အပိုဒ်ငယ်များ

Scriptures

ဩဝါဒနှင့် ပဋိညာဉ်များ

အကြောင်းအရာများ
ခေါင်းစီးစာမျက်နှာ
နိဒါန်း
အကြောင်းအရာများ၏ ကာလအလိုက်အစီအစဉ်
အပိုဒ်ငယ်များ
တရားဝင် ကြေညာချက်များ

အပိုဒ်ငယ်များ

အပိုဒ်ငယ် ၁
၁–၇၊ သတိပေးခြင်းအသံသည်လူအပေါင်းတို့ထံ ရောက်သွား၏။ ၈–၁၆၊ ဖောက်ပြန်သင်းကွဲခြင်းနှင့် ဆိုးညစ်ခြင်းသည် ဒုတိယအကြိမ်ကြွလာတော်မူခြင်း၏အလျင်ကျ၏။ ၁၇–၂၃၊ ဂျိုးဇက်စမစ်သည် ကိုယ်တော်ရှင်၏အမှန်တရားများနှင့်တန်ခိုးတော်တို့ကို မြေကြီးသို့ပြန်လည်ဆောင်ယူဖို့ ခေါ်သွင်းခံရ၏။ ၂၄–၃၃၊ မော်မုန်ကျမ်းထွက်ပေါ်လာ၏၊ မှန်သောအသင်းတော်ကို တည်ထောင်၏။ ၃၄–၃၆၊ ငြိမ်းချမ်းခြင်းကို မြေကြီးမှ နုတ်ယူလိမ့်မည်။ ၃၇–၃၉၊ ဤပညတ်တော်များကို စေ့စေ့ကြည့်ရှုလော့။
အပိုဒ်ငယ် ၂
၁၊ ဧလိယသည် ယဇ်ပုရောဟိတ်အခွင့်ကို ဖော်ပြလိမ့်မည်။ ၂–၃၊ ဘိုးဘေးတို့အတွက် ကတိတော်များကို သားမြေးတို့၏စိတ်နှလုံးမှာ စိုက်၏။
အပိုဒ်ငယ် ၃
၁–၄၊ ကိုယ်တော်ရှင်၏လမ်းတော်သည် ထာဝရတည်မြဲသော တရားစက်ဝန်းတစ်ခုဖြစ်၏။ ၅–၁၅၊ ဂျိုးဇက်စမစ်သည် နောင်တရရမည်၊ သို့မဟုတ်လျှင်၊ ဘာသာပြန်ခြင်းဆုကျေးဇူးကို ဆုံးရှုံးလိမ့်မည်။ ၁၆–၂၀၊ မော်မုန်ကျမ်းသည် လေဟိ၏အမျိုးအနွယ်တို့ကို ကယ်တင်ဖို့ ထွက်ပေါ်လာ၏။
အပိုဒ်ငယ် ၄
၁–၄၊ ရဲရင့်သော အစေခံခြင်းက ကိုယ်တော်ရှင်၏အမှုတော်ဆောင်များကို ကယ်တင်၏။ ၅–၆၊ ဘုရင်သခင်၏အလိုတော်နှင့်ညီသောဂုဏ်ရည်များက သူတို့အား အမှုတော်ဆောင်ခြင်းတွင် အရည်အချင်းပြည့်မီစေ၏။ ၇၊ ဘုရားသခင်၏အမှုတော်များကို ရှာဖွေကြရမည်။
အပိုဒ်ငယ် ၅
၁–၁၀၊ ဤမျိုးဆက်သည် ကိုယ်တော်ရှင်၏နှုတ်ကပတ်တော်ကို ပရောဖက်ဂျိုးဇက်စမစ်အားဖြင့် ရရှိလိမ့်မည်။ ၁၁–၁၈၊ သက်သေသုံးဦးသည် မော်မုန်ကျမ်းအကြောင်းကို သက်သေခံလိမ့်မည်။ ၁၉–၂၀၊ ကိုယ်တော်ရှင်၏နှုတ်ကပတ်တော်သည် အလျင်ကာလများကကဲ့သို့ပင် ပြည့်စုံစေလိမ့်မည်။ ၂၁–၃၅၊ မာတင်ဟဲရစ်သည် နောင်တရလျက် သက်သေများထဲမှ တစ်ဦးဖြစ်နိုင်၏။
အပိုဒ်ငယ် ၆
၁–၆၊ ကိုယ်တော်ရှင်၏လယ်ကွင်းထဲ၌ အလုပ်လုပ်ကြသောသူတို့သည် ကယ်တင်ခြင်းကို ရရှိကြ၏။ ၇–၁၃၊ ကယ်တင်ခြင်းဆုကျေးဇူးထက် သာ၍ကြီးမြတ်သောဆုကျေးဇူးမရှိ။ ၁၄–၂၇၊ သမ္မာတရားအကြောင်းသက်သေသည် ဝိညာဉ်တော်၏တန်ခိုးအားဖြင့် ဖြစ်လာ၏။ ၂၈–၃၇၊ ခရစ်တော်ကို မှီခိုအားကိုးကြလော့၊ ကောင်းမြတ်သည်ကို အစဉ်အမြဲပြုကြလော့။
အပိုဒ်ငယ် ၇
၁–၃၊ ချစ်လှစွာသောယောဟန်သည် ကိုယ်တော်ရှင်ကြွလာတော်မူသည့်တိုင်အောင် နေလိမ့်မည်။ ၄–၈၊ ပေတရု၊ ယာကုပ်နှင့် ယောဟန်သည် ဧဝံဂေလိတရားတော်သော့များကို ကိုင်ဆောင်၏။
အပိုဒ်ငယ် ၈
၁–၅၊ ဗျာဒိတ်တော်သည် သန့်ရှင်းသောဝိညာဉ်တော်၏တန်ခိုးအားဖြင့် ဖြစ်လာ၏။ ၆–၁၂၊ ဘုရားသခင်၏နက်နဲသောအရာများအကြောင်းသိခြင်းနှင့် ရှေးမှတ်တမ်းများကို ဘာသာပြန်ဖို့ တန်ခိုးသည် ယုံကြည်ခြင်းအားဖြင့် ဖြစ်လာ၏။
အပိုဒ်ငယ် ၉
၁–၆၊ အခြားသောရှေးမှတ်တမ်းများကို ဘာသာပြန်ဖို့ ကျန်သေး၏။ ၇–၁၄၊ လေ့လာခြင်းနှင့် ဝိညာဉ်ပကတိအတည်ပြုခြင်းတို့အားဖြင့် မော်မုန်ကျမ်းကို ဘာသာပြန်၏။
အပိုဒ်ငယ် ၁၀
၁–၂၆၊ စာတန်သည် ဆိုးညစ်သောသူများအား ကိုယ်တော်ရှင်၏အမှုတော်ကို ဆန့်ကျင်ဖို့ နှိုးဆော်၏။ ၂၇–၃၃၊ သူသည် လူသားတို့၏စိတ်ဝိညာဉ်များကို ဖျက်ဆီးဖို့ ကြိုးစား၏။ ၃၄–၅၂၊ ဧဝံဂေလိတရားတော်သည် လာမန်အမျိုးသားများနှင့် လူမျိုးအပေါင်းတို့ထံ မော်မုန်ကျမ်းအားဖြင့် ရောက်ရှိလိမ့်မည်။ ၅၃–၆၃၊ ကိုယ်တော်ရှင်သည် သူ၏အသင်းတော်နှင့် သူ၏ဧဝံဂေလိတရားတော်ကို လူသားတို့၌ တည်ထောင်လိမ့်မည်။ ၆၄–၇၀၊ သူသည် နောင်တရသောသူများကို သူ့အသင်းတော်ထဲသို့ စုဝေးလိမ့်မည်၊ နာခံသောသူများကို ကယ်တင်လိမ့်မည်။
အပိုဒ်ငယ် ၁၁
၁–၆၊ စပျစ်ဥယျာဉ်၌ အလုပ်လုပ်ကြသောသူတို့သည် ကယ်တင်ခြင်းကို ရရှိကြလိမ့်မည်။ ၇–၁၄၊ ဉာဏ်ပညာကို ရှာလော့၊ နောင်တရခြင်းကို ဟစ်ကြော်လော့၊ ဝိညာဉ်တော်ကို ကိုးစားလော့။ ၁၅–၂၂၊ ပညတ်တော်များကို စောင့်ထိန်းလော့၊ ကိုယ်တော်ရှင်၏နှုတ်ကပတ်တော်ကိုလည်း လေ့လာလော့။ ၂၃–၂၇၊ ဗျာဒိတ်တော်နှင့် ပရောဖက်ပြုချက်ဝိညာဉ်ကို ငြင်းဆိုခြင်းမပြုနှင့်။ ၂၈–၃၀၊ ခရစ်တော်ကို လက်ခံသောသူများသည် ဘုရားသခင်၏သားများဖြစ်လာကြ၏။
အပိုဒ်ငယ် ၁၂
၁–၆၊ စပျစ်ဥယျာဉ်၌ အလုပ်လုပ်ကြသောသူတို့သည် ကယ်တင်ခြင်းကို ရရှိကြလိမ့်မည်။ ၇–၉၊ အလိုရှိပြီး အရည်အချင်းပြည့်မီသောသူအပေါင်းသည် ကိုယ်တော်ရှင်၏အမှုတော်၌ ကူညီနိုင်ကြပေ၏။
အပိုဒ်ငယ် ၁၃
အာရုန်ယဇ်ပုရောဟိတ်အခွင့်၏ သော့များနှင့် တန်ခိုးများကို ဖော်ပြထား၏။
အပိုဒ်ငယ် ၁၄
၁–၆၊ စပျစ်ဥယျာဉ်၌ အလုပ်လုပ်ကြသောသူတို့သည် ကယ်တင်ခြင်းကို ရရှိကြလိမ့်မည်။ ၇–၈၊ ဘုရားသခင်၏ဆုကျေးဇူးများထဲတွင် ထာဝရအသက်သည် အကြီးမြတ်ဆုံးဖြစ်၏။ ၉–၁၁၊ ခရစ်တော်သည် ကောင်းကင်နှင့် မြေကြီးကို ဖန်ဆင်းတော်မူ၏။
အပိုဒ်ငယ် ၁၅
၁–၂၊ ကိုယ်တော်ရှင်၏လက်ရုံးတော်သည် မြေကြီးတစ်ခုလုံးပေါ်မှာရှိ၏။ ၃–၆၊ ဧဝံဂေလိတရားတော်ကို ဟောပြောပြီး၊ လူတို့ကို ကယ်တင်ခြင်းသည် အထိုက်တန်ဆုံးသောအရာဖြစ်၏။
အပိုဒ်ငယ် ၁၆
၁–၂၊ ကိုယ်တော်ရှင်၏လက်ရုံးတော်သည် မြေကြီးတစ်ခုလုံးပေါ်မှာရှိ၏။ ၃–၆၊ ဧဝံဂေလိတရားတော်ကို ဟောပြောပြီး၊ လူတို့ကို ကယ်တင်ခြင်းသည် အထိုက်တန်ဆုံးသောအရာဖြစ်၏။
အပိုဒ်ငယ် ၁၇
၁–၄၊ ယုံကြည်ခြင်းအားဖြင့်၊ သက်သေသုံးဦးသည် ပုရပိုက်ပြားများနှင့် အခြားသော သန့်ရှင်းမွန်မြတ်သည့်အချက်များကို မြင်ရလိမ့်မည်။ ၅–၉၊ ခရစ်တော်သည် မော်မုန်ကျမ်းအထွတ်အမြတ်ဖြစ်ခြင်းအကြောင်းကို သက်သေခံ၏။
အပိုဒ်ငယ် ၁၈
၁–၅၊ အသင်းတော်ကို မည်သို့တည်ထောင်ရန် ကျမ်းစာများက ဖော်ပြ၏။ ၆–၈၊ လောကသည် ဒုစရိုက်၌ ရင့်မှည့်လျက်ရှိ၏။ ၉–၁၆၊ လူတို့၏ထိုက်တန်မှုသည် ကြီးမြတ်၏။ ၁၇–၂၅၊ ကယ်တင်ခြင်းကို ရရှိဖို့၊ လူသားတို့သည် မိမိတို့အပေါ်၌ ခရစ်တော်၏နာမတော်ကို ခံယူကြရမည်။ ၂၆–၃၆၊ တစ်ဆယ့်နှစ်ပါး၏ အမှုတော်ဆောင်တာဝန်နှင့် သာသနာပြုခြင်းကို ဖော်ပြထား၏။ ၃၇–၃၉၊ အော်လီဗာကောင်ဒရီနှင့် ဒေးဗစ်ဝှစ်တမာတို့သည် တစ်ဆယ့်နှစ်ပါးကို ရှာဖွေကြရမည်။ ၄၀–၄၇၊ ကယ်တင်ခြင်းကို ရရှိဖို့၊ လူသားတို့သည် နောင်တရ၍၊ ဗတ္တိဇံခံလျက်၊ ပညတ်တော်များကို စောင့်ထိန်းကြရမည်။
အပိုဒ်ငယ် ၁၉
၁–၃၊ ခရစ်တော်၌ ခပ်သိမ်းသောတန်ခိုးတော်ရှိ၏။ ၄–၅၊ လူသားအပေါင်းတို့သည် နောင်တရကြရမည်၊ သို့မဟုတ်လျှင်၊ ဒုက္ခဝေဒနာခံစားကြရမည်။ ၆–၁၂၊ ထာဝရအပြစ်ဒဏ်သည် ဘုရားသခင်၏အပြစ်ဒဏ်ဖြစ်၏။ ၁၃–၂၀၊ ခပ်သိမ်းသောသူတို့နောင်တရကြမည်ဆိုလျှင် ဒုက္ခဝေဒနာမခံစားကြရနိုင်စေခြင်းငှာ၊ ခရစ်တော်သည် သူတို့အတွက် ဒုက္ခဝေဒနာခံစားတော်မူ၏။ ၂၁–၂၈၊ နောင်တရခြင်းအကြောင်း ဧဝံဂေလိတရားတော်ကို ဟောပြောလော့။ ၂၉–၄၁၊ ဝမ်းသာစရာသတင်းကို ဟောကြားလော့။
အပိုဒ်ငယ် ၂၀
၁–၁၆၊ မော်မုန်ကျမ်းသည် နောက်ပိုင်းကာလအမှုတော်၏အထွတ်အမြတ်ဖြစ်ခြင်းကို သက်သေပြ၏။ ၁၇–၂၈၊ ဖန်ဆင်းခြင်း၊ ကျရှုံးခြင်း၊ အပြစ်ဖြေခြင်းမင်္ဂလာနှင့် ဗတ္တိဇံအကြောင်း ဩဝါဒများကို အတည်ပြုထား၏။ ၂၉–၃၇၊ နောင်တရခြင်း၊ အပြစ်ကင်းစေခြင်း၊ သန့်ရှင်းစေခြင်းနှင့် ဗတ္တိဇံကို ထိန်းချုပ်သည့်ဥပဒေများကို ဖော်ပြထား၏။ ၃၈–၆၇၊ အသင်းလူကြီးများ၊ ယဇ်ပုရောဟိတ်များ၊ ဆရာများနှင့် သင်းထောက်များ၏ တာဝန်များကို အနှစ်ချုပ်ပြထား၏။ ၆၈–၇၄၊ အသင်းသားများ၏တာဝန်များ၊ ကလေးများကို ကောင်းချီးပေးခြင်း၊ ဗတ္တိဇံနည်းနာနိဿယတို့ကို ဖော်ပြထား၏။ ၇၅–၈၄၊ ပွဲတော်ဆုတောင်းခြင်း၊ အသင်းသားဖြစ်ခြင်းကိုထိန်းချုပ်သည့် စည်းမျဉ်းများကို ဖော်ပြထား၏။
အပိုဒ်ငယ် ၂၁
၁–၃၊ ဂျိုးဇက်စမစ်သည် မြင်သောသူ၊ ဘာသာပြန်သူ၊ ပရောဖက်၊ တမန်တော်နှင့် အသင်းလူကြီးအဖြစ် ခေါ်သွင်းခံရ၏။ ၄–၈၊ သူ၏စကားသည် ဇိအုန်၏အကျိုးကို လမ်းညွှန်လိမ့်မည်။ ၉–၁၂၊ သူသည် နှစ်သိမ့်စေသောသူအားဖြင့် ဟောပြောသဖြင့် သန့်ရှင်းသူတို့သည် သူ၏စကားများကို ယုံကြည်ကြလိမ့်မည်။
အပိုဒ်ငယ် ၂၂
၁၊ ဗတ္တိဇံသည် ထာဝရတည်မြဲသောပဋိညာဉ်သစ်ဖြစ်၏။ ၂–၄၊ အခွင့်အာဏာဖြင့်ပြုသော ဗတ္တိဇံလိုအပ်၏။
အပိုဒ်ငယ် ၂၃
၁–၇၊ ဤရှေ့ပိုင်းတပည့်တော်တို့သည် အသင်းတော်ကို ဟောပြောဖို့၊ တိုက်တွန်းဖို့နှင့် ခွန်အားဖြည့်ပေးဖို့ ခေါ်သွင်းခံကြရ၏။
အပိုဒ်ငယ် ၂၄
၁–၉၊ ဂျိုးဇက်စမစ်သည် ကျမ်းစာများကို ဘာသာပြန်ဖို့၊ ဟောပြောဖို့နှင့် ရှင်းပြဖို့ ခေါ်သွင်းခံရ၏။ ၁၀–၁၂၊ အော်လီဗာကောင်ဒရီသည် ဧဝံဂေလိတရားတော်ကို ဟောပြောဖို့ ခေါ်သွင်းခံရ၏။ ၁၃–၁၉၊ အလွန်တရာအံ့ဩဖွယ်အမှုများ၊ ကျိန်ခြင်းအမင်္ဂလာများ၊ ခြေမှမြေမှုန့်ကိုခါခြင်း၊ ထို့အတူ၊ ငွေအိတ် သို့မဟုတ် လွယ်အိတ်မပါဘဲသွားခြင်းတို့နှင့်စပ်လျဉ်းသည့် ဥပဒေကိုဖော်ပြ၏။
အပိုဒ်ငယ် ၂၅
၁–၆၊ ရွေးကောက်ထားသောမိန်းမမြတ်၊ အီမာစမစ်သည် သူမ၏ခင်ပွန်းကို ကူညီဖို့နှင့် နှစ်သိမ့်စေဖို့ ခေါ်သွင်းခံရ၏။ ၇–၁၁၊ သူမသည် ကျမ်းစာများကို ရေးဖို့၊ ရှင်းပြဖို့နှင့် ဓမ္မသီချင်းများကို ရွေးချယ်ဖို့လည်း ခေါ်သွင်းခံရ၏။ ၁၂–၁၄၊ ဖြောင့်မတ်သောသူတို့၏သီချင်းသည် ကိုယ်တော်ရှင်ထံ ဆုတောင်းခြင်းဖြစ်၏။ ၁၅–၁၆၊ ဤဗျာဒိတ်တော်ရှိနာခံခြင်း အခြေခံဩဝါဒများသည် လူအားလုံးနှင့် သက်ဆိုင်၏။
အပိုဒ်ငယ် ၂၆
၁၊ သူတို့သည် ကျမ်းစာများကို လေ့လာဖို့နှင့် ဟောပြောဖို့ သွန်သင်ခံရ၏။ ၂၊ အများသဘောတူဥပဒေကို အတည်ပြု၏။
အပိုဒ်ငယ် ၂၇
၁–၄၊ ပွဲတော်ကို စားသုံးရာ၌ အသုံးပြုရမည့် အထိမ်းအမှတ်များကို ဖော်ပြ၏။ ၅–၁၄၊ ခရစ်တော်နှင့် သာသနာအားလုံးမှ သူ၏ကျွန်တို့သည် ပွဲတော်ကို သုံးဆောင်ကြလိမ့်မည်။ ၁၅–၁၈၊ ဘုရားသခင်၏ ချပ်ဝတ်တန်ဆာအစုံကို ဝတ်ဆင်ကြလော့။
အပိုဒ်ငယ် ၂၈
၁–၇၊ ဂျိုးဇက်စမစ်သည် နက်နဲခြင်းသော့များကို ကိုင်ဆောင်ပြီး၊ သူသည်သာလျှင် အသင်းတော်အတွက် ဗျာဒိတ်တော်များကို လက်ခံရရှိ၏။ ၈–၁၀၊ အော်လီဗာကောင်ဒရီသည် လာမန်အမျိုးသားတို့ကို ဟောပြောရမည်။ ၁၁–၁၆၊ စာတန်သည် ဟိုင်ရမ်ပေ့ဂ်ျကို လှည့်စားပြီး၊ မှားယွင်းသောဗျာဒိတ်များပေး၏။
အပိုဒ်ငယ် ၂၉
၁–၈၊ ခရစ်တော်သည် မိမိရွေးကောက်ထားသောသူများကို စုဝေးတော်မူ၏။ ၉–၁၁၊ သူ၏ကြွလာတော်မူခြင်းက အနှစ်တစ်ထောင်ကာလကို ကြိုဆို၏။ ၁၂–၁၃၊ တစ်ဆယ့်နှစ်ပါးသည် ဣသရေလအမျိုးအပေါင်းကို တရားစီရင်လိမ့်မည်။ ၁၄–၂၁၊ နိမိတ်လက္ခဏာများ၊ ကပ်ရောဂါဘေးများနှင့် လူဆိတ်ညံခြင်းတို့သည် ဒုတိယအကြိမ်ကြွလာတော်မူခြင်း၏အလျင်ကျလိမ့်မည်။ ၂၂–၂၈၊ နောက်ဆုံးရှင်ပြန်ထမြောက်ခြင်းနှင့် အပြီးသတ်တရားစီရင်ခြင်းတို့သည် အနှစ်တစ်ထောင်ကာလနောက်မှ ဖြစ်၏။ ၂၉–၃၅၊ ခပ်သိမ်းသောအရာတို့သည် ကိုယ်တော်ရှင်အမြင်၌ ဝိညာဉ်ပကတိဖြစ်၏။ ၃၆–၃၉၊ လူသားကို သွေးဆောင်ဖြားယောင်းစေဖို့ နတ်ဆိုးနှင့် သူ၏ကောင်းကင်ဗိုလ်ခြေတို့သည် ကောင်းကင်ဘုံမှ နှင်ထုတ်ခံကြရ၏။ ၄၀–၄၅၊ ကျရှုံးခြင်းနှင့် အပြစ်ဖြေခြင်းမင်္ဂလာက ကယ်တင်ခြင်းကို ဆောင်ယူ၏။ ၄၆–၅၀၊ ကလေးသူငယ်တို့သည် အပြစ်ဖြေခြင်းမင်္ဂလာအားဖြင့် ရွေးနုတ်ခံကြရ၏။
အပိုဒ်ငယ် ၃၀
၁–၄၊ ဒေးဗစ်ဝှစ်တမာသည် လုံ့လဝီရိယထက်သန်စွာအစေခံဖို့ ပျက်ကွက်ခြင်းအတွက် ဆုံးမခံရ၏။ ၅–၈၊ ပီတာဝှစ်တမာအငယ်သည် လာမန်အမျိုးသားများသို့ သာသနာပြုခြင်းတွင် အော်လီဗာကောင်ဒရီနှင့် အတူလိုက်ပါရမည်။ ၉–၁၁၊ ဂျွန်ဝှစ်တမာသည် ဧဝံဂေလိတရားတော်ကို ဟောပြောဖို့ ခေါ်သွင်းခံရ၏။
အပိုဒ်ငယ် ၃၁
၁–၆၊ သောမတ်စ်ဘီမာ့ရှ်သည် ဧဝံဂေလိတရားတော်ကို ဟောပြောဖို့ ခေါ်သွင်းခံရပြီး၊ သူ့မိသားစု၏လူမှုဖူလုံရေးကို စိတ်ချစေ၏။ ၇–၁၃၊ သူသည် သည်းခံဖို့၊ အစဉ်အမြဲဆုတောင်းဖို့၊ ထို့အတူ၊ နှစ်သိမ့်စေသောသူနောက်သို့လိုက်ဖို့ အကြံပေးခံရ၏။
အပိုဒ်ငယ် ၃၂
၁–၃၊ ပါလီ ပီ ပရတ်နှင့် ဇိဘပီတာဆင်တို့သည် လာမန်အမျိုးသားတို့ကို ဟောပြောဖို့၊ အော်လီဗာကောင်ဒရီ၊ ပီတာဝှစ်တမာအငယ်တို့နှင့် အတူလိုက်ပါဖို့ ခေါ်သွင်းခံရ၏။ ၄–၅၊ သူတို့သည် ကျမ်းစာများကို နားလည်ဖို့အတွက် ဆုတောင်းရမည်။
အပိုဒ်ငယ် ၃၃
၁–၄၊ အလုပ်လုပ်သောသူတို့သည် ဧဝံဂေလိတရားတော်ကို ဟောကြားစေဖို့ ဆယ့်တစ်နာရီအချိန်၌ ခေါ်သွင်းခံကြရ၏။ ၅–၆၊ အသင်းတော်ကို တည်ထောင်၏။ ရွေးကောက်ထားသောသူတို့သည် စုဝေးကြလိမ့်မည်။ ၇–၁၀၊ နောင်တရကြလော့၊ အကြောင်းမူကား၊ ကောင်းကင်နိုင်ငံတော်တည်လုနီးပြီ။ ၁၁–၁၅၊ အသင်းတော်ကို ဧဝံဂေလိတရားတော်ကျောက်ပေါ်မှာ တည်ဆောက်၏။ ၁၆–၁၈၊ မင်္ဂလာဆောင်လုလင်ရောက်လာခြင်းအတွက် ပြင်ဆင်ကြလော့။
အပိုဒ်ငယ် ၃၄
၁–၄၊ သစ္စာရှိသောသူတို့သည် အပြစ်ဖြေခြင်းမင်္ဂလာအားဖြင့် ဘုရားသခင်၏သားများဖြစ်လာကြ၏။ ၅–၉၊ ဧဝံဂေလိတရားတော်ကို ဟောပြောခြင်းသည် ဒုတိယအကြိမ်ကြွလာတော်မူခြင်းအတွက် လမ်းကို ပြင်ဆင်၏။ ၁၀–၁၂၊ ပရောဖက်ပြုဟောချက်သည် သန့်ရှင်းသောဝိညာဉ်တော်၏တန်ခိုးအားဖြင့် ဖြစ်လာ၏။
အပိုဒ်ငယ် ၃၅
၁–၂၊ လူသားတို့သည် အဘယ်သို့အားဖြင့် ဘုရားသခင်၏သားများ ဖြစ်လာနိုင်မည်နည်း။ ၃–၇၊ ဆစ်ဒနီရစ်ဂဒွန်သည် ဗတ္တိဇံပေးဖို့နှင့် သန့်ရှင်းသောဝိညာဉ်တော်ကို အပ်နှင်းဖို့ ခေါ်သွင်းခံရ၏။ ၈–၁၂၊ နိမိတ်လက္ခဏာများနှင့် အလွန်တရာအံ့ဩဖွယ်အမှုများကို ယုံကြည်ခြင်းအားဖြင့် ပြုပြင်စီရင်ထား၏။ ၁၃–၁၆၊ ကိုယ်တော်ရှင်၏ကျွန်တို့သည် ဝိညာဉ်တော်၏တန်ခိုးအားဖြင့် လူမျိုးတို့ကို နင်းနယ်ကြလိမ့်မည်။ ၁၇–၁၉၊ ဂျိုးဇက်စမစ်သည် နက်နဲခြင်းသော့များကို ကိုင်ဆောင်၏။ ၂၀–၂၁၊ ရွေးကောက်ထားသောသူတို့သည် ကိုယ်တော်ရှင်ကြွလာတော်မူရာနေ့၌ တည်တံ့လိမ့်မည်။ ၂၂–၂၇၊ ဣသရေလအမျိုးသည် ကယ်တင်ခြင်းသို့ ရောက်လိမ့်မည်။
အပိုဒ်ငယ် ၃၆
၁–၃၊ ကိုယ်တော်ရှင်သည် ဆစ်ဒနီရစ်ဂဒွန်၏လက်အားဖြင့် သူ့လက်တော်ကို အက်ဒဝါ့ပါ့ထရစ်ဂ်ျအပေါ်မှာတင်၏။ ၄–၈၊ ဧဝံဂေလိတရားတော်နှင့် ယဇ်ပုရောဟိတ်အခွင့်ကိုရရှိသည့် ယောက်ျားတိုင်းသည် သွား၍ဟောပြောဖို့ ခေါ်သွင်းခံရမည်။
အပိုဒ်ငယ် ၃၇
၁–၄၊ သန့်ရှင်းသူများသည် အိုဟိုင်းရို၌ စုဝေးကြစေဖို့ ခေါ်သွင်းခံကြရ၏။
အပိုဒ်ငယ် ၃၈
၁–၆၊ ခရစ်တော်သည် ခပ်သိမ်းသောအရာတို့ကို ဖန်ဆင်းတော်မူ၏။ ၇–၈၊ မကြာမြင့်မီ သူ့ကို မြင်ကြမည့်သူတည်းဟူသော သူ၏သန့်ရှင်းသူတို့အလယ်၌ သူရှိ၏။ ၉–၁၂၊ ခပ်သိမ်းသော လူတို့သည် သူ့ရှေ့၌ ဖောက်ပြန်ကြ၏။ ၁၃–၂၂၊ သူသည် ကတိတော်မြေကို ယခုကာလနှင့် ထာဝရကာလ၌ သူ၏သန့်ရှင်းသူများအတွက် သိမ်းထားတော်မူ၏။ ၂၃–၂၇၊ သန့်ရှင်းသူတို့သည် တစ်လုံးတစ်ဝတည်းရှိဖို့နှင့် တစ်ယောက်ကိုတစ်ယောက် ညီအစ်ကိုအဖြစ်မှတ်ယူဖို့ မိန့်တော်မူခြင်းခံရ၏။ ၂၈–၂၉၊ စစ်ပွဲများကို ကြိုတင်၍ ဟောကိန်းထုတ်၏။ ၃၀–၃၃၊ သန့်ရှင်းသူတို့ကို အထက်မှ တန်ခိုးပေးလိမ့်မည်။ လူမျိုးအပေါင်းတို့၌ သွားကြရမည်။ ၃၄–၄၂၊ ဆင်းရဲသားများနှင့် ချို့တဲ့သောသူများကို ဂရုစိုက်ဖို့နှင့် ထာဝရကာလစည်းစိမ်ကို ရှာကြဖို့ အသင်းတော်ကို မိန့်မှာ၏။
အပိုဒ်ငယ် ၃၉
၁–၄၊ သန့်ရှင်းသူတို့သည် ဘုရားသခင်၏သားများဖြစ်လာစေဖို့ တန်ခိုးရှိကြ၏။ ၅–၆၊ ဧဝံဂေလိတရားတော်ကို လက်ခံခြင်းသည် ခရစ်တော်ကို လက်ခံခြင်းဖြစ်၏။ ၇–၁၄၊ ဂျိမ်းစ်ကိုဗယ်သည် ဗတ္တိဇံခံရန်နှင့် ကိုယ်တော်ရှင်၏စပျစ်ဥယျာဉ်၌ အလုပ်လုပ်ရန် မိန့်တော်မူခြင်းခံရ၏။ ၁၅–၂၁၊ ကိုယ်တော်ရှင်၏ကျွန်တို့သည် ဒုတိယအကြိမ်ကြွလာတော်မူခြင်းမတိုင်မီ ဧဝံဂေလိတရားတော်ကို ဟောပြောရမည်။ ၂၂–၂၄၊ ဧဝံဂေလိတရားတော်ကို လက်ခံသောသူတို့ကို ယခုကာလနှင့်ထာဝရကာလ၌ စုဝေးစေလိမ့်မည်။
အပိုဒ်ငယ် ၄၀
၁–၃၊ ညှဉ်းဆဲခြင်းနှင့် လောကီစိုးရိမ်မှုများကို ကြောက်ရွံ့ခြင်းက ဧဝံဂေလိတရားတော်အား ငြင်းပယ်ခြင်းကို ဖြစ်စေ၏။
အပိုဒ်ငယ် ၄၁
၁–၃၊ အသင်းလူကြီးများသည် အသင်းတော်ကို ဗျာဒိတ်တော်ဝိညာဉ်ဖြင့် အုပ်ချုပ်ကြ၏။ ၄–၆၊ မှန်သောတပည့်တော်တို့သည် ကိုယ်တော်ရှင်၏ပညတ်တရားများကို လက်ခံရရှိပြီး စောင့်ထိန်းကြလိမ့်မည်။ ၇–၁၂၊ အက်ဒဝါ့ပါ့ထရစ်ဂ်ျကို အသင်းတော်အဖို့ သင်းအုပ်တစ်ဦးအဖြစ် ခန့်ထား၏။
အပိုဒ်ငယ် ၄၂
၁–၁၀၊ အသင်းလူကြီးများသည် ဧဝံဂေလိတရားတော်ကို ဟောပြောဖို့၊ ပြောင်းလဲသူများကို ဗတ္တိဇံပေးဖို့နှင့် အသင်းတော်ကို တည်ထောင်ဖို့ ခေါ်သွင်းခံရ၏။ ၁၁–၁၂၊ သူတို့သည် ကျမ်းစာများ၌ တွေ့ရသည့် ဧဝံဂေလိတရားတော်အခြေခံဩဝါဒများကို သွန်သင်ဖို့ ခေါ်သွင်း၍ ခန့်ထားခံရ၏။ ၁၃–၁၇၊ သူတို့သည် ဝိညာဉ်တော်၏တန်ခိုးအားဖြင့် သွန်သင်ပြီး၊ ပရောဖက်ပြု၍ဟောကြရမည်။ ၁၈–၂၉၊ သန့်ရှင်းသူတို့သည် သူ့အသက်ကို မသတ်ရန်၊ သူ့ဥစ္စာကို မခိုးရန်၊ မုသားမပြောရန်၊ တပ်မက်ခြင်းမရှိရန်၊ သူ့သားမယားအားပြစ်မှားခြင်းကို မကျူးလွန်ရန်၊ သို့မဟုတ်၊ အခြားသူများအကြောင်း မကောင်းမပြောရန် မိန့်တော်မူခြင်းခံရ၏။ ၃၀–၃၉၊ ဥစ္စာပစ္စည်းများဆက်ကပ်ခြင်းကို ထိန်းချုပ်သည့် ဥပဒေများကို ဖော်ပြထား၏။ ၄၀–၄၂၊ မာနနှင့် ပျင်းရိခြင်းသည် ပြစ်တင်ရှုတ်ချခံရ၏။ ၄၃–၅၂၊ ဖျားနာသောသူများသည် စီမံဆောင်ရွက်ခြင်းနှင့် ယုံကြည်ခြင်းအားဖြင့် အနာငြိမ်းစေခြင်းခံကြရ၏။ ၅၃–၆၀၊ ကျမ်းစာများသည် အသင်းတော်ကို ထိန်းချုပ်၏၊ လောကသို့လည်း ကြေညာရမည်။ ၆၁–၆၉၊ ယေရုရှလင်မြို့သစ်နေရာနှင့် နိုင်ငံတော်၏နက်နဲခြင်းကို ဖော်ပြလိမ့်မည်။ ၇၀–၇၃၊ ဆက်ကပ်ထားသောဥစ္စာပစ္စည်းများကို အသင်းတော်အရာရှိများအား ထောက်ပံ့ရန် အသုံးပြုရမည်။ ၇၄–၉၃၊ မတရားသောမေထုန်၊ သူ့သားမယားအားပြစ်မှားခြင်း၊ သူ့အသက်ကို သတ်ခြင်း၊ သူ့ဥစ္စာကို ခိုးခြင်း၊ အပြစ်များဝန်ခံခြင်းတို့ကို ထိန်းချုပ်သည့် ဥပဒေများကို ဖော်ပြထား၏။
အပိုဒ်ငယ် ၄၃
၁–၇၊ ဗျာဒိတ်တော်များနှင့်ပညတ်တော်များသည် ခန့်အပ်ထားသောသူများအားဖြင့်သာ ရောက်လာ၏။ ၈–၁၄၊ သန့်ရှင်းသူများသည် ကိုယ်တော်ရှင်ရှေ့၌ အလုံးစုံသောသန့်ရှင်းခြင်းဖြင့် ပြုမူခြင်းအားဖြင့် သန့်ရှင်းစင်ကြယ်စေကြ၏။ ၁၅–၂၂၊ နောင်တရခြင်းကို ဟစ်ကြော်ရန်နှင့် လူတို့အား ကိုယ်တော်ရှင်၏ကြီးစွာသောနေ့အတွက်ပြင်ဆင်ရန် အသင်းလူကြီးများကို စေလွှတ်၏။ ၂၃–၂၈၊ ကိုယ်တော်ရှင်သည် လူတို့ကို သူကိုယ်တိုင်၏အသံနှင့် လောကဓာတ်၏အင်အားများဖြင့် ခေါ်တော်မူ၏။ ၂၉–၃၅၊ အနှစ်တစ်ထောင်ကာလနှင့် စာတန်ကိုချုပ်နှောင်ခြင်း ရောက်လာလိမ့်မည်။
အပိုဒ်ငယ် ၄၄
၁–၃၊ အသင်းလူကြီးတို့သည် ညီလာခံ၌ စည်းဝေးကြရမည်။ ၄–၆၊ သူတို့သည် ပြည်၏ဥပဒေများအတိုင်း ဖွဲ့စည်း၍၊ ဆင်းရဲသားတို့ကို ဂရုစိုက်ရမည်။
အပိုဒ်ငယ် ၄၅
၁–၅၊ ခရစ်တော်သည် ခမည်းတော်ထံ၌ ကျွန်ုပ်တို့၏လျှောက်လဲသူဖြစ်၏။ ၆–၁၀၊ ဧဝံဂေလိတရားတော်သည် ကိုယ်တော်ရှင်ရှေ့၌ လမ်းကိုပြင်ဆင်ရသော တမန်ဖြစ်၏။ ၁၁–၁၅၊ ဧနောက်နှင့်သူ၏ညီအစ်ကိုတို့သည် ကိုယ်တော်ရှင်ကိုယ်တိုင်အားဖြင့် လက်ခံသည်ကို ခံရ၏။ ၁၆–၂၃၊ ခရစ်တော်သည် သူကြွလာတော်မူခြင်း၏နိမိတ်လက္ခဏာကို သံလွင်တောင်ပေါ်မှာပြသည့်အတိုင်း ဖော်ပြတော်မူ၏။ ၂၄–၃၈၊ ဧဝံဂေလိတရားတော်ကို ပြန်လည်ဆောင်ယူလိမ့်မည်၊ တစ်ပါးအမျိုးသားတို့၏အချိန်ကို ပြီးပြည့်စုံစေလိမ့်မည်၊ လူဆိတ်ညံခြင်းအနာရောဂါသည်လည်း ပြည်ကို ဖုံးလွှမ်းလိမ့်မည်။ ၃၉–၄၇၊ နိမိတ်လက္ခဏာများ၊ အံ့မခန်းချီးမွမ်းဖွယ်အမှုများနှင့် ရှင်ပြန်ထမြောက်ခြင်းသည် ဒုတိယအကြိမ်ကြွလာတော်မူခြင်းနှင့်အတူဖြစ်လိမ့်မည်။ ၄၈–၅၃၊ ခရစ်တော်သည် သံလွင်တောင်ပေါ်မှာရပ်လိမ့်မည်၊ ယုဒလူမျိုးတို့သည် ကိုယ်တော့်လက်နှင့်ခြေတို့မှဒဏ်ရာများကို မြင်ရလိမ့်မည်။ ၅၄–၅၉၊ အနှစ်တစ်ထောင်ကာလ၌ ကိုယ်တော်ရှင် အုပ်စိုးတော်မူလိမ့်မည်။ ၆၀–၆၂၊ ပရောဖက်သည် ကိုယ်တော်ရှင်ဖော်ပြမည့် အရေးကြီးသောသတင်းအချက်အလက်များအားဖြင့် ဓမ္မသစ်ကျမ်း ဘာသာပြန်ခြင်းကို အစပြုဖို့ သွန်သင်ခံရ၏။ ၆၃–၇၅၊ သန့်ရှင်းသူတို့သည် စုဝေးရန်နှင့် နိုင်ငံအပေါင်းမှ လူမျိုးတို့လာကြမည့် ယေရုရှလင်မြို့သစ်ကို တည်ဆောက်ရန် မိန့်မှာခံရ၏။
အပိုဒ်ငယ် ၄၆
၁–၂၊ အသင်းလူကြီးတို့သည် သန့်ရှင်းသောဝိညာဉ်တော်လမ်းညွှန်သည့်အတိုင်း အစည်းအဝေးများကို စီမံရမည်။ ၃–၆၊ သမ္မာတရားကို ရှာသောသူများကို ပွဲတော်အစည်းအဝေးများမှ မဖယ်ထုတ်ရ။ ၇–၁၂၊ ဘုရားသခင်ထံ မေးလျှောက်၍၊ ဝိညာဉ်တော်၏ဆုကျေးဇူးများကို ရှာကြလော့။ ၁၃–၂၆၊ ဤဆုကျေးဇူးများထဲမှ အချို့၏စာရင်းကို ဖော်ပြထား၏။ ၂၇–၃၃၊ အသင်းတော်ခေါင်းဆောင်တို့အား ဝိညာဉ်တော်၏ဆုကျေးဇူးများကို ပိုင်းခြား၍သိစေရန် အခွင့်ပေးထား၏။
အပိုဒ်ငယ် ၄၇
၁–၄၊ ဂျွန်ဝှစ်တမာသည် အသင်းတော်၏သမိုင်းကို မှတ်တမ်းတင်ဖို့နှင့် ပရောဖက်အတွက်ရေးဖို့ ခန့်ထားခံရ၏။
အပိုဒ်ငယ် ၄၈
၁–၃၊ အိုဟိုင်းရိုရှိသန့်ရှင်းသူတို့သည် မိမိတို့မြေများကို မိမိတို့ညီအစ်ကိုများနှင့် ဝေငှရမည်။ ၄–၆၊ သန့်ရှင်းသူတို့သည် မြေများကို ဝယ်ရမည်။ မြို့ကို တည်ဆောက်၍၊ မိမိတို့၏ဦးစီးအရာရှိတို့၏ အကြံကို လိုက်လျှောက်ရမည်။
အပိုဒ်ငယ် ၄၉
၁–၇၊ ခရစ်တော်ကြွလာတော်မူရာနေ့နှင့်နာရီကို သူကြွလာတော်မူသည့်တိုင်အောင် မသိရဘဲရှိနေလိမ့်မည်။ ၈–၁၄၊ လူသားတို့သည် ကယ်တင်ခြင်းကို ရရှိရန်၊ နောင်တရ၍၊ ဧဝံဂေလိတရားတော်ကို ယုံကြည်ပြီး၊ ဘိသိက်မင်္ဂလာများကို နာခံရမည်။ ၁၅–၁၆၊ အိမ်ထောင်ပြုခြင်းသည် ဘုရားသခင်တည်ထောင်ထားသော အရာဖြစ်၏။ ၁၇–၂၁၊ အသားစားခြင်းကို အတည်ပြု၏။ ၂၂–၂၈၊ ဇိအုန်သည် ဖွံ့ဖြိုးတိုးတက်၍၊ လာမန်အမျိုးသားတို့သည် ဒုတိယအကြိမ်ကြွလာတော်မူခြင်းမတိုင်မီ၊ နှင်းဆီပန်းကဲ့သို့ ပွင့်လန်းလိမ့်မည်။
အပိုဒ်ငယ် ၅၀
၁–၅၊ မိစ္ဆာဝိညာဉ်တို့သည် မြေကြီးပေါ်မှာ ပျံ့နှံ့ကြ၏။ ၆–၉၊ သူတော်ကောင်းယောင်ဆောင်သော သူများနှင့် အသင်းတော်မှ ပယ်ရှင်းခံရသော သူများသည် အမင်္ဂလာရှိကြ၏။ ၁၀–၁၄၊ အသင်းလူကြီးတို့သည် ဝိညာဉ်တော်အားဖြင့်၊ ဧဝံဂေလိတရားတော်ကို ဟောပြောရမည်။ ၁၅–၂၂၊ ဟောပြောသူနှင့် ကြားနာသူနှစ်မျိုးစလုံးတို့သည် ဝိညာဉ်တော်အားဖြင့်အလင်းသို့ရောက်ဖို့ လိုအပ်၏။ ၂၃–၂၅၊ မတည်ဆောက်သောအရာသည် ဘုရားသခင်ထံမှမဟုတ်။ ၂၆–၂၈၊ သစ္စာရှိသောသူများသည် ခပ်သိမ်းသောအရာတို့ကို ပိုင်ဆိုင်သူများဖြစ်၏။ ၂၉–၃၆၊ စင်ကြယ်စေပြီးသောသူတို့၏ ဆုတောင်းခြင်းများကို ဖြေကြား၏။ ၃၇–၄၆၊ ခရစ်တော်သည် ကောင်းသောသိုးထိန်းနှင့် ဣသရေလအမျိုး၏ကျောက်ဖြစ်၏။
အပိုဒ်ငယ် ၅၁
၁–၈၊ အက်ဒဝါ့ပါ့ထရစ်ဂ်ျသည် တာဝန်ခံအရာနှင့် ဥစ္စာပစ္စည်းများကို အုပ်ချုပ်ဖို့ ခန့်အပ်ခံရ၏။ ၉–၁၂၊ သန့်ရှင်းသူတို့သည် ရိုးသားစွာဆက်ဆံပြီး၊ အညီအမျှ လက်ခံရရှိကြရမည်။ ၁၃–၁၅၊ သူတို့၌ သင်းအုပ်၏ဘဏ္ဍာတိုက်ရှိရမည်ဖြစ်ပြီး၊ ဥစ္စာပစ္စည်းများကို ကိုယ်တော်ရှင်၏ဥပဒေအတိုင်း စီမံရမည်။ ၁၆–၂၀၊ အိုဟိုင်းရိုသည် ယာယီစုဝေးရာနေရာဖြစ်ရလိမ့်မည်။
အပိုဒ်ငယ် ၅၂
၁–၂၊ လာမည့်ညီလာခံကို မစ်ဆိုရီ၌ ကျင်းပဖို့ သတ်မှတ်ထား၏။ ၃–၈၊ အချို့သော အသင်းလူကြီးများအား အတူတကွ ခရီးသွားရန် ခန့်အပ်ခြင်းကို ပြုလုပ်၏။ ၉–၁၁၊ အသင်းလူကြီးတို့သည် တမန်တော်များနှင့် ပရောဖက်များ ရေးလေသည့်အရာများကို သွန်သင်ကြရမည်။ ၁၂–၂၁၊ ဝိညာဉ်တော်အားဖြင့် အလင်းသို့ရောက်ကြသည့် သူများသည် ချီးမွမ်းခြင်းနှင့် ဉာဏ်ပညာအသီးကို သီးစေကြ၏။ ၂၂–၄၄၊ အမျိုးမျိုးသော အသင်းလူကြီးတို့သည် ညီလာခံအတွက် မစ်ဆိုရီသို့ ခရီးသွားစဉ်တွင် ထွက်သွားပြီး၊ ဧဝံဂေလိတရားတော်ကို ဟောပြောရန် ခန့်အပ်ခံကြရ၏။
အပိုဒ်ငယ် ၅၃
၁–၃၊ အသင်းတော်၌ ဆစ်ဒနီဂဲဗာ့၏ အမှုတော်ဆောင်တာဝန်နှင့် ရွေးကောက်ခြင်းမှာ အသင်းလူကြီးတစ်ဦးအဖြစ် ခန့်ထားခံရဖို့ဖြစ်၏။ ၄–၇၊ သူသည် သင်းအုပ်၏ ကိုယ်စားလှယ်တစ်ဦး အဖြစ်လည်း အစေခံရမည်။
အပိုဒ်ငယ် ၅၄
၁–၆၊ သန့်ရှင်းသူတို့သည် ကရုဏာကို ရရှိရန် ဧဝံဂေလိတရားတော်ပဋိညာဉ်များကို စောင့်ထိန်းကြရမည်။ ၇–၁၀၊ သူတို့သည် အတိဒုက္ခ၌ သည်းခံတတ်ရမည်။
အပိုဒ်ငယ် ၅၅
၁–၃၊ ဝီလျံဒဗယျူဖဲလပ်သည် ဗတ္တိဇံခံရဖို့နှင့် အသင်းလူကြီးတစ်ဦးအဖြစ် ခန့်ထားခံရဖို့၊ ထို့အတူ၊ ဧဝံဂေလိတရားတော်ကို ဟောပြောရန် ခေါ်သွင်းပြီး၊ ရွေးကောက်ခံရ၏။ ၄၊ သူသည် အသင်းတော်စာသင်ကျောင်းများရှိ ကလေးများအတွက် စာအုပ်များကို ရေးရမည်။ ၅–၆၊ သူ၏အလုပ်လုပ်ရာဒေသဖြစ်မည့် မစ်ဆိုရီသို့ သူခရီးသွားရမည်။
အပိုဒ်ငယ် ၅၆
၁–၂၊ သန့်ရှင်းသူတို့သည် ကယ်တင်ခြင်းကို ရရှိရန် မိမိတို့လက်ဝါးကပ်တိုင်ကို ထမ်း၍ ကိုယ်တော်ရှင်နောက်သို့ လိုက်ရမည်။ ၃–၁၃၊ ကိုယ်တော်ရှင်သည် မိန့်တော်မူပြီး၊ ပယ်ဖျက်၏၊ မနာခံသော သူတို့သည် စွန့်ပစ်ခံရ၏။ ၁၄–၁၇၊ ဆင်းရဲသားတို့ကို မကူညီမည့် ကြွယ်ဝသော သူတို့သည် အမင်္ဂလာရှိကြ၏၊ စိတ်နှလုံး မကျိုးပဲ့သည့် ဆင်းရဲသားတို့သည်လည်း အမင်္ဂလာရှိကြ၏။ ၁၈–၂၀၊ စိတ်နှလုံးစင်ကြယ်သော ဆင်းရဲသားတို့သည် မင်္ဂလာရှိကြ၏၊ အကြောင်းမူကား၊ သူတို့သည် မြေကြီးကို အမွေခံကြရလိမ့်မည်။
အပိုဒ်ငယ် ၅၇
၁–၃၊ အင်ဒီပန်းဒင့်၊ မစ်ဆိုရီသည် ဇိအုန်မြို့နှင့် ဗိမာန်တော်အတွက်နေရာဖြစ်၏။ ၄–၇၊ သန့်ရှင်းသူတို့သည် မြေများကိုဝယ်ပြီး၊ ထိုဒေသ၌ အမွေခံရာတို့ကို လက်ခံရရှိကြရမည်။ ၈–၁၆၊ ဆစ်ဒနီဂဲဗာ့သည် ဈေးဆိုင်တစ်ဆိုင်ကို တည်ဆောက်ရမည်၊ ဝီလျံဒဗယျူဖဲလပ်သည် ပုံနှိပ်သူဖြစ်ရမည်၊ အော်လီဗာကောင်ဒရီသည် ပုံနှိပ်ခြင်းအတွက် ပစ္စည်များကို တည်းဖြတ်ရမည်။
အပိုဒ်ငယ် ၅၈
၁–၅၊ အတိဒုက္ခကို ကြံ့ကြံ့ခံသောသူတို့သည် ဘုန်းအသရေနှင့် ချီးမြှင့်ခံရလိမ့်မည်။ ၆–၁၂၊ သန့်ရှင်းသူတို့သည် သိုးသငယ်နှင့် ကိုယ်တော်ရှင်၏ညနေစာ မင်္ဂလာဆောင်ပွဲအတွက် ပြင်ဆင်ကြရမည်။ ၁၃–၁၈၊ သင်းအုပ်တို့သည် ဣသရေလအမျိုး၌ တရားသူကြီးများဖြစ်ကြ၏။ ၁၉–၂၃၊ သန့်ရှင်းသူတို့သည် ပြည်၏ဥပဒေများကို နာခံကြရမည်။ ၂၄–၂၉၊ လူသားတို့သည် မိမိတို့၏ရွေးချယ်ပြုမူနိုင်ခွင့်ကို ကောင်းမြတ်သောအရာကို ပြုဖို့ အသုံးပြုကြရမည်။ ၃၀–၃၃၊ ကိုယ်တော်ရှင်သည် မိန့်တော်မူပြီး ပယ်ဖျက်၏။ ၃၄–၄၃၊ နောင်တရရန် လူသားတို့သည် မိမိတို့၏အပြစ်များကို ဝန်ခံပြီး၊ စွန့်ပစ်ကြရမည်။ ၄၄–၅၈၊ သန့်ရှင်းသူတို့သည် မိမိတို့၏နေထိုင်ရာကို ဝယ်ကြရမည်၊ မစ်ဆိုရီ၌ စုဝေးကြရမည်။ ၅၉–၆၅၊ ဧဝံဂေလိတရားတော်ကို လူသတ္တဝါတိုင်းသို့ ဟောပြောရမည်။
အပိုဒ်ငယ် ၅၉
၁–၄၊ ဇိအုန်၌ရှိသည့် သစ္စာရှိသော သန့်ရှင်းသူတို့သည် ကောင်းချီးခံစားကြရလိမ့်မည်။ ၅–၈၊ သူတို့သည် ကိုယ်တော်ရှင်ကို ချစ်၍၊ အစေခံပြီး၊ သူ၏ပညတ်တော်များကို စောင့်ထိန်းကြရမည်။ ၉–၁၉၊ ကိုယ်တော်ရှင်၏နေ့ကို သန့်ရှင်းစွာထားခြင်း အားဖြင့်၊ သန့်ရှင်းသူတို့သည် ဇာတိပကတိနှင့် ဝိညာဉ်ပကတိ၌ ကောင်းချီးခံစားကြရ၏။ ၂၀–၂၄၊ ဖြောင့်မတ်သောသူတို့သည် ယခုလောက၌ ငြိမ်းချမ်းခြင်းကိုလည်းကောင်း၊ ကျရောက်လာမည့်လောက၌ ထာဝရအသက်ကိုလည်းကောင်း ကတိထားသည်ကို ခံကြရ၏။
အပိုဒ်ငယ် ၆၀
၁–၉၊ အသင်းလူကြီးတို့သည် ဆိုးညစ်သောပရိသတ်၌ ဧဝံဂေလိတရားတော်ကို ဟောပြောကြရမည်။ ၁၀–၁၄၊ သူတို့သည် မိမိတို့အချိန်ကို မဖြုန်းရ၊ မိမိတို့အဖိုးထိုက်သောအရာများကိုလည်း မြေမမြှုပ်ရ။ ၁၅–၁၇၊ သူတို့သည် ဧဝံဂေလိတရားတော်ကို ငြင်းပယ်ကြသောသူများ တစ်ဖက်၌ သက်သေခံချက်အဖြစ် မိမိတို့ခြေကို ဆေးနိုင်ကြ၏။
အပိုဒ်ငယ် ၆၁
၁–၁၂၊ ကိုယ်တော်ရှင်သည် ရေပေါ်၌ များစွာသောဖျက်ဆီးခြင်းတို့ကို စီရင်တော်မူလေ၏။ ၁၃–၂၂၊ ရေများသည် ယောဟန်အားဖြင့် အကျိန်ခံရ၏၊ ဖျက်ဆီးသောသူသည် ၎င်းတို့မျက်နှာပြင်ပေါ်မှာစီး၏။ ၂၃–၂၉၊ အချို့သောသူတို့သည် ရေများကို အမိန့်ပေးဖို့ တန်ခိုးရှိကြ၏။ ၃၀–၃၅၊ အသင်းလူကြီးတို့သည် နှစ်ဦးချင်းစီ ခရီးသွားပြီး၊ ဧဝံဂေလိတရားတော်ကို ဟောပြောရမည်။ ၃၆–၃၉၊ သူတို့သည် လူသားတော်ကြွလာတော်မူခြင်းအတွက် ပြင်ဆင်ကြရမည်။
အပိုဒ်ငယ် ၆၂
၁–၃၊ သက်သေခံချက်များကို ကောင်းကင်ဘုံ၌ မှတ်တမ်းတင်ထား၏။ ၄–၉၊ အသင်းလူကြီးတို့သည် ဝေဖန်ပိုင်းခြားနိုင်စွမ်းအတိုင်းနှင့် ဝိညာဉ်တော်အားဖြင့် လမ်းညွှန်သည့်အတိုင်း ခရီးသွား၍ ဟောပြောရမည်။
အပိုဒ်ငယ် ၆၃
၁–၆၊ အမျက်ထွက်ရာနေ့သည် ဆိုးညစ်သောသူတို့အပေါ် ကျရောက်လာလိမ့်မည်။ ၇–၁၂၊ နိမိတ်လက္ခဏာများသည် ယုံကြည်ခြင်းအားဖြင့် ဖြစ်လာ၏။ ၁၃–၁၉၊ စိတ်နှလုံးထဲ၌ သူ့သားမယားအား ပြစ်မှားသောသူတို့သည် ယုံကြည်ခြင်းကို ငြင်းဆိုပြီး၊ မီးအိုင်ထဲသို့ ပစ်ချခံကြရလိမ့်မည်။ ၂၀၊ သစ္စာရှိသောသူတို့သည် ပုံသဏ္ဌာန်ပြောင်းလဲထားသော မြေကြီးပေါ်တွင် အမွေခံရာကိုရကြလိမ့်မည်။ ၂၁၊ ပုံသဏ္ဌာန်ပြောင်းလဲခြင်းတောင်ပေါ်မှ အဖြစ်အပျက်များအကြောင်း ပြည့်စုံသောမှတ်တမ်းကို မဖော်ပြရသေးပေ။ ၂၂–၂၃၊ နာခံသောသူတို့သည် နိုင်ငံတော်နက်နဲခြင်းကို လက်ခံရရှိကြ၏။ ၂၄–၃၁၊ ဇိအုန်၌ နေထိုင်ရာကို ဝယ်ကြရမည်။ ၃၂–၃၅၊ ကိုယ်တော်ရှင်သည် စစ်တိုက်ခြင်းများကို စီရင်တော်မူ၏၊ ဆိုးညစ်သောသူတို့သည် ဆိုးညစ်သောသူတို့ကိုကွပ်မျက်ကြ၏။ ၃၆–၄၈၊ သန့်ရှင်းသူတို့သည် ဇိအုန်သို့ စုဝေးပြီး၊ တည်ဆောက်ရန် ငွေကို ထောက်ပံ့ကြရမည်။ ၄၉–၅၄၊ သစ္စာရှိသောသူတို့အား ကောင်းချီးမင်္ဂလာများကို ဒုတိယအကြိမ် ကြွလာတော်မူခြင်းတွင်၊ ရှင်ပြန်ထမြောက်ခြင်း၌၊ ထို့အတူ၊ အနှစ်တစ်ထောင်ကာလအတွင်း၌ အာမခံထား၏။ ၅၅–၅၈၊ ဤနေ့သည် သတိပေးရာနေ့ဖြစ်၏။ ၅၉–၆၆၊ အခွင့်အာဏာမရှိဘဲ အသုံးပြုသောသူတို့အားဖြင့်၊ ကိုယ်တော်ရှင်၏နာမတော်ကို အချည်းနှီးမြွက်ဆို၏။
အပိုဒ်ငယ် ၆၄
၁–၁၁၊ သန့်ရှင်းသူတို့သည် သာ၍ကြီးသောအပြစ် သူတို့၌ ဆက်၍ မရှိကြစေခြင်းငှာ၊ တစ်ယောက်ကိုတစ်ယောက် ခွင့်လွှတ်ဖို့ မိန့်တော်မူခြင်း ခံကြရ၏။ ၁၂–၂၂၊ နောင်တမရသောသူတို့သည် အသင်းတော်ရှေ့သို့ ခေါ်ဆောင်ခံကြရမည်။ ၂၃–၂၅၊ ဆယ်ဖို့တစ်ဖို့ကို ပေးသောသူသည် ကိုယ်တော်ရှင်ကြွလာတော်မူသောအခါ လောင်မြိုက်မခံရ။ ၂၆–၃၂၊ သန့်ရှင်းသူတို့သည် အကြွေးမတင်စေဖို့ သတိပေးခံကြရ၏။ ၃၃–၃၆၊ ပုန်ကန်သောသူတို့သည် ဇိအုန်မှ ပယ်ရှင်းခံကြရလိမ့်မည်။ ၃၇–၄၀၊ အသင်းတော်သည် လူမျိုးတို့ကို တရားစီရင်လိမ့်မည်။ ၄၁–၄၃၊ ဇိအုန်သည် ဖွံ့ဖြိုးတိုးတက်လိမ့်မည်။
အပိုဒ်ငယ် ၆၅
၁–၂၊ ဘုရားသခင်၏နိုင်ငံတော်သော့များကို မြေကြီးပေါ်ရှိလူသားသို့ အပ်နှံ၏၊ ဧဝံဂေလိတရားတော်၏အကျိုး အောင်လိမ့်မည်။ ၃–၆၊ အနှစ်တစ်ထောင်ကောင်းကင်နိုင်ငံတော် ကျရောက်လာပြီး၊ မြေကြီးပေါ်တွင် ဘုရားသခင်၏နိုင်ငံတော်နှင့် ပူးပေါင်းလိမ့်မည်။
အပိုဒ်ငယ် ၆၆
၁–၄၊ ထာဝရတည်မြဲသောပဋိညာဉ်သည် ဧဝံဂေလိတရားတော်အပြည့်အစုံဖြစ်၏။ ၅–၈၊ အသင်းလူကြီးတို့သည် လူတို့အား ဟောပြော၊ သက်သေခံပြီး၊ ဆွေးနွေးကြရမည်။ ၉–၁၃၊ သစ္စာရှိသောအမှုတော်ဆောင်အစေခံခြင်းက ထာဝရအသက်အမွေကို အာမခံ၏။
အပိုဒ်ငယ် ၆၇
၁–၃၊ ကိုယ်တော်ရှင်သည် ဆုတောင်းခြင်းများကို ကြားတော်မူပြီး သူ၏အသင်းလူကြီးတို့ကို ကြည့်ရှုစောင့်ရှောက်တော်မူ၏။ ၄–၉၊ သူသည် ပညာအရှိဆုံးလူအား သူ၏ဗျာဒိတ်တော်များထဲမှ အငယ်ဆုံးကို နည်းတူထပ်ရေးရန် စိန်ခေါ်၏။ ၁၀–၁၄၊ သစ္စာရှိသောအသင်းလူကြီးတို့သည် ဝိညာဉ်တော်အားဖြင့် ရှင်သန်ရစေပြီး၊ ဘုရားသခင်၏မျက်နှာကို မြင်ရလိမ့်မည်။
အပိုဒ်ငယ် ၆၈
၁–၅၊ အသင်းလူကြီးတို့၏ စကားများသည် သန့်ရှင်းသောဝိညာဉ်တော်၏ တိုက်တွန်းတော်မူခြင်းကို ခံရသောအခါ ကျမ်းစာဖြစ်၏။ ၆–၁၂၊ အသင်းလူကြီးတို့သည် ဟောပြောပြီး ဗတ္တိဇံပေးရမည်၊ အမှန်ယုံကြည်သူတို့၌ နိမိတ်လက္ခဏာများ ဖြစ်လိမ့်မည်။ ၁၃–၂၄၊ အာရုန်၏သားများ၌ သားဦးသည် ပထမဥက္ကဋ္ဌအဖွဲ့၏ လမ်းညွှန်မှုအောက်၌ ဦးစီးသင်းအုပ်အဖြစ် (ဆိုလိုသည်ကား၊ သင်းအုပ်အဖြစ် ဥက္ကဋ္ဌအဖွဲ့ သော့များကို ကိုင်ဆောင်၏) အစေခံနိုင်၏။ ၂၅–၂၈၊ မိဘတို့သည် မိမိတို့သားသမီးများကို ဧဝံဂေလိတရားတော်ကို သွန်သင်ဖို့ မိန့်မှာခံရ၏။ ၂၉–၃၅၊ သန့်ရှင်းသူတို့သည် ဥပုသ်နေ့ကို ရိုသေစွာပြုရ၊ လုံ့လဝီရိယထက်သန်စွာအလုပ်လုပ်ရ၊ ထို့အတူ ဆုတောင်းရမည်။
အပိုဒ်ငယ် ၆၉
၁–၂၊ ဂျွန်ဝှစ်တမာသည် မစ်ဆိုရီသို့ အော်လီဗာကောင်ဒရီနှင့်အတူ လိုက်ပါရမည်။ ၃–၈၊ သူသည် ဟောပြောရမည်၊ ထို့အတူ သမိုင်းနှင့်ဆိုင်သော အချက်အလက်များကို စုဆောင်းပြီး၊ မှတ်တမ်းတင်၍လည်း ရေးရမည်။
အပိုဒ်ငယ် ၇၀
၁–၅၊ ဗျာဒိတ်တော်များကို ပုံနှိပ်ဖို့ တာဝန်ခံများကို ခန့်အပ်၏။ ၆–၁၃၊ ဝိညာဉ်ပကတိအမှုများ၌ အလုပ်လုပ်သောသူတို့သည် မိမိတို့အခကို ခံထိုက်ပေ၏။ ၁၄–၁၈၊ သန့်ရှင်းသူတို့သည် ဇာတိပကတိအရာတို့၌ ညီမျှကြရမည်။
အပိုဒ်ငယ် ၇၁
၁–၄၊ ဂျိုးဇက်စမစ်နှင့် ဆစ်ဒနီရစ်ဂဒွန်တို့သည် ဧဝံဂေလိတရားတော်ကို ကြေညာစေဖို့ စေလွှတ်ခံရ၏။ ၅–၁၁၊ သန့်ရှင်းသူတို့၏ရန်သူတို့သည် ချေပခံရလိမ့်မည်။
အပိုဒ်ငယ် ၇၂
၁–၈၊ အသင်းလူကြီးတို့သည် မိမိတို့၏ တာဝန်ခံအရာအကြောင်း မှတ်တမ်းကို သင်းအုပ်သို့ ပေးရမည်။ ၉–၁၅၊ သင်းအုပ်တို့သည် ဘဏ္ဍာတိုက်များကို ထိန်းသိမ်းပြီး၊ ဆင်းရဲသားများနှင့် ချို့တဲ့သောသူများကို ဂရုစိုက်ရမည်။ ၁၆–၂၆၊ သင်းအုပ်တို့သည် အသင်းလူကြီးတို့၏ထိုက်တန်မှုကို အတည်ပြုပေးရမည်။
အပိုဒ်ငယ် ၇၃
၁–၂၊ အသင်းလူကြီးတို့သည် ဆက်၍ ဟောပြောရမည်။ ၃–၆၊ ဂျိုးဇက်စမစ်နှင့် ဆစ်ဒနီရစ်ဂဒွန်တို့သည် သမ္မာကျမ်းကို ပြီးဆုံးသည်အထိ ဆက်၍ ဘာသာပြန်ကြရမည်။
အပိုဒ်ငယ် ၇၄
၁–၅၊ ပေါလုသည် မိမိနေ့ရက်ကအသင်းတော်အား မောရှေ၏ပညတ်တရားကို မစောင့်ထိန်းဖို့ အကြံပေး၏။ ၆–၇၊ ကလေးသူငယ်တို့သည် သန့်ရှင်းကြပြီး၊ အပြစ်ဖြေခြင်းမင်္ဂလာအားဖြင့် သန့်ရှင်းစင်ကြယ်စေကြ၏။
အပိုဒ်ငယ် ၇၅
၁–၅၊ ဧဝံဂေလိတရားတော်ကို ဟောပြောသည့် သစ္စာရှိသောအသင်းလူကြီးတို့သည် ထာဝရအသက်ကို ရလိမ့်မည်။ ၆–၁၂၊ ခပ်သိမ်းသောအရာတို့ကို သွန်သင်သည့် နှစ်သိမ့်ရှင်ကို လက်ခံရရှိဖို့ ဆုတောင်းကြလော့။ ၁၃–၂၂၊ အသင်းလူကြီးတို့သည် မိမိတို့သတင်းစကားကို ငြင်းပယ်ကြသော သူတို့ကို တရားစီရင်လိမ့်မည်။ ၂၃–၃၆၊ သာသနာပြုတို့၏ မိသားစုများသည် အသင်းတော်မှ အကူအညီကို လက်ခံရရှိကြရမည်။
အပိုဒ်ငယ် ၇၆
၁–၄၊ ကိုယ်တော်ရှင်သည် ဘုရားသခင်ဖြစ်၏။ ၅–၁၀၊ သစ္စာရှိသောသူအပေါင်းတို့အား နိုင်ငံတော်၏ နက်နဲခြင်းကို ဖော်ပြလိမ့်မည်။ ၁၁–၁၇၊ တရားသောသူများ သို့မဟုတ် မတရားသောသူများ၏ ရှင်ပြန်ထမြောက်ခြင်း၌ ခပ်သိမ်းသောသူတို့ ထွက်လာကြလိမ့်မည်။ ၁၈–၂၄၊ များစွာသော လောကတို့၌ နေထိုင်သောသူတို့သည် ယေရှုခရစ်တော်၏ အပြစ်ဖြေခြင်းမင်္ဂလာအားဖြင့် ဘုရားသခင်အဖို့ ဖြစ်ဖွားစေသည့် သားများနှင့်သမီးများဖြစ်ကြ၏။ ၂၅–၂၉၊ ဘုရားသခင်၏ ကောင်းကင်တမန်တစ်ပါး ကျရှုံးပြီး နတ်ဆိုးဖြစ်လာ၏။ ၃၀–၄၉၊ ပျက်စီးခြင်း၏သားတို့သည် ထာဝရအပြစ်ဒဏ်ရောက်ခြင်းကို ခံစားကြရ၏၊ အခြားသောသူခပ်သိမ်းတို့သည် ကယ်တင်ခြင်းပမာဏအချို့ကို ရရှိကြ၏။ ၅၀–၇၀၊ ဆီလက်ရှယ်လ်နိုင်ငံတော်၌ ချီးမြှောက်ခံကြရသူတို့၏ ဘုန်းအသရေနှင့် အကျိုးကျေးဇူးတို့ကို ဖော်ပြထား၏။ ၇၁–၈၀၊ ထီရက်စ်ထရီရယ်လ်နိုင်ငံတော်ကို အမွေခံမည့်သူများကို ဖော်ပြထား၏။ ၈၁–၁၁၃၊ ထီလက်စ်ရှယ်လ်၊ ထီရက်စ်ထရီရယ်လ်နှင့် ဆီလက်ရှယ်လ်ဘုန်းအသရေတို့၌ ရှိကြသောသူတို့၏ အခြေအနေကို ရှင်းပြထား၏။ ၁၁၄–၁၁၉၊ သစ္စာရှိသောသူတို့သည် ဘုရားသခင့်နိုင်ငံတော်၏ နက်နဲသောအရာတို့ကို သန့်ရှင်းသောဝိညာဉ်တော်၏ တန်ခိုးတော်အားဖြင့် မြင်နိုင်၊ နားလည်နိုင်ကြ၏။
အပိုဒ်ငယ် ၇၇
၁–၄၊ သားရဲတို့၌ ဝိညာဉ်များ ရှိကြပြီး ထာဝရကြည်နူးပျော်ရွှင်ခြင်း၌ နေထိုင်ကြလိမ့်မည်။ ၅–၇၊ ဤမြေကြီးသည် ဇာတိပကတိဖြစ်တည်ခြင်း နှစ်ပေါင်း ၇,၀၀၀ ရှိ၏။ ၈–၁၀၊ အမျိုးမျိုးသော ကောင်းကင်တမန်တို့သည် ဧဝံဂေလိတရားတော်ကို ပြန်လည်ဆောင်ယူပြီး မြေကြီးပေါ်မှာ အမှုတော်ဆောင်ကြ၏။ ၁၁၊ ၁၄၄,၀၀၀ သောသူတို့၏ တံဆိပ်ခတ်ခြင်း။ ၁၂–၁၄၊ ခရစ်တော်သည် နှစ်တစ်ထောင်သတ္တမကာလအစတွင် ကြွလာတော်မူလိမ့်မည်။ ၁၅၊ ပရောဖက်နှစ်ပါးကို ယုဒပြည်သားများအဖို့ ပေါ်ထွန်းစေလိမ့်မည်။
အပိုဒ်ငယ် ၇၈
၁–၄၊ သန့်ရှင်းသူတို့သည် ဘဏ္ဍာတိုက်တစ်ခုကို ဖွဲ့စည်းပြီး တည်ထောင်ရမည်။ ၅–၁၂၊ ဥစ္စာပစ္စည်းများကို ဉာဏ်ပညာရှိစွာ အသုံးပြုခြင်းသည် ကယ်တင်ခြင်းသို့ ဦးဆောင်၏။ ၁၃–၁၄၊ အသင်းတော်သည် လောကီတန်ခိုးတို့နှင့် လွတ်လပ်ရမည်။ ၁၅–၁၆၊ မိက္ခေလ (အာဒံ)သည် သန့်ရှင်းတော်မူသောဘုရား (ခရစ်တော်) ၏လမ်းညွှန်မှုဖြင့် အစေခံ၏။ ၁၇–၂၂၊ သစ္စာရှိသော သူတို့သည် မင်္ဂလာရှိကြ၏၊ အကြောင်းမူကား၊ သူတို့သည် ခပ်သိမ်းသောအရာတို့ကို အမွေခံကြလိမ့််မည်။
အပိုဒ်ငယ် ၇၉
၁–၄၊ ယာရက်ကာတာသည် ဧဝံဂေလိတရားတော်ကို ဟောပြောစေရန် နှစ်သိမ့်ရှင်အားဖြင့် ခေါ်သွင်းခံရ၏။
အပိုဒ်ငယ် ၈၀
၁–၅၊ စတီဖင်ဘာနက်နှင့် အီဒင်စမစ်တို့သည် သူတို့ရွေးချယ်သည့်နေရာမှန်သမျှ၌ ဟောပြောရန် ခေါ်သွင်းခံကြရ၏။
အပိုဒ်ငယ် ၈၁
၁–၂၊ နိုင်ငံတော်၏သော့များကို ပထမဥက္ကဋ္ဌအဖွဲ့မှ အစဉ်အမြဲကိုင်ဆောင်ထား၏။ ၃–၇၊ ဖရက်ဒရစ်ခ်ဂျီဝီလျံသည် မိမိအမှုတော်ဆောင်ခြင်း၌ သစ္စာရှိလျှင်၊ သူသည် ထာဝရအသက်ကို ရရှိလိမ့်မည်။
အပိုဒ်ငယ် ၈၂
၁–၄၊ များစွာအပေးခံရရာနေရာ၌ များစွာလိုအပ်၏။ ၅–၇၊ မှောင်မိုက်ခြင်းသည် လောကထဲ၌ အုပ်စိုး၏။ ၈–၁၃၊ ကျွန်ုပ်တို့သည် ကိုယ်တော်ရှင်မိန့်တော်မူသည့်အတိုင်း ပြုကြသည့်အခါ သူ့၌ တာဝန်ရှိ၏။ ၁၄–၁၈၊ ဇိအုန်သည် တင့်တယ်ခြင်းနှင့် သန့်ရှင်းခြင်း၌ တိုးပွားရမည်။ ၁၉–၂၄၊ လူတိုင်းသည် မိမိနှင့်စပ်ဆိုင်သောသူ၏ကောင်းကျိုးကို ရှာရမည်။
အပိုဒ်ငယ် ၈၃
၁–၄၊ မိန်းမများနှင့်ကလေးများသည် မိမိတို့အထောက်အမအတွက် မိမိတို့ခင်ပွန်းများနှင့် အဘများအပေါ် တောင်းဆိုခွင့်ရှိကြ၏။ ၅–၆၊ မုဆိုးမများနှင့် မိဘမဲ့သူငယ်တို့သည် မိမိတို့အထောက်အမအတွက် အသင်းတော်အပေါ် တောင်းဆိုခွင့် ရှိကြ၏။
အပိုဒ်ငယ် ၈၄
၁–၅၊ ယေရုရှလင်မြို့သစ်နှင့် ဗိမာန်တော်ကို မစ်ဆိုရီ၌ တည်ဆောက်လိမ့််မည်။ ၆–၁၇၊ မောရှေမှ အာဒံအထိ ယဇ်ပုရောဟိတ်အခွင့် အဆက်အနွယ်ကို ပေးထား၏။ ၁၈–၂၅၊ သာ၍ကြီးသော ယဇ်ပုရောဟိတ်အခွင့်သည် ဘုရားသခင်အကြောင်းအသိပညာသော့ကို ကိုင်ဆောင်၏။ ၂၆–၃၂၊ သာ၍ငယ်သော ယဇ်ပုရောဟိတ်အခွင့်သည် ကောင်းကင်တမန်များ အမှုတော်ဆောင်ခြင်းနှင့် ပြင်ဆင်ရာ ဧဝံဂေလိတရားတော်သော့ကို ကိုင်ဆောင်၏။ ၃၃–၄၄၊ လူသားတို့သည် ယဇ်ပုရောဟိတ်အခွင့်နှင့်စပ်လျဉ်းသည့် ကျိန်ဆိုခြင်းနှင့် ပဋိညာဉ်အားဖြင့် ထာဝရအသက်ကို ရရှိကြ၏။ ၄၅–၅၃၊ ခရစ်တော်၏ ဝိညာဉ်တော်သည် လူသားတို့ကို အလင်းသို့ ရောက်စေ၏၊ လောကသည်အပြစ်သို့ ရောက်၏။ ၅၄–၆၁၊ သန့်ရှင်းသူတို့သည် မိမိတို့လက်ခံရရှိလေသည့် အရာများအကြောင်းကို သက်သေခံကြရမည်။ ၆၂–၇၆၊ သူတို့သည် ဧဝံဂေလိတရားတော်ကို ဟောပြောရမည်၊ နိမိတ်လက္ခဏာများ ဖြစ်လိမ့်မည်။ ၇၇–၉၁၊ အသင်းလူကြီးတို့သည် ငွေအိတ် သို့မဟုတ် လွယ်အိတ်မပါဘဲ ထွက်သွားရမည်၊ ကိုယ်တော်ရှင်သည် သူတို့၏လိုအပ်ချက်များကို ဂရုစိုက်တော်မူလိမ့်မည်။ ၉၂–၉၇၊ ဧဝံဂေလိတရားတော်ကို ငြင်းပယ်သူတို့အား ကပ်ရောဂါဘေးများနှင့် ကျိန်ခြင်းအမင်္ဂလာတို့က စောင့်နေ၏။ ၉၈–၁၀၂၊ ဇိအုန်၏ ရွေးနုတ်ခြင်းသီချင်းသစ်ကို ပေးထား၏။ ၁၀၃–၁၁၀၊ လူတိုင်းအား မိမိကိုယ်တိုင်၏ အမှုအရာကို ဆောင်ရွက်စေပြီး၊ မိမိကိုယ်တိုင်၏အမှုတော်ဆောင်တာဝန်၌ အလုပ်လုပ်စေလော့။ ၁၁၁–၁၂၀၊ ကိုယ်တော်ရှင်၏ ကျွန်တို့သည် နောက်ဆုံးကာလလူဆိတ်ညံခြင်းစက်ဆုပ်ရွံရှာဖွယ်ကို ကြေညာရမည်။
အပိုဒ်ငယ် ၈၅
၁–၅၊ ဇိအုန်၌ အမွေခံရာတို့ကို ဆက်ကပ်ခြင်းအားဖြင့် လက်ခံရရှိရမည်။ ၆–၁၂၊ တန်ခိုးခွန်အားကြီးသောသူ တစ်ဦးက သန့်ရှင်းသူတို့အား ဇိအုန်၌ သူတို့၏ အမွေခံရာကို ပေးလိမ့်မည်။
အပိုဒ်ငယ် ၈၆
၁–၇၊ ကိုယ်တော်ရှင်သည် ဂျုံစပါးနှင့် ပေါင်းပင်တို့အကြောင်း ပုံဆောင်စကား၏ အဓိပ္ပာယ်ကို ဖော်ပြ၏။ ၈–၁၁၊ သူသည် ယဇ်ပုရောဟိတ်အခွင့် ကောင်းချီးမင်္ဂလာများကို လူဇာတိအတိုင်း တရားသော အမွေခံသူများသို့ ရှင်းပြ၏။
အပိုဒ်ငယ် ၈၇
၁–၄၊ မြောက်ပိုင်းပြည်နယ်နှင့် တောင်ပိုင်းပြည်နယ်နှစ်ခုကြား စစ်တိုက်ခြင်းကို ကြိုတင် ဟောပြောထား၏။ ၅–၈၊ မြေကြီးပေါ်မှာနေထိုင်သူအပေါင်းတို့အပေါ်၊ ကြီးစွာသောဘေးဒုက္ခများ ကျရောက်လာလိမ့်မည်။
အပိုဒ်ငယ် ၈၈
၁–၅၊ သစ္စာရှိသောသန့်ရှင်းသူတို့သည် ထာဝရအသက်၏ကတိဖြစ်သည့် ထိုနှစ်သိမ့်ရှင်ကို လက်ခံကြ၏။ ၆–၁၃၊ ခပ်သိမ်းသောအရာတို့ကို ခရစ်တော်၏အလင်းဖြင့် ထိန်းချုပ်ပြီး အုပ်ချုပ်၏။ ၁၄–၁၆၊ ရှင်ပြန်ထမြောက်ခြင်းသည် ရွေးနုတ်ခြင်းအားဖြင့် ဖြစ်လာ၏။ ၁၇–၃၁၊ ဆီလက်ရှယ်လ်၊ ထီရက်စ်ထရီရယ်လ်နှင့် ထီလက်စ်ရှယ်လ်ဥပဒများကို နာခံခြင်းသည် လူသားတို့ကို သက်ဆိုင်ရာ နိုင်ငံတော်အသီးသီးနှင့် ဘုန်းအသရေအတွက် ပြင်ဆင်၏။ ၃၂–၃၅၊ အပြစ်၌ နေထိုင်လိုသူတို့သည် ဆက်၍ညစ်ညမ်းလျက်ရှိကြ၏။ ၃၆–၄၁၊ နိုင်ငံတော်အားလုံးကို ဥပဒေဖြင့်အုပ်ချုပ်၏။ ၄၂–၄၅၊ ဘုရားသခင်သည် ခပ်သိမ်းသောအရာတို့အဖို့ ဥပဒေတစ်ခုကို ပေးထား၏။ ၄၆–၅၀၊ လူသားသည် ဘုရားသခင်ကိုပင် နားလည်လိမ့်မည်။ ၅၁–၆၁၊ မိမိကျွန်တို့ကို လယ်ကွင်းထဲသို့စေလွှတ်ပြီး၊ တစ်ယောက်ပြီးတစ်ယောက် အကြည့်အရှုသွားသောသူအကြောင်း ပုံဆောင်စကား။ ၆၂–၇၃၊ ကိုယ်တော်ရှင်ထံသို့ ချဉ်းကပ်လော့၊ သင်တို့သည် သူ၏မျက်နှာတော်ကို မြင်ရလိမ့်မည်။ ၇၄–၈၀၊ သင်တို့ကိုယ်သင်တို့ သန့်ရှင်းစင်ကြယ်စေကြပြီး၊ နိုင်ငံတော်အကြောင်းဩဝါဒများကို တစ်ယောက်ကိုတစ်ယောက် သွန်သင်ပေးကြလော့။ ၈၁–၈၅၊ သတိပေးခံရလေပြီးသောသူတိုင်းသည် ကိုယ်နှင့်စပ်ဆိုင်သောသူကို သတိပေးရမည်။ ၈၆–၉၄၊ နိမိတ်လက္ခဏာများ၊ လောကဓာတ်အုံကြွခြင်း၊ ကိုယ်တော်ရှင်ကြွလာတော်မူခြင်းအတွက် ကောင်းကင်တမန်များ လမ်းကို ပြင်ဆင်၏။ ၉၅–၁၀၂၊ ကောင်းကင်တမန်တို့၏တံပိုးတို့က သေသူတို့ကို အစဉ်အတိုင်းခေါ်၏။ ၁၀၃–၁၁၆၊ ကောင်းကင်တမန်တို့၏တံပိုးတို့က ဧဝံဂေလိတရားတော်ပြန်လည်ဆောင်ယူခြင်း၊ ဗာဗုလုန်ကျဆုံးခြင်းနှင့် ကြီးမြတ်တော်မူသောဘုရားသခင်၏တိုက်ပွဲများကို ကြေညာ၏။ ၁၁၇–၁၂၆၊ သင်ယူခြင်းကို အားထုတ်လော့၊ ဘုရားသခင်၏အိမ်တော် (ဗိမာန်တော်တစ်ခု) ကို တည်ဆောက်လော့၊ သင်တို့ကိုယ်သင်တို့ မေတ္တာအနှောင်အဖွဲ့ဖြင့် ဝတ်ဆင်လော့။ ၁၂၇–၁၄၁၊ ခြေဆေးခြင်းဘိသိက်မင်္ဂလာအပါအဝင်၊ ပရောဖက်တို့၏ကျောင်းစနစ်ကို ရှင်းပြ၏။
အပိုဒ်ငယ် ၈၉
၁–၉၊ စပျစ်ရည်၊ သေရည်သေရက်၊ ဆေးရွက်ကြီးနှင့် အပူဖျော်ရည်သုံးစွဲခြင်းကို တားမြစ်၏။ ၁၀–၁၇၊ ဆေးဝါးပင်၊ အသီး၊ အသားနှင့် စပါးတို့ကို လူသားနှင့် တိရစ္ဆာန်တို့ အသုံးပြုစရာ အတွက် ခန့်ထား၏။ ၁၈–၂၁၊ ဉာဏ်ပညာစကားအပါအဝင်၊ ဧဝံဂေလိတရားတော်ဥပဒေများကို နာခံခြင်းသည် ဇာတိပကတိနှင့် ဝိညာဉ်ပကတိကောင်းချီးမင်္ဂလာများကို ဖြစ်စေ၏။
အပိုဒ်ငယ် ၉၀
၁–၅၊ နိုင်ငံတော်သော့များကို ဂျိုးဇက်စမစ်သို့ အပ်နှံပြီး၊ သူမှတစ်ဆင့် အသင်းတော်သို့ အပ်နှံ၏။ ၆–၇၊ ဆစ်ဒနီရစ်ဂဒွန်နှင့် ဖရက်ဒရစ်ခ်ဂျီဝီလျံတို့သည် ပထမဥက္ကဋ္ဌအဖွဲ့၌ အစေခံကြရမည်။ ၈–၁၁၊ ဧဝံဂေလိတရားတော်ကို ဣသရေလပြည်သားများသို့၊ တစ်ပါးအမျိုးသားများသို့၊ ထို့အတူ ယုဒလူမျိုးများသို့ ဟောပြောရမည်၊ လူတိုင်းသည် ၎င်းကို မိမိနှုတ်စကားဖြင့် ကြားကြရမည်။ ၁၂–၁၈၊ ဂျိုးဇက်စမစ်နှင့် သူ၏တိုင်ပင်ဖက်တို့သည် အသင်းတော်ကို အစီအစဉ်တကျ ဖွဲ့စည်းရမည်။ ၁၉–၃၇၊ အမျိုးမျိုးသောသူတို့သည် ဖြောင့်မတ်စွာကျင့်ရန်နှင့် သူ၏နိုင်ငံတော်၌ အစေခံကြရန် ကိုယ်တော်ရှင်အားဖြင့် သွန်သင်ခံရ၏။
အပိုဒ်ငယ် ၉၁
၁–၃၊ လျှို့ဝှက်စာကို များသောအားဖြင့် မှန်ကန်စွာဘာသာပြန်ထားသော်လည်း မမှန်သည့်အရာများတည်းဟူသော၊ လူတို့၏လက်ဖြင့် ကြားဖြတ်ဖြည့်စွက်ခြင်းများစွာပါဝင်၏။ ၄–၆၊ ထိုစာသည် ဝိညာဉ်တော်အားဖြင့် အလင်းသို့ရောက်သူများကို အကျိုးရှိစေ၏။
အပိုဒ်ငယ် ၉၂
၁–၂၊ ကိုယ်တော်ရှင်သည် စည်းလုံးညီညာအသင်းသို့ ဝင်ခွင့်ပြုခြင်းနှင့် စပ်လျဉ်းသည့် ပညတ်တော်ကို ပေး၏။
အပိုဒ်ငယ် ၉၃
၁–၅၊ သစ္စာရှိသောသူအပေါင်းတို့သည် ကိုယ်တော်ရှင်ကို မြင်ရလိမ့်မည်။ ၆–၁၈၊ ဘုရားသခင်၏ သားတော်သည် ခမည်းတော်၏ ဘုန်းတော်အပြည့်အစုံကို ရရှိသည့်တိုင်အောင် ကျေးဇူးတော်မှ ကျေးဇူးတော်ကို ထပ်၍ ရရှိမည်ဖြစ်ကြောင်း ယောဟန်က သက်သေခံ၏။ ၁၉–၂၀၊ ကျေးဇူးတော်မှ ကျေးဇူးတော်ကို ထပ်၍ ရရှိသည့် သစ္စာရှိသောသူတို့သည်လည်း သူ၏ ပြည့်စုံခြင်းကို ရရှိလိမ့်မည်။ ၂၁–၂၂၊ ခရစ်တော်အားဖြင့် ဖြစ်ဖွားသော သူတို့သည် သားဦး၏ အသင်းတော်မှ ဖြစ်ကြ၏။ ၂၃–၂၈၊ ခရစ်တော်သည် ခပ်သိမ်းသော သမ္မာတရား၏ ပြည့်စုံခြင်းကို ရရှိ၏၊ လူသားသည်လည်း နာခံခြင်းအားဖြင့် ထိုနည်းတူ ရရှိနိုင်၏။ ၂၉–၃၂၊ လူသားသည် ရှေးဦးစွာ၌ ဘုရားသခင်နှင့် အတူရှိ၏။ ၃၃–၃၅၊ လောကဓာတ်တို့သည် ထာဝရဖြစ်၏၊ လူသားသည် ဝမ်းမြောက်ခြင်း အပြည့်အစုံကို ရှင်ပြန်ထမြောက်ခြင်း၌ ရရှိလိမ့်မည်။ ၃၆–၃၇၊ ဘုရားသခင်၏ ဘုန်းတော်သည် အသိဉာဏ်ဖြစ်၏။ ၃၈–၄၀၊ ကလေးများသည် ခရစ်တော်၏ ရွေးနုတ်ခြင်းကြောင့် ဘုရားသခင်ရှေ့၌ အပြစ်မရှိကြ။ ၄၁–၅၃၊ ဦးဆောင်သော ညီအစ်ကိုတို့သည် မိမိတို့မိသားစုများကို အစီအစဉ်တကျရှိစေရန် မိန့်မှာခံရ၏။
အပိုဒ်ငယ် ၉၄
၁–၉၊ ဥက္ကဋ္ဌအဖွဲ့၏အမှုအတွက် အိမ်တစ်အိမ်ကို ဆောက်ခြင်းနှင့်စပ်လျဉ်း၍ ကိုယ်တော်ရှင်က ပညတ်တော်ကို ပေး၏။ ၁၀–၁၂၊ ပုံနှိပ်တိုက်ကို တည်ဆောက်ရမည်။ ၁၃–၁၇၊ အမွေခံရာအချို့ကို ခန့်အပ်၏။
အပိုဒ်ငယ် ၉၅
၁–၆၊ သန့်ရှင်းသူတို့သည် ကိုယ်တော်ရှင်၏ အိမ်တော်ကို တည်ဆောက်ရန်ပျက်ကွက်ခြင်း အတွက် ဆုံးမခံကြရ၏။ ၇–၁၀၊ ကိုယ်တော်ရှင်သည် သူ၏အိမ်တော်ကို သူ၏လူမျိုးတို့အား အထက်မှတန်ခိုးဖြင့် အပ်နှင်းရန် အသုံးပြုလိုတော်မူ၏။ ၁၁–၁၇၊ အိမ်တော်ကို ကိုးကွယ်ရာ နေရာအဖြစ်နှင့် တမန်တော်တို့၏ ကျောင်းအတွက် ဆက်ကပ်ရမည်။
အပိုဒ်ငယ် ၉၆
၁၊ ကာ့တ်လန်းဇိအုန်ပန္နက်ကို အားကြီးစေရမည်။ ၂–၅၊ သင်းအုပ်သည် သန့်ရှင်းသူတို့အတွက် အမွေခံရာများကို ပိုင်းခြားပေးရမည်။ ၆–၉၊ ဂျွန်ဂျွန်ဆင်သည် စည်းလုံးညီညာအသင်း၏ အသင်းသားတစ်ဦး ဖြစ်ရမည်။
အပိုဒ်ငယ် ၉၇
၁–၂၊ ဇိအုန် (ဂျက်ဆင်ခရိုင်၊ မစ်ဆိုရီ) ရှိသန့်ရှင်းသူများစွာတို့သည် သူတို့၏သစ္စာရှိခြင်းကြောင့် ကောင်းချီးခံစားကြရ၏။ ၃–၅၊ ပါလီပီပရတ်သည် ဇိအုန်ရှိကျောင်း၌ သူ၏အလုပ်များအတွက် မိန့်မှာခံရ၏။ ၆–၉၊ မိမိတို့၏ပဋိညာဉ်များကို ကျင့်စောင့်သောသူများကို ကိုယ်တော်ရှင် လက်ခံတော်မူ၏။ ၁၀–၁၇၊ ဇိအုန်၌ အိမ်တော်တစ်ခုကို တည်ဆောက်ရမည်၊ စိတ်နှလုံးစင်ကြယ်သောသူတို့သည် ထိုအိမ်တော်ထဲတွင် ဘုရားသခင်ကို မြင်ကြရလိမ့်မည်။ ၁၈–၂၁၊ ဇိအုန်၌ စိတ်နှလုံးစင်ကြယ်သောသူများ ရှိ၏။ ၂၂–၂၈၊ ဇိအုန်သည် သစ္စာရှိလျှင် ကိုယ်တော်ရှင်၏ ဒဏ်ခတ်တော်မူခြင်းမှ လွတ်လိမ့်မည်။
အပိုဒ်ငယ် ၉၈
၁–၃၊ သန့်ရှင်းသူတို့၏ ဆင်းရဲဒုက္ခများသည် သူတို့၏ ကောင်းကျိုးအတွက် ဖြစ်လိမ့်မည်။ ၄–၈၊ သန့်ရှင်းသူတို့သည် ထိုပြည်၏ ဖွဲ့စည်းပုံအခြေခံဥပဒေကို ထောက်မကြရမည်။ ၉–၁၀၊ ရိုးသားသော၊ ဉာဏ်ပညာရှိသော၊ ထို့အတူ ကောင်းမြတ်သောသူတို့သည် လောကီရေးရာအစိုးရအတွက် ထောက်မခံကြရမည်။ ၁၁–၁၅၊ ကိုယ်တော်ရှင်၏အမှုတော်အတွက် မိမိတို့အသက်ကို စွန့်သောသူတို့သည် ထာဝရအသက်ကို ကြရလိမ့်မည်။ ၁၆–၁၈၊ စစ်တိုက်ခြင်းကို ငြင်းဆိုပြီး ငြိမ်းချမ်းခြင်းကို ကြေညာကြလော့။ ၁၉–၂၂၊ ကာ့တ်လန်းရှိ သန့်ရှင်းသူတို့သည် အပြစ်တင်ဆုံးမခံရပြီး၊ နောင်တရရန်မိန့်မှာခံကြရ၏။ ၂၃–၃၂၊ ကိုယ်တော်ရှင်သည် မိမိလူမျိုးတို့ ချမှတ်ခံရသည့် ညှဉ်းဆဲခြင်းများနှင့် ဆင်းရဲဒုက္ခများကို ထိန်းချုပ်သည့်ဥပဒေများကို ဖော်ပြ၏။ ၃၃–၃၈၊ စစ်တိုက်ခြင်းသည် ကိုယ်တော်ရှင်မိန့်တော်မူသောအခါ၌သာ အပြစ်ကင်းစေခြင်းသို့ရောက်၏။ ၃၉–၄၈၊ သန့်ရှင်းသူတို့သည် မိမိတို့ရန်သူများကို ခွင့်လွှတ်ရမည်၊ ထိုသူတို့သည် နောင်တရလျှင်၊ ကိုယ်တော်ရှင်၏လက်တုန့်ပြန်ခြင်းမှ လွတ်မြောက်လိမ့်မည်။
အပိုဒ်ငယ် ၉၉
၁–၈၊ ဂျွန်မာဒေါ့ခ်သည် ဧဝံဂေလိတရားတော်ကို ကြေညာရန် ခေါ်သွင်းခံရ၏၊ သူ့ကို လက်ခံသောသူတို့သည် ကိုယ်တော်ရှင်ကို လက်ခံပြီး ကရုဏာကို ရရှိကြလိမ့်မည်။
အပိုဒ်ငယ် ၁၀၀
၁–၄၊ ဂျိုးဇက်နှင့် ဆစ်ဒနီသည် စိတ်ဝိညာဉ်တို့၏ ကယ်တင်ခြင်းအတွက် ဧဝံဂေလိတရားတော်ကို ဟောပြောရမည်။ ၅–၈၊ သူတို့ပြောရမည့်အရာကို အချိန်ကျသောအခါ ပေးတော်မူလိမ့်မည်။ ၉–၁၂၊ ဆစ်ဒနီသည် စကားပြောသူဖြစ်ရမည်၊ ဂျိုးဇက်သည် ဗျာဒိတ်ဟောသူဖြစ်ပြီး သက်သေခံချက်၌ အားကြီးရမည်။ ၁၃–၁၇၊ ကိုယ်တော်ရှင်သည် စင်ကြယ်သောလူမျိုးကို ပေါ်ထွန်းစေတော်မူလိမ့်မည်၊ နာခံသောသူတို့သည် ကယ်တင်ခြင်းသို့ ရောက်လိမ့်မည်။
အပိုဒ်ငယ် ၁၀၁
၁–၈၊ သန့်ရှင်းသူတို့သည် ဆုံးမခံကြရပြီး၊ သူတို့၏လွန်ကျူးခြင်းများကြောင့် ဒုက္ခရောက်ကြ၏။ ၉–၁၅၊ ကိုယ်တော်ရှင်၏ဒေါသသည် ပြည်သားတို့အပေါ် ကျရောက်လိမ့်မည်၊ သို့ရာတွင် သူ၏လူမျိုးတို့ကို စုဝေး၍ နှစ်သိမ့်စေလိမ့်မည်။ ၁၆–၂၁၊ ဇိအုန်နှင့် ၎င်း၏ပန္နက်များကို တည်ထောင်လိမ့်မည်။ ၂၂–၃၁၊ အနှစ်တစ်ထောင်ကာလရှိ ဘဝသဘောကို ဖော်ပြ၏။ ၃၂–၄၂၊ သန့်ရှင်းသူတို့သည် ကောင်းချီးခံစားရလိမ့်မည်၊ ထို့နောက်တွင် အကျိုးကျေးဇူးကို ခံစားရလိမ့်မည်။ ၄၃–၆၂၊ အမတ်နှင့် သံလွင်ပင်အကြောင်း ပုံဆောင်စကားသည် ဇိအုန်၏ဒုက္ခများနှင့် အပြီးသတ်ရွေးနုတ်ခြင်းကို ပုံဆောင်၏။ ၆၃–၇၅၊ သန့်ရှင်းသူတို့သည် ဆက်၍အတူတကွစုဝေးလျက်ရှိရမည်။ ၇၆–၈၀၊ ကိုယ်တော်ရှင်သည် အမေရိကန်ပြည်ထောင်စု၏ ဖွဲ့စည်းပုံကို တည်ထောင်ခဲ့၏။ ၈၁–၁၀၁၊ သန့်ရှင်းသူတို့သည် နစ်နာမှုအတွက် ပြန်လည်ပေးဆပ်ခြင်းကို၊ မိန်းမနှင့် မတရားသောတရားသူကြီးအကြောင်း ပုံဆောင်စကားအတိုင်း အပူတပြင်းတောင်းဆိုရမည်။
အပိုဒ်ငယ် ၁၀၂
၁–၈၊ အသင်းတော်၌ ပေါ်ပေါက်လာသည့် အရေးကြီးသော အခက်အခဲများကို ဖြေရှင်းရန် အတိုင်ပင်ခံမင်းအဖွဲ့တစ်ခုကို ခန့်အပ်ထား၏။ ၉–၁၈၊ အမှုများကြားနာခြင်းအတွက် နည်းလမ်းများကို ဖော်ပြထား၏။ ၁၉–၂၃၊ အတိုင်ပင်ခံအဖွဲ့ဥက္ကဋ္ဌသည် ဆုံးဖြတ်ချက်ကို ချပေး၏။ ၂၄–၃၄၊ အယူခံဝင်ရာနည်းလမ်းကို ဖော်ပြထား၏။
အပိုဒ်ငယ် ၁၀၃
၁–၄၊ ကိုယ်တော်ရှင်သည် ဂျက်ဆင်ခရိုင်ရှိ သန့်ရှင်းသူတို့ကို ညှဉ်းဆဲခံရရန် အခွင့်ပေးတော်မူ၏။ ၅–၁၀၊ သန့်ရှင်းသူတို့သည် ပညတ်တော်များကို စောင့်ထိန်းကြလျှင် အနိုင်ရကြလိမ့်မည်။ ၁၁–၂၀၊ ဇိအုန်၏ ရွေးနုတ်ခြင်းသည် တန်ခိုးတော်အားဖြင့် ဖြစ်လိမ့်မည်၊ ကိုယ်တော်ရှင်သည် သူ၏ လူများရှေ့မှ ကြွတော်မူလိမ့်မည်။ ၂၁–၂၈၊ သန့်ရှင်းသူတို့သည် ဇိအုန်၌ စုဝေးကြရမည်၊ မိမိတို့ အသက်ကို စွန့်သောသူတို့သည် အသက်ကို တစ်ဖန်တွေ့လိမ့်မည်။ ၂၉–၄၀၊ အမျိုးမျိုးသော ညီအစ်ကိုတို့သည် ဇိအုန်တပ်စခန်းကို ဖွဲ့စည်းရန်နှင့် ဇိအုန်သို့သွားရန် ခေါ်သွင်းခံကြရ၏၊ သူတို့သည် သစ္စာရှိကြလျှင် အောင်မြင်ခြင်းကတိကို ခံကြရ၏။
အပိုဒ်ငယ် ၁၀၄
၁–၁၀၊ စည်းလုံးညီညာအသင်းကို ဆန့်ကျင်၍ လွန်ကျူးသောသန့်ရှင်းသူတို့သည် အကျိန်ခံရလိမ့်မည်။ ၁၁–၁၆၊ ကိုယ်တော်ရှင်သည် သူ၏သန့်ရှင်းသူတို့ကို သူ၏နည်းအတိုင်း ပေးသနားတော်မူ၏။ ၁၇–၁၈၊ ဧဝံဂေလိတရားတော်ဥပဒေသည် ဆင်းရဲသားတို့အား ဂရုစိုက်ခြင်းကို အုပ်စိုး၏။ ၁၉–၄၆၊ အမျိုးမျိုးသော ညီအစ်ကိုတို့၏ တာဝန်ခံအရာများနှင့် ကောင်းချီးမင်္ဂလာများကို သတ်မှတ်ထား၏။ ၄၇–၅၃၊ ကာ့တ်လန်းရှိ စည်လုံးညီညာအသင်းနှင့် ဇိအုန်ရှိအသင်းတို့ကို သီးခြားစီ ဆောင်ရွက်ရမည်။ ၅၄–၆၆၊ ကျမ်းစာများကို ပုံနှိပ်ခြင်းအတွက် ကိုယ်တော်ရှင်၏ သန့်ရှင်းမွန်မြတ်သော ဘဏ္ဍာတိုက်ကို တည်ထောင်ထား၏။ ၆၇–၇၇၊ စည်းလုံးညီညာအသင်း၏ အထွေထွေဘဏ္ဍာတိုက်သည် အများသဘောတူခြင်းကို အခြေခံ၍ ဆောင်ရွက်ရမည်။ ၇၈–၈၆၊ စည်းလုံးညီညာအသင်း၌ ရှိသောသူတို့သည် မိမိတို့၏ခပ်သိမ်းသောအကြွေးများကို ဆပ်ရမည်၊ ကိုယ်တော်ရှင်သည် သူတို့ကို ငွေကြေးအနှောင်အဖွဲ့မှ ကယ်လွှတ်တော်မူလိမ့်မည်။
အပိုဒ်ငယ် ၁၀၅
၁–၅၊ ဇိအုန်ကို ဆီလက်ရှယ်လ်ဥပဒေများနှင့် ကိုက်ညီစွာ တည်ဆောက်လိမ့်မည်။ ၆–၁၃၊ ဇိအုန်၏ ရွေးနုတ်ခြင်းကို ကာလအနည်းငယ်ရွှေ့ဆိုင်း၏။ ၁၄–၁၉၊ ကိုယ်တော်ရှင်သည် ဇိအုန်တိုက်ပွဲများကို တိုက်လိမ့်မည်။ ၂၀–၂၆၊ သန့်ရှင်းသူတို့သည် ဉာဏ်ပညာရှိရမည်၊ စုဝေးကြသည့်အခါ၌လည်း ကြီးစွာသောအမှု၌ မဝါကြွားရ။ ၂၇–၃၀၊ ဂျက်ဆင်နှင့် ကပ်လျက်ရှိသော ခရိုင်များရှိ မြေများကို ဝယ်ရမည်။ ၃၁–၃၄၊ အသင်းလူကြီးတို့သည် ကာ့တ်လန်းရှိ ကိုယ်တော်ရှင်၏အိမ်တော်၌ ဝိညာဉ်ပကတိအပ်နှင်းခြင်းကို လက်ခံရရှိကြရမည်။ ၃၅–၃၇၊ ခေါ်သွင်းခြင်းနှင့် ရွေးကောက်ခြင်း နှစ်ခုစလုံးကို ခံကြရသည့် သန့်ရှင်းသူတို့သည် သန့်ရှင်းစင်ကြယ်စေခြင်းသို့ ရောက်လိမ့်မည်။ ၃၈–၄၁၊ သန့်ရှင်းသူတို့သည် လောကသို့ ငြိမ်းချမ်းခြင်းအလံကို ထူကြရမည်။
အပိုဒ်ငယ် ၁၀၆
၁–၃၊ ဝေါရင်အေကောင်ဒရီသည် ဒေသခံဦးစီးအရာရှိအဖြစ် ခေါ်သွင်းခံရ၏။ ၄–၅၊ ဒုတိယအကြိမ် ကြွလာတော်မူခြင်းသည် အလင်း၏သားတို့အပေါ် သူခိုးတစ်ဦးကဲ့သို့ ရောက်မလာ။ ၆–၈၊ ကြီးစွာသော ကောင်းချီးမင်္ဂလာများသည် အသင်းတော်၌ သစ္စာရှိသောအစေခံခြင်းနောက်မှ ဖြစ်လာ၏။
အပိုဒ်ငယ် ၁၀၇
၁–၆၊ မေလခိဇေဒက်နှင့် အာရုန် ယဇ်ပုရောဟိတ်အခွင့် နှစ်ခုရှိ၏။ ၇–၁၂၊ မေလခိဇေဒက် ယဇ်ပုရောဟိတ်အခွင့်ကို ကိုင်ဆောင်သူတို့တွင် အသင်းတော်၏ ခပ်သိမ်းသောအမှုအရာတို့ကို အမှုဆောင်ရွက်ရန် အခွင့်ရှိကြ၏။ ၁၃–၁၇၊ သင်းအုပ်နှင့် အတိုင်ပင်ခံအဖွဲ့သည် အပြင်ပိုင်း ဘိသိက်မင်္ဂလာများကို စီမံဆောင်ရွက်သည့် အာရုန်ယဇ်ပုရောဟိတ်အခွင့်ကို ဦးစီး၏။ ၁၈–၂၀၊ မေလခိဇေဒက်ယဇ်ပုရောဟိတ်အခွင့်သည် ခပ်သိမ်းသော ဝိညာဉ်ပကတိ ကောင်းချီးမင်္ဂလာတို့၏ သော့များကို ကိုင်ဆောင်၏၊ အာရုန်ယဇ်ပုရောဟိတ်အခွင့်သည် ကောင်းကင်တမန်များ အမှုတော်ဆောင်ခြင်းသော့ကို ကိုင်ဆောင်၏။ ၂၁–၃၈၊ ပထမဥက္ကဋ္ဌအဖွဲ့၊ တစ်ဆယ့်နှစ်ပါးအဖွဲ့နှင့် ခုနစ်ကျိပ်အဖွဲ့တို့သည် စည်းလုံးခြင်းနှင့် ဖြောင့်မတ်ခြင်းတို့ဖြင့် ဆုံးဖြတ်ချက်များပြုရမည့် ဦးစီးအဖွဲ့များကို ဖွဲ့စည်းတည်ထောင်၏။ ၃၉–၅၂၊ အာဒံမှ နောဧအထိ မျိုးနွယ်စုအဘအစီအစဉ်ကို တည်ထောင်ထား၏။ ၅၃–၅၇၊ ရှေးသန့်ရှင်းသူတို့သည် အာဒံ-ဩဒိ-အာမန်၌ စုဝေးကြပြီး၊ ကိုယ်တော်ရှင်သည် သူတို့ထံပေါ်လာ၏။ ၅၈–၆၇၊ တစ်ဆယ့်နှစ်ပါးအဖွဲ့သည် အသင်းတော်၏ အရာရှိများကို အစီအစဉ်တကျ ဖွဲ့စည်းရမည်။ ၆၈–၇၆၊ သင်းအုပ်တို့သည် ဣသရေလအမျိုး၌ အထွေထွေ တရားသူကြီးများအဖြစ် အစေခံကြ၏။ ၇၇–၈၄၊ ပထမဥက္ကဋ္ဌအဖွဲ့နှင့် တစ်ဆယ့်နှစ်ပါးအဖွဲ့သည် အသင်းတော်၌ အမြင့်ဆုံးတရားရုံးကို ဖွဲ့စည်းတည်ထောင်၏။ ၈၅–၁၀၀၊ ယဇ်ပုရောဟိတ်ဥက္ကဋ္ဌများသည် မိမိတို့၏ သက်ဆိုင်ရာအဖွဲ့အသီးသီးကို အုပ်ချုပ်ကြ၏။
အပိုဒ်ငယ် ၁၀၈
၁–၃၊ လိုင်မန်ရှာမန်သည် သူ၏အပြစ်များအတွက် ခွင့်လွှတ်ခံရ၏။ ၄–၅၊ သူသည် အသင်းတော်၏ ခေါင်းဆောင်သော အသင်းလူကြီးတို့၌ ရေတွက်ခံရမည်။ ၆–၈၊သူသည် ဧဝံဂေလိတရားတော်ကို ဟောပြောစေရန်နှင့် သူ၏ညီအစ်ကိုတို့ကို ခွန်အားဖြည့်ပေးရန် ခေါ်သွင်းခံရ၏။
အပိုဒ်ငယ် ၁၀၉
၁–၅၊ ကာ့တ်လန်းဗိမာန်တော်ကို လူသားတော်အကြည့်အရှုကြွရောက်ရာ နေရာတစ်ခုအဖြစ် တည်ဆောက်ခဲ့၏။ ၆–၂၁၊ ၎င်းသည် ဆုတောင်းခြင်း၊ အစာရှောင်ခြင်း၊ ယုံကြည်ခြင်း၊ သင်ယူခြင်း၊ ဘုန်းတော်နှင့် အစီအစဉ်တကျရှိခြင်းတို့၏အိမ်၊ ထို့အတူ ဘုရားသခင်၏အိမ်တော် ဖြစ်ရမည်။ ၂၂–၃၃၊ ကိုယ်တော်ရှင်၏ လူမျိုးတို့ကို ဆန့်ကျင်သည့် နောင်တမရသောသူတို့သည် အရှက်ရကြပါစေ။ ၃၄–၄၂၊ သန့်ရှင်းသူတို့သည် ဖြောင့်မတ်သောသူတို့ကို ဇိအုန်သို့စုဝေးရန် တန်ခိုးဖြင့် ထွက်သွားကြပါစေ။ ၄၃–၅၃၊ နောက်ဆုံးသောကာလ၌ ဆိုးညစ်သောသူတို့အပေါ် သွန်းလောင်းမည့် ကြောက်မက်ဖွယ်သော အရာများမှ သန့်ရှင်းသူတို့ ကယ်လွှတ်ခံကြရပါစေ။ ၅၄–၅၈၊ ပြည်သားများ၊ လူများနှင့် အသင်းတော်များသည် ဧဝံဂေလိတရားတော်အတွက် ပြင်ဆင်ခံကြရပါစေ။ ၅၉–၆၇၊ ယုဒလူမျိုးများ၊ လာမန်အမျိုးသားများနှင့် ခပ်သိမ်းသောဣသရေလအမျိုးသားတို့သည် ရွေးနုတ်ခံရကြပါစေ။ ၆၈–၈၀၊ သန့်ရှင်းသူတို့သည် ဘုန်းတော်၊ ဂုဏ်အသရေနှင့် ချီးမြှင့်ခံရပြီး ထာဝရကယ်တင်ခြင်းကို ရရှိကြပါစေ။
အပိုဒ်ငယ် ၁၁၀
၁–၁၀၊ ကိုယ်တော်ရှင်ယေဟောဝါသည် ဘုန်းတော်ဖြင့်ပေါ်လာတော်မူပြီး၊ ကာ့တ်လန်းဗိမာန်တော်ကို သူ၏ အိမ်တော်အဖြစ်လက်ခံ၏။ ၁၁–၁၂၊ မောရှေနှင့်ဧလိုင်ယတစ်ဦးချင်း ပေါ်လာပြီး၊ သူတို့၏ သော့များနှင့် သာသနာများကို အပ်နှံ၏။ ၁၃–၁၆၊ ဧလိယပြန်လာပြီး သူ့သာသနာ၏ သော့များကို မာလခိ ကတိပေးထားသည့်အတိုင်း အပ်နှံ၏။
အပိုဒ်ငယ် ၁၁၁
၁–၅၊ ကိုယ်တော်ရှင်သည် မိမိကျွန်တို့၏ ဇာတိပကတိလိုအပ်ချက်များကို ဂရုစိုက်တော်မူ၏။ ၆–၁၁၊ သူသည်ဇိအုန်ကို ကရုဏာရှိစွာစီရင်ပြီး၊ မိမိကျွန်တို့၏ ကောင်းကျိုးအတွက် ခပ်သိမ်းသောအရာတို့ကို စီစဉ်တော်မူလိမ့်မည်။
အပိုဒ်ငယ် ၁၁၂
၁–၁၀၊ တစ်ဆယ့်နှစ်ပါးသည် ခပ်သိမ်းသောပြည်သားများနှင့် လူမျိုးတို့ထံ ဧဝံဂေလိတရားတော်ကို ပို့၍၊ သတိပေးခြင်းအသံကို ဟစ်ကြွေးရမည်။ ၁၁–၁၅၊ သူတို့သည် မိမိတို့လက်ဝါးကပ်တိုင်ကိုထမ်း၊ ယေရှုနောက်သို့လိုက်ပြီး၊ သူ၏သိုးတို့ကို ကျွေးမွေးရမည်။ ၁၆–၂၀၊ ပထမဥက္ကဋ္ဌအဖွဲ့ကို လက်ခံသောသူများသည် ကိုယ်တော်ရှင်ကို လက်ခံကြ၏။ ၂၁–၂၉၊ မှောင်မိုက်ခြင်းသည် မြေကြီးကို ဖုံးလွှမ်း၏၊ ယုံကြည်လျက် ဗတ္တိဇံခံကြသောသူတို့သာ ကယ်တင်ခြင်းသို့ ရောက်လိမ့်မည်။ ၃၀–၃၄၊ ပထမဥက္ကဋ္ဌအဖွဲ့နှင့် တစ်ဆယ့်နှစ်ပါးသည် အချိန်ကာလပြည့်စုံခြင်းသာသနာ၏သော့များကို ကိုင်ဆောင်၏။
အပိုဒ်ငယ် ၁၁၃
၁–၆၊ ယေရှဲအမျိုး၏ အငုတ်၊ ၎င်းမှထွက်လာသည့် အတက်၊ ထို့အတူ ယေရှဲ၏ အမြစ်တို့ကို ဖော်ထုတ်၏။ ၇–၁၀၊ ဇိအုန်၏ကွဲပြားပြန့်ကျဲသည့် ကျန်ကြွင်းသောသူတို့သည် ယဇ်ပုရောဟိတ်အခွင့်အဖို့ အခွင့်အရေးရှိပြီး၊ ကိုယ်တော်ရှင်ထံသို့ ပြန်လာရန်အခေါ်ခံကြရ၏။
အပိုဒ်ငယ် ၁၁၄
၁–၂၊ သစ္စာမရှိသောသူများ ကိုင်ဆောင်ထားသည့် အသင်းတော် အမှုတော်ဆောင်တာဝန်များကို အခြားသူများသို့ ပေးလိမ့်မည်။
အပိုဒ်ငယ် ၁၁၅
၁–၄၊ ကိုယ်တော်ရှင်သည် မိမိအသင်းတော်ကို ယေရှုခရစ်တော်၏ နောက်ပိုင်းကာလ သန့်ရှင်းသူများ အသင်းတော်ဟု အမည်ပေး၏။ ၅–၆၊ ဇိအုန်နှင့် ၎င်း၏ပန္နက်များသည် သန့်ရှင်းသူတို့အတွက် ကာကွယ်ရာနှင့် ခိုလှုံရာနေရာများဖြစ်၏။ ၇–၁၆၊ သန့်ရှင်းသူတို့သည် အနောက်ဖျား၌ ကိုယ်တော်ရှင်၏အိမ်တော်ကို တည်ဆောက်ရန် မိန့်မှာခံကြရ၏။ ၁၇–၁၉၊ ဂျိုးဇက်စမစ်သည် မြေကြီးပေါ်၌ နိုင်ငံတော်၏သော့များကို ကိုင်ဆောင်၏။
အပိုဒ်ငယ် ၁၁၆
အပိုဒ်ငယ် ၁၁၇
၁–၉၊ ကိုယ်တော်ရှင်၏ကျွန်တို့သည် ဇာတိပကတိအရာများကို တပ်မက်သောစိတ်မရှိရ၊ အကြောင်းမူကား၊ “ကိုယ်တော်ရှင်အဖို့ ဥစ္စာပစ္စည်းသည် အဘယ်အရာဖြစ်သနည်း”။ ၁၀–၁၆၊ သူတို့သည် စိတ်ဝိညာဉ်၏ သေးသိမ်မှုကို စွန့်ပစ်ရမည်၊ သူတို့၏ယဇ်များသည် ကိုယ်တော်ရှင်အဖို့ သန့်ရှင်းမွန်မြတ်လိမ့်မည်။
အပိုဒ်ငယ် ၁၁၈
၁–၃၊ ကိုယ်တော်ရှင်သည် တစ်ဆယ့်နှစ်ပါး၏ မိသားစုများအတွက် ပေးသနားတော်မူလိမ့်မည်။ ၄–၆၊ တစ်ဆယ့်နှစ်ပါး၌ လစ်လပ်သောနေရာများကို ဖြည့်၏။
အပိုဒ်ငယ် ၁၁၉
၁–၅၊ သန့်ရှင်းသူတို့သည် မိမိတို့၏ အပိုအလျှံဥစ္စာပစ္စည်းကို၊ မိမိတို့၏ တိုးလာသောအရာ၏ ဆယ်ပုံတစ်ပုံကို၊ ဆယ်ဖို့တစ်ဖို့အဖြစ် ပေးရမည်။ ၆–၇၊ ထိုကဲ့သို့သောနည်းသည် ဇိအုန်ပြည်ကို သန့်ရှင်းစင်ကြယ်စေလိမ့်မည်။
အပိုဒ်ငယ် ၁၂၀
အပိုဒ်ငယ် ၁၂၁
၁–၆၊ ပရောဖက်သည် ဒုက္ခဝေဒနာခံစားရသော သန့်ရှင်းသူတို့အတွက် ကိုယ်တော်ရှင်အား တောင်းပန်၏။ ၇–၁၀၊ ကိုယ်တော်ရှင်သည် သူ့အား ငြိမ်းချမ်းခြင်းကိုဟောပြော၏။ ၁၁–၁၇၊ အကျိန်ခံရသောသူတို့သည်ကား ကိုယ်တော်ရှင်၏ လူမျိုးတို့တစ်ဖက်၌ လွန်ကျူးခြင်း အတုများကို ဟစ်ကြွေးသောသူ ခပ်သိမ်းတို့ဖြစ်၏။ ၁၈–၂၅၊ သူတို့သည် ယဇ်ပုရောဟိတ်အခွင့်အဖို့ အခွင့်အရေး ရရှိလိမ့်မည် မဟုတ်၊ အပြစ်စီရင်သည်ကိုလည်း ခံရလိမ့်မည်။ ၂၆–၃၂၊ ရဲရင့်စွာကြံ့ကြံ့ခံသောသူတို့အား အသရေထင်ရှားသော ဗျာဒိတ်တော်များ ကတိထား၏။ ၃၃–၄၀၊ များစွာသောသူတို့ခေါ်သွင်းခံရသော်လည်း၊ အနည်းငယ်သာ ရွေးကောက် ခံရသည်မှာ အဘယ်ကြောင့်နည်း။ ၄၁–၄၆၊ ယဇ်ပုရောဟိတ်အခွင့်ကို ဖြောင့်မတ်ခြင်းဖြင့်သာ အသုံးပြုရမည်။
အပိုဒ်ငယ် ၁၂၂
၁–၄၊ မြေကြီးစွန်းသားတို့သည် ဂျိုးဇက်စမစ်၏ အမည်ကို စုံစမ်းကြလိမ့်မည်။ ၅–၇၊ သူ၏ခပ်သိမ်းသော ဘေးတို့နှင့် အခက်အခဲတို့သည် သူ့အား အတွေ့အကြုံကို ပေးလိမ့်မည်၊ သူ၏ ကောင်းကျိုး အတွက်လည်းဖြစ်လိမ့်မည်။ ၈–၉၊ လူသားတော်သည် အောက်အရပ်ခပ်သိမ်းသောသူတို့ဆီသို့ ဆင်းသက်တော်မူ၏။
အပိုဒ်ငယ် ၁၂၃
၁–၆၊ သန့်ရှင်းသူတို့သည် မိမိတို့၏ဒုက္ခဝေဒနာခံစားခြင်းများနှင့် ညှဉ်းဆဲခြင်းများအကြောင်း မှတ်တမ်းတစ်ခုကို စုစည်း၍ပုံနှိပ်ထုတ်ဝေရမည်။ ၇–၁၀၊ မှားယွင်းသော ဘာသာအယူဝါဒကို တည်ထောင်သည့် ထိုတူသောဝိညာဉ်သည် သန့်ရှင်းသူတို့၏ညှဉ်းဆဲခြင်းကိုလည်း ပို့ဆောင်၏။ ၁၁–၁၇၊ ခပ်သိမ်းသောဂိုဏ်းတို့မှ များစွာတို့သည် သမ္မာတရားကို လက်ခံကြလိမ့်မည်။
အပိုဒ်ငယ် ၁၂၄
၁–၁၄၊ ဂျိုးဇက်စမစ်သည် အမေရိကန်ပြည်ထောင်စုဥက္ကဋ္ဌ၊ အုပ်ချုပ်သူများ၊ ခပ်သိမ်းသော ပြည်သားတို့၏ အုပ်စိုးသူများသို့ ဧဝံဂေလိတရားတော်အကြောင်း လေးနက်သော ကြေညာခြင်းကို ပြုရန် မိန့်မှာခံရ၏။ ၁၅–၂၁၊ ဟီရမ်စမစ်၊ ဒေးဗစ်ဒဗယျူပေတန်၊ ဂျိုးဇက်စမစ်အကြီးနှင့် အခြားသော အသက်ရှင်သူ၊ သေသူတို့သည် သူတို့၏ရိုးဖြောင့်ခြင်းနှင့် ကိုယ်ကျင့်သီလကြောင့် ကောင်းချီးခံစားရကြ၏။ ၂၂–၂၈၊ သန့်ရှင်းသူတို့သည် နော်ဗူး၌ ဗိမာန်တော်တစ်ခုနှင့် သူတစိမ်းတို့ကို ဧည့်ခံခြင်းအတွက် အိမ်တစ်အိမ် နှစ်မျိုးစလုံးကို တည်ဆောက်ရန် မိန့်မှာခံရ၏။ ၂၉–၃၆၊ သေသူတို့အတွက်ဗတ္တိဇံကို ဗိမာန်တော်များထဲ၌ ဆောင်ရွက်ရမည်။ ၃၇–၄၄၊ ကိုယ်တော်ရှင်၏ လူမျိုးတို့သည် သန့်ရှင်းသောဘိသိက်မင်္ဂလာများ ဆောင်ရွက်ခြင်းအတွက် ဗိမာန်တော်များကို အစဉ်အမြဲ တည်ဆောက်ကြ၏။ ၄၅–၅၅၊ သန့်ရှင်းသူတို့သည် သူတို့ရန်သူများ၏ ညှဉ်းပန်းနှိပ်စက်ခြင်းများကြောင့်၊ ဂျက်ဆင်ခရိုင်၌ ဗိမာန်တော်တည်ဆောက်ခြင်းမှ ကင်းလွတ်ခွင့်ရကြ၏။ ၅၆–၈၃၊ နော်ဗူးအိမ်တည်ဆောက်ခြင်းအတွက် လမ်းညွှန်ချက်များကို ပေးထား၏။ ၈၄–၉၆၊ ဟီရမ်စမစ်သည် အော်လီဗာကောင်ဒရီ၏ သော့များကို လက်ခံရန်နှင့် သူ၏ နေရာ၌ ရပ်တည်ရန် မျိုးနွယ်စုအဘကောင်းချီးပေးသူအဖြစ် ခေါ်သွင်းခံရ၏။ ၉၇–၁၂၂၊ ဝီလျံလောနှင့် အခြားသူများသည် သူတို့၏အလုပ်များ၌ သွန်သင်ခံကြရ၏။ ၁၂၃–၁၄၅၊ အထွေထွေနှင့် ဒေသခံအရာရှိများကို သူတို့၏တာဝန်များနှင့်၊ တွဲဘက်အဖွဲ့များနှင့်တကွ အမည်ခေါ်၏။
အပိုဒ်ငယ် ၁၂၅
၁–၄၊ သန့်ရှင်းသူတို့သည် မြို့များကို တည်ဆောက်၍ ဇိအုန်ပန္နက်များသို့ စုဝေးကြရမည်။
အပိုဒ်ငယ် ၁၂၆
၁–၃၊ ဘရင်ဂ်ဟမ်ရန်းဂ်သည် သူ၏အလုပ်များအတွက် မိန့်မှာခံရပြီးလျှင်၊ အနာဂတ်ကာလ၌ အဝေးသို့ခရီးသွားခြင်းမှ ဖြေလွှတ်ခံရ၏။
အပိုဒ်ငယ် ၁၂၇
၁–၄၊ ဂျိုးဇက်စမစ်သည် ညှဉ်းဆဲခြင်းနှင့် အတိဒုက္ခ၌ ဂုဏ်ယူဝမ်းမြောက်၏။ ၅–၁၂၊ သေသူတို့အတွက် ဗတ္တိဇံများနှင့် စပ်လျဉ်း၍ မှတ်တမ်းများ ရေးမှတ်ရမည်။
အပိုဒ်ငယ် ၁၂၈
၁–၅၊ ဒေသခံနှင့် အထွေထွေ မှတ်တမ်းတင်သူတို့သည် သေသူတို့အတွက် ဗတ္တိဇံများ၏ အချက်အလက်ကို သက်သေပြုရမည်။ ၆–၉၊ သူတို့၏မှတ်တမ်းများကို မြေကြီးပေါ်နှင့် ကောင်းကင်ဘုံ၌ စည်းနှောင်ထားပြီးလျှင် မှတ်တမ်းတင်ထား၏။ ၁၀–၁၄၊ ဗတ္တိဇံရေကန်သည် သင်္ချိုင်း၏ ပုံဆောင်ခြင်းဖြစ်၏။ ၁၅–၁၇၊ ဧလိယသည် သေသူတို့အတွက် ဗတ္တိဇံနှင့် စပ်လျဉ်းသည့်တန်ခိုးကို ပြန်လည်ဆောင်ယူခဲ့၏။ ၁၈–၂၁၊ လွန်ခဲ့သောသာသနာတို့၏ ခပ်သိမ်းသော သော့များ၊ တန်ခိုးများနှင့် အခွင့်အာဏာများကို ပြန်လည်ဆောင်ယူထား၏။ ၂၂–၂၅၊ အသက်ရှင်သူနှင့် သေသူတို့အတွက် ဝမ်းသာစရာနှင့် အသရေ ထင်ရှားသော သတင်းတို့ကို ကြေညာထား၏။
အပိုဒ်ငယ် ၁၂၉
၁–၃၊ ကောင်းကင်ဘုံ၌ ရှင်ပြန်ထမြောက်သောကိုယ်ခန္ဓာနှင့် ဝိညာဉ်ကိုယ်ခန္ဓာ နှစ်မျိုးစလုံးရှိ၏။ ၄–၉၊ ကန့်လန့်ကာ၏အခြားဘက်၌ တမန်တို့ကို ခွဲခြားနိုင်ရာသော့များကို ပေးထား၏။
အပိုဒ်ငယ် ၁၃၀
၁–၃၊ ခမည်းတော်နှင့် သားတော်သည် လူသားတို့ထံသို့ ကိုယ်တိုင်ပေါ်ထွန်းလာနိုင်၏။ ၄–၇၊ ကောင်းကင်တမန်တို့သည် ဆီလက်ရှယ်လ်ဂြိုဟ်၌ နေထိုင်ကြ၏။ ၈–၉၊ ဆီလက်ရှယ်လ်မြေကြီးသည် ကြီးစွာသော ဥရိမ်နှင့် သုမိမ်ဖြစ်လိမ့်မည်။ ၁၀–၁၁၊ ဆီလက်ရှယ်လ်လောကသို့ ဝင်ရောက်သည့် ခပ်သိမ်းသော သူတို့အား ကျောက်ဖြူတစ်လုံးကို ပေးထား၏။ ၁၂–၁၇၊ ဒုတိယအကြိမ် ကြွလာတော်မူရာအချိန်ကို ပရောဖက်ထံမှ ဆီးတားထား၏။ ၁၈–၁၉၊ ဤဘဝ၌ ရရှိသည့် အသိဉာဏ်သည် ရှင်ပြန်ထမြောက်ခြင်း၌ ကျွန်ုပ်တို့နှင့်အတူ ထမြောက်၏။ ၂၀–၂၁၊ ခပ်သိမ်းသော ကောင်းချီးမင်္ဂလာတို့သည် ဥပဒေကို နာခံခြင်းအားဖြင့် ရောက်လာ၏။ ၂၂–၂၃၊ ခမည်းတော်နှင့် သားတော်၌ အသားနှင့် အရိုးတို့ရှိသည့် ကိုယ်ခန္ဓာများရှိကြ၏။
အပိုဒ်ငယ် ၁၃၁
၁–၄၊ ဆီလက်ရှယ်လ် အိမ်ထောင်ဖက်ပြုခြင်းသည် အမြင့်ဆုံး ကောင်းကင်ဘုံ၌ ချီးမြှောက်ခြင်းအတွက်မရှိမဖြစ် လိုအပ်၏။ ၅–၆၊ လူသားတို့အား ထာဝရအသက်သို့ အဘယ်သို့ တံဆိပ်ခတ်သည်ကို ရှင်းပြ ထား၏။ ၇–၈၊ စိတ်ဝိညာဉ်တစ်ခုလုံးသည် အရာဝတ္ထုဖြစ်၏။
အပိုဒ်ငယ် ၁၃၂
၁–၆၊ ချီးမြှောက်ခြင်းကို ထာဝရတည်မြဲသောပဋိညာဉ်သစ်အားဖြင့် ရရှိ၏။ ၇–၁၄၊ ပဋိညာဉ်၏ သတ်မှတ်ချက်များနှင့် ပြဋ္ဌာန်းချက်များကို ဖော်ပြထား၏။ ၁၅–၂၀၊ ဆီလက်ရှယ်လ် အိမ်ထောင်ဖက်ပြုခြင်းနှင့် မိသားစုအဖွဲ့အစည်း၏အဆက်သည် လူသားတို့အား ဘုရားများဖြစ်လာစေရန် စွမ်းဆောင်နိုင်စေ၏။ ၂၁–၂၅၊ ကျပ်တည်းကျဉ်းမြောင်းသည့် လမ်းသည် ထာဝရအသက် ဆီသို့ ပို့ဆောင်၏။ ၂၆–၂၇၊ သန့်ရှင်းသောဝိညာဉ်တော်ကို ဆန့်ကျင်၍ ဘုရားကို ပြစ်မှားသည့် အပြစ်နှင့် စပ်လျဉ်းသည့် ဥပဒေကိုပေးထား၏။ ၂၈–၃၉၊ ထာဝရတိုးပွားခြင်းနှင့် ချီးမြှောက်ခြင်းတို့၏ ကတိတို့ကို ပရောဖက်တို့နှင့် သန့်ရှင်းသူတို့အား ကာလတစ်ခုလုံး၌ ပေးထား၏။ ၄၀–၄၇၊ မြေကြီးပေါ်နှင့် ကောင်းကင်ဘုံ၌ ထုပ်၍စည်းနှောင်သည့် တန်ခိုးကို ဂျိုးဇက်စမစ်အား ပေးထား၏။ ၄၈–၅၀၊ ကိုယ်တော်ရှင်သည် သူ့အပေါ်၌ သူ၏ချီးမြှောက်ခြင်းကို တံဆိပ်ခတ်၏။ ၅၁–၅၇၊ အီမာစမစ်အား သစ္စာရှိပြီး မှန်ကန်ရန် အကြံပေး၏။ ၅၈–၆၆၊ အပြိုင် အိမ်ထောင်ဘက်ပြုခြင်းကို ထိန်းချုပ်သည့် ဥပဒေများကို ဖော်ပြထား၏။
အပိုဒ်ငယ် ၁၃၃
၁–၆၊ သန့်ရှင်းသူတို့သည် ဒုတိယအကြိမ် ကြွလာတော်မူခြင်းအတွက် ပြင်ဆင်ရန် မိန့်မှာခံရ၏။ ၇–၁၆၊ ခပ်သိမ်းသောလူတို့သည် ဗာဗုလုန်မှ ထွက်ပြေးကြစေရန်၊ ဇိအုန်သို့လာကြစေရန်၊ ထို့အတူ ကိုယ်တော်ရှင်၏ ကြီးစွာသောနေ့အတွက် ပြင်ဆင်ကြစေရန် မိန့်မှာခံကြရ၏။ ၁၇–၃၅၊ သူသည် ဇိအုန်တောင်ပေါ်မှာ ရပ်လိမ့်မည်၊ တိုက်များသည် ပြည်တစ်ခု ဖြစ်လာလိမ့်မည်၊ ပျောက်ဆုံးသော ဣသရေလ မျိုးနွယ်စုတို့သည်လည်း ပြန်လာကြလိမ့်မည်။ ၃၆–၄၀၊ ဧဝံဂေလိတရားတော်ကို လောက တစ်ခုလုံးသို့ ဟောပြောရစေရန် ဂျိုးဇက်စမစ်အားဖြင့် ပြန်လည်ဆောင်ယူထား၏။ ၄၁–၅၁၊ ကိုယ်တော်ရှင်သည် ဆိုးညစ်သူတို့အပေါ် လက်တုံ့ပြန်ခြင်းဖြင့် ဆင်းလာတော်မူမည်။ ၅၂–၅၆၊ ထိုအချိန်သည် သူ၏ရွေးနုတ်သောသူတို့၏နှစ်ဖြစ်လိမ့်မည်။ ၅၇–၇၄၊ သန့်ရှင်းသူတို့ကို ကယ်တင်ခြင်းသို့ ရောက်စေရန်နှင့် ဆိုးညစ်သူတို့၏ ပျက်စီးခြင်း အတွက် ဧဝံဂေလိတရားတော်ကို ပို့ရမည်။
အပိုဒ်ငယ် ၁၃၄
၁–၄၊ အစိုးရတို့သည် အသိစိတ်နှင့် ကိုးကွယ်ခြင်းတို့၏ လွတ်လပ်ခွင့်ကို ထိန်းသိမ်း စောင့်ရှောက် ရမည်။ ၅–၈၊ ခပ်သိမ်းသောလူသားတို့သည် မိမိတို့၏ အစိုးရတို့ကို ထောက်ခံ ရမည်၊ ဥပဒေကို လေးစား ရိုသေရမည်။ ၉–၁၀၊ ဘာသာရေး လူ့အဖွဲ့အစည်းများသည် ပြည်သူ့ အာဏာကို မကျင့်သုံးရ။ ၁၁–၁၂၊ လူတို့သည် မိမိတို့ကိုယ်တိုင်နှင့် မိမိတို့၏ဥစ္စာပစ္စည်းကို ကာကွယ်ရာ၌ အပြစ်ကင်းစေ၏။
အပိုဒ်ငယ် ၁၃၅
၁–၂၊ ဂျိုးဇက်နှင့် ဟီရမ်သည် ကာသေ့ဂ်ျ အကျဉ်းထောင်၌ အသက်စတေးခံရ၏။ ၃၊ ပရောဖက်၏ ရှေးဦး အမှုတော်ဆောင်တာဝန်ကို ကြေညာ၏။ ၄–၇၊ သူတို့၏ အပြစ်မရှိသော အသွေးက အမှုတော်၏ သမ္မာတရားနှင့် အထွတ်အမြတ်ဖြစ်ခြင်းကို သက်သေခံ၏။
အပိုဒ်ငယ် ၁၃၆
၁–၁၆၊ အနောက်ဘက်လားရာ ခရီးအတွက် ဣသရေလတပ်ကို မည်သို့ ဖွဲ့စည်းရမည့် အကြောင်း ရှင်းပြထား၏။ ၁၇–၂၇၊ သန့်ရှင်းသူတို့သည် မြောက်မြားလှသော ဧဝံဂေလိတရားတော် စံနှုန်းများ အတိုင်း နေထိုင်ရန် မိန့်မှာခံရ၏။ ၂၈–၃၃၊ သန့်ရှင်းသူတို့သည် သီချင်းဆိုရ၊ ကရ၊ ဆုတောင်းရ၊ ထို့အတူ ဉာဏ်ပညာကို သင်ယူကြရမည်။ ၃၄–၄၂၊ ပရောဖက်တို့သည် သူတို့ ဂုဏ်ပြုခံရနိုင်စေခြင်းငှာနှင့် ဆိုးညစ်သောသူတို့ ပြစ်ဒဏ် ချမှတ်ခံရနိုင်စေခြင်းငှာ ကွပ်မျက်ခံကြရ၏။
အပိုဒ်ငယ် ၁၃၇
၁–၆၊ ပရောဖက်သည် သူ၏အစ်ကို အယ်လဗင်ကို ဆီလက်ရှယ်လ် နိုင်ငံတော်၌ မြင်၏။ ၇–၉၊ သေသူတို့၏ ကယ်တင်ခြင်းအတွက် ဩဝါဒကို ဖော်ပြထား၏။ ၁၀၊ ခပ်သိမ်းသော ကလေးတို့သည် ဆီလက်ရှယ်လ် နိုင်ငံတော်၌ ကယ်တင်ခြင်းသို့ ရောက်၏။
အပိုဒ်ငယ် ၁၃၈
၁–၁၀၊ ဥက္ကဋ္ဌဂျိုးဇက်အက်ဖ်စမစ်သည် ပေတရု၏စာများအကြောင်းနှင့် ဝိညာဉ်ကမ္ဘာသို့ ကိုယ်တော်ရှင်၏ အကြည့်အရှု ကြွရောက်ခြင်း အကြောင်းတို့ကို မှတ်ကျုံး၍ စဉ်းစားဆင်ခြင်၏။ ၁၁–၂၄၊ ဥက္ကဋ္ဌစမစ်သည် ဖြောင့်မတ်လျက် သေသူတို့ ပရဒိသုဘုံ၌ စုဝေးခြင်းနှင့် ထိုသူတို့၌ ခရစ်တော်၏ အမှုတော်ဆောင်ခြင်းတို့ကို မြင်၏။ ၂၅–၃၇၊ သူသည် ဝိညာဉ်တို့၌ ဧဝံဂေလိတရားတော် ဟောပြောခြင်းကို အဘယ်သို့ ဖွဲ့စည်းထားကြောင်းကို မြင်၏။ ၃၈–၅၂၊ သူသည် အာဒံ၊ ဧဝ၊ ထို့အတူ မိမိတို့၏ ရှင်ပြန်ထမြောက်ခြင်းမတိုင်မီ ဝိညာဉ်ကမ္ဘာ၌ မိမိတို့၏ ဝိညာဉ်အခြေအနေကို ချုပ်နှောင်ခြင်း အဖြစ် မှတ်ယူကြသည့် များစွာသော သန့်ရှင်းသောပရောဖက်တို့ကို မြင်၏။ ၅၃–၆၀၊ ယခုကာလ၌ ဖြောင့်မတ်လျက် သေသူတို့သည် ဝိညာဉ်လောက၌ မိမိတို့အလုပ်များကို ဆက်၍လုပ်ဆောင်ကြ၏။

ဘာသာပြန်နေဆဲဖြစ်ပါသည်