1 Die ^awyse waarop hulle ^bouderlinge en priesters die vlees en bloed van Christus aan die kerk ^cbedien; en hulle het dit bedien volgens die gebooie van Christus; daarom weet ons dat dié wyse juis is; en die ouderling of priester het dit bedien—

2 En hulle het neergekniel saam met die kerk, en gebid tot die Vader in die Naam van Christus, en gesê:

3 O God, die Ewige Vader, ons vra U in die naam van u Seun, Jesus Christus, om hierdie ^abrood te seën en te heilig aan die siele van al diegene wat daarvan gebruik; dat hulle mag eet ^bter gedagtenis aan die liggaam van u Seun, en getuig voor U, o God, die Ewige Vader, dat hulle gewillig is om op hulle die ^cnaam van u Seun te neem, en Hom altyd te onthou en sy gebooie te onderhou wat Hy hulle gegee het, sodat hulle altyd sy ^dGees mag hê om met hulle te wees. Amen.