1 ^aAroia aia ^bunimwaane ma aia ibonga ni kabuta rabwatan ma raraan Kristo nakon te ekaretia; ao e ^ckaraoaki n aron ana tua Kristo; ngaia are ti ataia bwa e bon koaua aron karaoana; ao te unimwaane ke te ibonga e bon wakinna—

2 Ao a bon katorobubua ma te ekaretia, ma n tataro nakon te Tama n aran Kristo, ni kangai:

3 O Te Atua, te Tama ae Akea Tokina, ti butiko n aran natim, Iesu Kristo, bwa ko na kakabwaia ma ni katabua te ^akariki aei nako nanon tamneia ake ana bane n anaia; bwa a na kanna ni ^bkauringa iai rabwatan natim, ma ni kakoaua nakoim, O te Atua, te Tama ae Akea Tokina, bwa a bon kukurei ni katoka i aoia ^caran natim, ma n aki toki n ururingnga, ma ni kaawakin ana tua nako ake e a tia n anganiia, bwa e aonga ni memena ^dTamneina irouia n taai nako. Amen.