1 Kwaye ngoku, qaphelani, bazalwana bam, njengoko nditshilo kuni okokuba ndiya kuprofetha, qaphelani, esi sisiprofetho sam—esokokuba izinto ezithe zathethwa ngulo mprofeti ^auZenoshe, ngokunxulumene nendlu kaSirayeli, apho abafanekisa nomthi womnquma olinyiweyo, kufuneka ngokwenene zenzeke.

2 Kwaye umhla aya kuthi aqalise ngawo kwakhona ^aukubuyisela abantu bakhe okwesibini, ngumhla, ewe, kwanelokugqibela ilixa, eziya kuthi ^bizicaka zayo iNkosi zibheke phambili ^cemandleni ayo, ukuze ^dzondle kwaye zithene ^eisidiliya sayo; kwaye emva koko ^fisiphelo siya kufika kwakamsinya.

3 Kwaye basikeleleke kangakanani abo bathe basebenza ngenkuthalo esidiliyeni sayo; baza baqalekiseka kangakanani abo baya kuthi balahlelwe ngaphandle kweyabo indawo! Kwaye ihlabathi liya ^akutshiswa ngomlilo.

4 Kwaye ikangakanani inceba kaThixo wethu kuthi, kuba uyayikhumbula indlu ^akaSirayeli, kunye iingcambu namasebe; kwaye uzolulile ^bizandla zakhe kubo ebudeni bemini yonke; kwaye ^cbangabantu abantamo zilukhuni; nabaphikayo; kodwa njengokuba abaninzi bengayi kuziqaqadekisa iintliziyo zabo baya kusindiswa ebukumkanini bukaThixo.

5 Ngako oko, bazalwana bam abathandekayo, ndiya nibongoza ngamazwi andilisekileyo okokuba niguquke, kwaye nize ngenjongo egqibeleleyo yentliziyo, kwaye ^aninamathele kuye uThixo njengoko naye enamathele kuni. Kwaye ngeli lixa ^bingalo yakhe yenceba yolulekele ngakuni ekukhanyeni kwemini, musani ukuziqaqadekisa iintliziyo zenu.

6 Ewe, ngalo mhla, ukuba niya kuliva ilizwi lakhe, zeningaziqaqadekisi iintliziyo zenu; kuba kungani na niya ^akufa?

7 Kuba qaphelani, emva kokuba niya kondliwa ngelizwi elilungileyo likaThixo ebudeni bemini yonke, ingaba niya kuvelisa isiqhamo esibi kusini na, ukuze ^anigawulelwe phantsi kwaye niphoswe emlilweni?

8 Qaphelani, ingaba niya kuwala kusini na la mazwi? Ingaba niya kuwala kusini na amazwi abaprofeti; kwaye ingaba niya kuwala kusini na onke amazwi athethiweyo ngokunxulumene noKrestu, emva kokuba abaninzi kangaka bethethile ngokunxulumene naye; kwaye nilikhanyele ilizwi elilungileyo likaKrestu, namandla kaThixo, ^anesipho soMoya oyiNgcwele, nize niwucime uMoya oyiNgcwele, nize nilenze intlekisa icebo lenkululeko, elamiselwa nina?

9 Anazi na okokuba ukuba niya kuzenza ezi zinto, ukuze amandla enkululeko novuko, olukuKrestu, aya kunizisa ekubeni nime ngehlazo ^anetyala eloyikekayo phambi ^bkwesihlalo sokugweba sikaThixo?

10 Kwaye ngokwamandla ^aobulungisa, kuba ubulungisa abunakho ukuphikiswa, kufuneka nimke niye ^bedikeni lomlilo nesalfure, elimlilo walo ungacimiyo, nelimsi walo unyukela phezulu ngonaphakade kanaphakade, idike lomlilo nesalfure elo ^celiyintuthumbo ^dengenasiphelo.

11 Owu ke, bazalwana bam abathandekayo, guqukani, nize ningene ngaphakathi kulo ^aisango elimxinwa, nize niqhubeke endleleni leyo icutheneyo, nide nibe niya kubuzuza ubomi obungunaphakade.

12 Owu yibani ^anobulumko; ingaba yintoni na endingayithethayo engakumbi?

13 Okokugqibela, ndiyanibulisa nisale kakuhle, ndide ndibonane nani phambi kwesihlalo sokugweba esikholisayo sikaThixo, isihlalo-sokugweba eso esikhwankqisa abakhohlakeleyo ^angenkxalabo eyoyikekayo noloyiko. Amen.