1 Kumwail rong mwahu, kumwail Mehn Liki kan, oh rong mahsen kan en Sises Krais, Sapwellimen Koht ieiaso, me ketin mahsanihong ie me I pahn koasoia duwen kumwail, pwe, kilang e ketin mahsaniong ie me I pahn ntingihdi, mahsanih:

2 Kumwail Mehn Liki kan koaros, kumwail sohpeisang amwail wiewia suwed kan; oh koluhkihla amwail wiewiahn tepil kan, amwail likamw akan oh ketewehdi kan, oh amwail wiewiahn nenek kan, oh amwail tiahk rir suwed kan, oh amwail dikadik en eni kan, oh amwail kam aramas kan, oh amwail prihskrap kan, oh amwail noahrok kan, oh amwail aklemei kan, oh sang amwail wiewia suwed koaros oh tiahk suwed koaros, oh kohdo rehi, oh papidaisla ni mwarei, pwe kumwail en kak alehdi kamwakelpen dipamwail kan, oh audaudkihda Ngehn Sarawi, pwe kumwail en kak iang wadawadiong rehn nei aramas akan me wia peneinei en Israel.