3 Nephi

Mormon Nwoma

Dza Ɔwɔ Mu
Mbueienyi na Adasefo
1 Nephi
2 Nephi
Jacob
Enos
Jarom
Omni
Mormon ne Nsɛm
Mosiah
Alma
Helaman
3 Nephi
4 Nephi
Mormon
Ether
Moroni

3 Nephi

Tsir 1
Nephi, Helaman ne babanyin no, fi asaase no do kɔ na ne babanyin Nephi dze nkyerɛwee no sie—Ɔwɔ mu dɛ nsɛnkyerɛdze nye anwanwadze sisi, eso emumuyɛfo no hyehyɛ dɛ woboku atseneneefo no—Anafua no a wɔbɔwo Christ wɔ mu no du—Woyi asɛnkyerɛdze kyerɛ na woraba fofor pue—Atorsɛm na ndaadaa kɔ do pii, na Gadianton n’edwotwafo no ku nyimpa pii. Christ N’Awoo ekyir bɛyɛ mfe 1–4.
Tsir 2
Emumuyɛdze na ebusudze pii soɛr wɔ nkorɔfo no mu—Nephifo nye Lamanfo yɛ kor dze tsia Gadiaton edwotwafo no—Lamanfo a wɔasakyer hɔn no bɛyɛ fitaa na wɔfrɛ hɔn Nephifo. Christ N’Awoo ekyir bɛyɛ mfe 5–16.
Tsir 3
Giddianhi, Gadianton ɔkandzifo no hwehwɛ dɛ Lachoneus na Nephifo no begyaa hɔnho nye hɔn nsaase mu ama—Lachoneus yɛ Gidgiddoni nsodaafo no hɔn ɔsahen—Nephifo no hyia Zarahemla na Dzifuu dɛ worobɔkõ dze abɔ hɔnho ban. Christ N’Awoo ekyir bɛyɛ mfe 16–18.
Tsir 4
Nephifo nsordaafo dzi Gadianton edwotwafo no do konyim—Woku Giddianhi, nye n’abadziekyir, Zemnarihah a, wɔsɛn no—Nephifo yi Ewuradze ayɛw wɔ hɔn konyimdzi ntsi. Christ N’Awoo ekyir bɛyɛ mfe 19–22.
Tsir 5
Nephifo no nu hɔnho na woyi hɔn bɔn akwa—Mormon kyerɛw no nkorɔfo no ho abakɔsɛm na ɔbɔ daapem asɛm no ho dawur kyerɛ hɔn—Wɔbɛkã Israel mba a wɔabɔ hɔn apetse mber pii no aboa ano. Christ N’Awoo ekyir bɛyɛ mfe 22–26.
Tsir 6
Nephifo no yɛ prɔmprɔm—Ahantan, ahonya na nyimpa mu nyiyimu soɛr—Etuatsew paapaa Asɔr no mu—Satan dzi nkorɔfo no enyim ma wɔtsew etua wɔ bagua mu—Nkɔnhyɛfo pii kã nnuho ho asɛm na woku hɔn—Hɔn ewudzifo no yɛ kor dɛ wobotu aban no egu. Christ N’Awoo ekyir bɛyɛ mfe 26–30.
Tsir 7
Woku ɔtsɛmbuafopanyin no, wotu aban no na nkorɔfo no kyekyɛ hɔn mu mbusuakuw—Jacob, Christ ne tsiafo no, bɛyɛ nsumaamu fɛkuw bi do hɔn hen—Nephi kã nnuho nye gyedzi a ɔwɔ dɛ nyimpa nya wɔ Christ mu ho asɛm—Abɔfo bɔsom no dabiara, na onyan no nua fi ewufo mu—Pii nu hɔnho na wonuma hɔn. Christ N’Awoo ekyir bɛyɛ mfe 30–33.
Tsir 8
Ehum kɛse, asaasewosow, ogya, ekyinehyia mframa nye anwanwadze a osisi nyina gye Christ ne mbeamudua mu bɔ ho dase—Wɔsɛɛ nyimpa pii—Sum hyɛ asaase do ndaansa—Hɔn a wɔka no twa kwadwom wɔ hɔn nkrabea ho. Christ N’Awoo ekyir bɛyɛ mfe 33–34.
Tsir 9
Christ ne ndze fi sum mu tsẽa mu kã nyimpa na nkuropɔn pii hɔn nsɛe ho asɛm osian emumuyɛdze ntsi—Ɔtsẽa mu kã No nyamesu ho asɛm, Ɔkã dɛ Moses mbra no ahyɛ mã, na Ɔto nsa frɛ nyimpa dɛ wɔmbra No hɔ ma ɔngye hɔn nkwa. Christ N’Awoo ekyir bɛyɛ mfe 34.
Tsir 10
Asaase do taa dzinn bɛyɛ ndɔnhwer pii ntamu—Christ Ne ndze bɔ anohoba dɛ Ɔbɔboaboa No nkorɔfo ano dɛ mbrɛ akokɔ baatan boaboa ne mba ano—Hɔn a wɔyɛ atseneneefo ara yie wɔ nkorɔfo no mu no na wɔakora hɔn do no. Christ N’Awoo ekyir bɛyɛ mfe 34–35.
Tsir 11
Egya no dzi Ne Dɔba no ho dase—Christ pue na Ɔbɔ No Werdambɔ no ho dawur—Nyimpadodow dze hɔn nsa kã epirakur a ɔwɔ Ne nsa na N’anan ho nye Ne mfemu no—Wɔtsẽatsẽa mu dɛ Hosanna—Ɔkyerɛ kwan na ma mbrɛ wonsi nnuma—Wentwiwentwi sunsum fi abɔnsam—Christ Ne nkyerɛkyerɛ nye dɛ ɔsɛ dɛ adasa nya gyedzi na wonuma hɔn na hɔn nsa kã Sunsum Krɔnkrɔn no. Christ N’Awoo ekyir bɛyɛ mfe 34.
Tsir 12
Jesus frɛ esuafo duebien na ɔkyerɛ hɔn dwuma a ɔsɛ dɛ wodzi—Ɔkã kasa a ɔtse dɛ Bepɔw do Asɛmpa no kyerɛ Nephifo no—Ɔkã Nhyira nsɛm no—Ne nkyerɛkyerɛ no tra na onya gyinabew sen Moses mbra no—Ɔhyɛ adasa dɛ wondzi mu tse dɛ mbrɛ Ɔno na N’Egya dzi mu no—Fa to Matthew tsir 5 ho. Christ N’Awoo ekyir bɛyɛ mfe 34.
Tsir 13
Jesus kyerɛkyerɛ Nephifo no Ewuradze Asɔr no—Ɔwɔ dɛ wɔpɛ hɔn akoradze gu sor—Wɔhyɛ esuafo duebien no dɛ mma wɔnndwendwen honam afamu ndzɛmba ho wɔ hɔn somdwuma mu—Fa to Matthew tsir 6 ho. Christ N’Awoo ekyir bɛyɛ mfe 34.
Tsir 14
Jesus se: Mma hom mmbu atsɛn, hom mbisa Nyame, hom nhwɛ yie wɔ nkɔnhyɛfo atorfo ho—Ɔdze nkwagye bɔ hɔn a wɔyɛ Egya ne pɛ no anohoba—Fa to Matthew tsir 7 ho. Christ N’Awoo ekyir bɛyɛ mfe 34.
Tsir 15
Jesus kã dɛ Moses mbra no ahyɛ mã wɔ No mu—Nephifo nye nguan nkaa no a Ɔkãa ho asɛm wɔ Jerusalem no—Osian emumuyɛ ntsi Ewuradze No nkorɔfo a wɔwɔ Jerusalem no nnyim Israel nguan a wɔabɔ hɔn apetse no. Christ N’Awoo ekyir bɛyɛ mfe 34.
Tsir 16
Jesus bɔkɔ akɛsera Israel nguan binom a wɔayew no—Nda a odzi ekyir no asɛmpa no bɔkɔ Amanamamfo na nkyii Israel fifo hɔ—Ewuradze No nkorɔfo bohu; enyiwa tua enyiwa ber a Ɔdze Zion bɛba bio no. Christ N’Awoo ekyir bɛyɛ mfe 34.
Tsir 17
Jesus se no nkorɔfo dɛ wɔndwendwen Ne nsɛm ho na wɔmbɔ mpaa mbisa ntseasee—Ɔsa hɔn ayarfo yarba—Ɔdze kasa a obiara nntum nnkyerɛw bɔ mpaa ma nkorɔfo no—Abɔfo bɔsom hɔn na ogya twa hɔn mbofra ho hyia. Christ N’Awoo ekyir bɛyɛ mfe 34.
Tsir 18
Jesus dze sacrament no bɔbɔ adze wɔ Nephifo mu—Ɔhyɛ hɔn dɛ wɔmbɔ mpaa daa wɔ Ne dzin mu—Wobobu hɔn a hɔnho nntsew na wodzi No honam na wɔnom No bɔgyaa no fɔ—Wɔma esuafo no tum dɛ wɔmfa Sunsum Krɔnkrɔn no mma. Christ N’Awoo ekyir bɛyɛ mfe 34.
Tsir 19
Esuafo duebien no som nkorɔfo no na wɔbɔ mpaa dze bisa Sunsum Krɔnkrɔn no—Wonuma esuafo duebien no na hɔn nsa kã Sunsum Krɔnkrɔn no, na abɔfo hɔn som—Jesus dze kasa bi bɔ mpaa a wonntum nnkyerɛw—Ɔgye dase wɔ Nephifo hɔn gyedzi kese ho. Christ N’Awoo ekyir bɛyɛ mfe 34.
Tsir 20
Jesus ma paanoo nye wenyin puee hɔ nwanwa mu ara na ohyira no sacrament no do ma nkorɔfo—Jacob n’asefo bɛba ebenya Ewuradze hɔn Nyankopɔn noho nyimdzee na wɔbɛtsena America asaase tɔw no do—Jesus yɛ nkɔnhyɛnyi tse dɛ Moses, na Nephifo yɛ nkɔnhyɛfo hɔn mba—Wɔbɔboaboa Ewuradze no nkorɔfo nkaafo no ano dze hɔn akɔ Jerusalem. Christ N’Awoo ekyir bɛyɛ mfe 34.
Tsir 21
Sɛ Mormon Nwoma no pue a wɔbɔboaboa Israel ano—Amanamamfo betsim wɔ America dɛ fahodzifo—Sɛ wɔgye dzi na wɔyɛ setsie a wɔbɛgye hɔn nkwa; annyɛ dɛm a wobotwa hɔn akyen na wɔasɛɛ hɔn—Israel bɛkyekyer Jerusalem fofor no, na ebusuakuw a wɔayew no bɛsan aba. Christ N’Awoo ekyir bɛyɛ mfe 34.
Tsir 22
Wɔbɛkyekyer Zion nye ne stake nyina wɔ nda a odzi ekyir no mu, na wɔnam ehumbɔbɔr na tsema do bɔboaboa Israel ano—Wobedzi konyim—Fa to Isaiah 54 ho. Christ N’Awoo ekyir bɛyɛ mfe 34.
Tsir 23
Jesus gye Isaiah ne nsɛm no to mu—Ɔhyɛ nkorɔfo no dɛ wɔnhwehwɛ nkɔnhyɛfo no—Wɔdze Samuel, Lamannyi no ne nsɛm a ɔfa Owusoɛr ho no kã hɔn nkyerɛwee ho. Christ N’Awoo ekyir bɛyɛ mfe 34.
Tsir 24
Ewuradze no bɔfoe besiesie kwan no dze ama Mbae a Otsĩa Ebien no—Christ bɛtsena atsɛmbu mu—Wɔhyɛ Israel dɛ ontua ebupɛn du na ɔmbɔ afɔr—Wɔkyerɛɛw nkaa nwoma to hɔ—Fa to Malachi 3 ho. Christ N’Awoo ekyir bɛyɛ mfe 34.
Tsir 25
Mbae a Otsĩa Ebien no wɔbɛhyew ahopɔwfo nye emumuyɛfo dɛ eburonan—Elijah bɛsan aba ansaana dɛm da kɛse a ɔyɛ hu no aba—Fa to Malachi 4 ho. Christ N’Awoo ekyir bɛyɛ mfe 34.
Tsir 26
Jesus siansian ndzɛmba nyina mu fi ahyɛse kesi ewiei—Mbɔdomaba na mbofra kã anwanwasɛm bi a obiara nntum nnkyerɛw—Hɔn a wɔwɔ Christ N’Asɔr mu no ndzɛmba nyina bɛyɛ kwasafodze. Christ N’Awoo ekyir bɛyɛ mfe 34.
Tsir 27
Jesus hyɛ dɛ wɔmfa Ne dzin mfrɛ Asɔr no—No dwumadzi na werdam afɔrbɔ no na wɔbɔ mu yɛ N’asɛmpa no—Wɔhyɛ adasamba dɛ wonnu hɔnho na wonuma hɔn ama Sunsum Krɔnkrɔn no aatsew hɔnho—Ɔwɔ dɛ wɔyɛ dɛ mbrɛ Jesus noara tse. Christ N’Awoo ekyir bɛyɛ mfe 34–35.
Tsir 28
Esuafo duebien no mu baakron pɛ na wɔbɔ hɔn anohoba dɛ sɛ wowu a wobenya egyapadze wɔ Christ n’ahenman no mu—Nephifo Baasa no pɛ na wɔma hɔn tum wɔ owu do ama wɔaatsena asaase yi do ekodu dɛ Jesus bɛba bio—Wɔmaa hɔn do kɔr sor hɔ ma wohu ndzɛmba a ɔnnsɛ dɛ wɔdze ano kã, na seseiara wɔrosom wɔ adasa mu. Christ N’Awoo ekyir bɛyɛ mfe 34–35.
Tsir 29
Mormon Nwoma no mpuei no yɛ asɛnkyerɛdze a ɔkyerɛ dɛ Ewuradze ahyɛ ase roboaboa Israel ano na N’Ahyɛmu so rehyɛ mã—Wɔdze ndom bɛkã hɔn a wɔpow Ne nda a odzi ekyir mu nyikyerɛ na akyɛdze no. Christ N’Awoo ekyir bɛyɛ mfe 34–35.
Tsir 30
Wɔhyɛ Amanamamfo a wɔwɔ nda a odzi ekyir yi mu dɛ wonnu hɔnho na wɔmbra Christ hɔ na wɔnkan hɔn mfora Israel fifo. Christ N’Awoo ekyir bɛyɛ mfe 34–35.