Ana Boki Moronaai

1 Ngkai Ngai, ae ^aMoronaai, I a tia ni katoka kauarerekean rongorongoia ana botanaomata Iareta, I a tia ni kataua inanou bwa N na aki manga korea riki ae bati, ma I bon tuai ma ni mate; ao I aki kaotai nakoia Reimwanaite bwa mwiina ao a tiringai.

2 Bwa nooria, a bati ni korakora aia ^abubuaka imarenaia; ao ibukin aia kairiribai a ^bbon tiringia ni kabane Nibwaite ake a bon aki kaakea Kristo.

3 Ao Ngai, ae Moronaai, N na bon aki ^akaakea Kristo; ngaia are, I a rerebaua nakon taabo ake I kona n nako iai ibukin kawakinan oin maiu.

4 Ngaia are, I a manga koroi riki bwaai tabeua, are e kaitaraa, te bwai are I a tia ni kataua mai inanou; bwa I a tia ni kataua mainanou bwa N na aki manga korea riki ae bati; ma I a ti manga koroi riki bwaai tabeua, bwa tao a na bongana nakoia tariu, aika Reimwanaite, n taai aika i mwaira, n aron nanon te Uea.