kukimbilia Magharibi. Wakati Watakatifu wengi waliondoka Nauvoo mapema katika majira ya kuchipua ya mwaka 1846 kwa sababu ya vitisho vya ghasia za wahuni, kikosi maalumu kilibaki nyuma kumalizia hekalu. Mnamo 30 Aprili 1846, Mzee Orson Hyde na Wilford Woodruff wa Akidi ya Mitume Kumi na Wawili na wengine wapatao 20 waliiweka wakfu nyumba hii ya Bwana. Hekalu lilihamwa mwezi Septemba wakati waumini wa Kanisa waliosalia walipofukuzwa Nauvoo; majeshi ya wahuni kisha wakalichafua jengo hili takatifu. Kwa ndanililiangamizwa kwa moto mwezi Oktoba 1848. Hekalu hili lililo jengwa upya (lililopigwa picha hapa), limejengwa kama lilivyokuwa mwanzoni, likawekwa wakfu na Rais Gordon B. Hinkley 27–30 Juni 2002.
16. Gereza la Carthage
Jengo la gereza katika mji wa Carthage, Illinois.
17. Kutoka kwenda Magharibi
Mwanzo wa kuihama Nauvoo, Illinois, kulipangwa kuwa Machi–Aprili, lakini kwa sababu ya vitisho vya kikundi cha wahuni Rais Brigham Young aliagiza kwamba kutoka kwa Watakatifu kuvuka Mto Mississippi kuanze 4 Februari 1846. Rais Young alibaki nyuma ili kutoa endaumenti kwa Watakatifu na hakuondoka Nauvoo hadi katikati ya Februari.
18. Hekalu la Salt Lake
Hekalu la Salt Lake likiangaliwa kutoka kaskazini mashariki. Siku chache baada ya kikundi cha kwanza cha payonia cha Watakatifu wa Siku za Mwisho kuingia katika Bonde la Salt Lake, Rais Brigham Young alichoma ardhi kwa fimbo yake ya kutembelea na kutamka “Hapa tutajenga hekalu la Mungu wetu.” Ardhi ilivunjwa 14 Februari 1853. Mnamo 6 Aprili 1853, mawe ya msingi yaliwekwa. Hekalu lilikamilika na kuwekwa wakfu miaka 40 baadaye 6 Aprili 1893. Urais wa kwanza na Akidi ya Mitume Kumi na Wawili walikutana hapa kila wiki ili kutafakari kwa makini na kuomba mwongozo wa Bwana katika kuhudumu na kujenga ufalme wa Mungu.