፩ እናም እንግዲህ እነሆ፣ እንዲህ እላችኋለሁ፤ እነዚህ ነገሮች በቃሉ መሰረት ወደ አህዛብ ^ሀመምጣታቸው በጥበቡ ጌታ ተገቢ መሆናቸውን በሚመለከትበት ጊዜ፣ አብም ከእስራኤል ልጆች ጋር በድጋሚ ወደ ትውልድ ምድራቸው ለመመለስ ^ለቃል ኪዳን የገባውን መፈፀም እንደጀመረ ታውቃላችሁ።

፪ እናም በቅዱሳን ነቢያት የተነገሩት የጌታ ቃልም በሙሉ እንደሚፈፀሙ ታውቃላችሁ፤ እናም ጌታ ወደ እስራኤል ልጆች የሚመጣበት ጊዜውን ^ሀአዘገየ ማለት አያስፈልጋችሁም።

፫ እናም የተነገሩት ቃላትም ከንቱ ናቸው ብላችሁ በልባችሁ አትገምቱ፣ ምክንያቱም እነሆ ጌታ ለእስራኤል ቤት ለህዝቡ የገባውን ቃል ኪዳን ያስታውሳልና።

፬ እናም እነዚህ የተባሉት በመካከላችሁ ሲመጡ በምትመለከቱበት ጊዜ፣ ከዚያም የጌታን ስራ ልትወቅሱ አይገባችሁም፣ ምክንያቱም ^ሀየፍትህ ^ለጎራዴ በቀኝ እጁ ናትና፤ እናም እነሆ፣ በዚያን ቀን ስራውን የምትወቅሱ ከሆነ በቅርቡይህችም እንድታሸንፋችሁ ያደርጋል።

፭ የጌታን ስራ ^ሀየሚወቅስ ^ለወዮለት፣ አዎን፣ ክርስቶስን እና ስራዎቹን ^ሐለሚክድ ወዮለት!

፮ አዎን፣ የጌታን ራዕይ ለሚክድ፣ እናም ጌታ ከእንግዲህ በራዕይ፣ ወይንም በትንቢት፣ ወይም ^ሀበስጦታ፣ ወይም በልሳን ወይም በፈውስ፣ ወይንም በመንፈስ ቅዱስ ኃይል አይሰራም ለሚል ^ለወዮለት!

፯ አዎን፣ እናም በዚያን ቀን ^ሀጥቅምን ለማግኘት፣ በኢየሱስ ክርስቶስም ከእንግዲህ ^ለድንቅ ነገር አይሰራም ለሚል ወዮለት፤ ይህንን የሚያደርግ ^ሐእንደጥፋት ልጅ ይሆናልና፣ ለእርሱም በክርቶስ ቃል መሰረት ምህረት አይኖረውምና!

፰ አዎን፣ እናም ከእንግዲህ ^ሀልታጉረመርሙ፣ እንዲሁም ^ለልትወቅሱ፣ ^ሐአይሁዶችንም ሆነ፣ የእስራኤል ቤት ቅሪት በሆኑት ላይ ትቀልዱም ዘንድ አይገባችሁም፤ እነሆም ጌታ ለእነርሱ የገባውን ቃል ኪዳን ያስታውሳል፣ እናም በመሃላ እንደገባውም ይፈጽምላቸዋል።

፱ ስለዚህ ጌታም ለእስራኤል ቤት የገባውን ቃል ኪዳን ለማሟላት ፍትሁን ለመፈጸም እንዳይችል ቀኝ እጁን ወደግራው ለመመለስ ይቻለናል በማለት መገመት የለባችሁም።