3 Nifai 27
    iVakamacala e botona e ra
    Theme

    Wase 27

    Sa vakaroti ira ko Jisu me ra vakatoka na Lotu ena Yacana—Sa okati ena Nona kosipeli na nona itavi kei na nona isoro ni veivakaduavatataki—Sa vakaroti na tamata me veivutuni ka me papitaisotaki me na qai vakatabui mai na Yalo Tabu—Me ra vakataki Jisu. Rauta na 34–35 S.K.

    1 Ka sa yaco ni ra sa veilakoyaki voli na tisaipeli i Jisu ka vunautaka tiko na veika era sa raica ka rogoca, ka veipapitaisotaki ena yacai Jisu, a sa yaco ni ra a soqoni vata na tisaipeli ka ra a aduavata ena masu kei na blolo vagumatua sara.

    2 A sa arairai tale vei ira ko Jisu ni ra a masu tiko vua na Tamada ena yacana; a sa lako mai ko Jisu ka tu ena kedra maliwa ka kaya vei ira: A cava ko ni sa vinakata me’u solia vei kemuni?

    3 Era sa kaya vua: Turaga, keimami gadreva mo ni tukuna vei keimami na yaca me vakayacani kina na lotu oqo, ni ra sa veileti tiko na tamata ena vuku ni ka oqo.

    4 Ka sa kaya vei ira na Turaga: E dina, e dina au sa kaya vei kemuni a cava era sa vosa kudrukudru ka veileti kina na tamata ena vuku ni ka oqo?

    5 Era sa sega li ni wilika na ivolanikalou ni sa kaya mo ni vakatokai ena ayacai Karisito, sai koya na yacaqu? Ia ko ni na kacivi ena yaca oqo ena siga mai muri;

    6 Ia ko koya yadua sa taura na yacaqu ka avosota me yacova na ivakataotioti, ena vakabulai vakaidina ena siga mai muri.

    7 O koya mo ni kitaka kina na ka kecega ko ni sa kitaka, ena yacaqu; o koya mo ni vakatoka kina na lotu oqo ena yacaqu; ka kerea vua na Tamada ena yacaqu me vakalougatataka na lotu ena vukuqu.

    8 Ia kevaka sa sega ni vakatokai ena yacaqu, ena rawa vakaevei me anoqu blotu? Ia kevaka sa vakatokai e dua na lotu ena yacai Mosese, sa lotu i Mosese; se kevaka sa vakatokai ena yaca ni dua na tamata, ia sa lotu ni tamata ko ya; ia kevaka sa vakatokai ena yacaqu sa qai noqu lotu, kevaka sa tara cake ena noqu kosipeli.

    9 Au sa kaya vakaidina vei kemuni ni ko ni sa tara cake ena noqu kosipeli; ia na ka kece ko ni sa vakayacana, mo ni vakayacana ena yacaqu; ia kevaka ko ni sa kerea vua na Tamada ena yacaqu e dua na ka me baleta na lotu, ena rogoci kemuni ko Tamaqu;

    10 Ia kevaka sa tara cake na lotu ena noqu kosipeli, ena vakaraitaka kina na Tamada na nona cakacaka.

    11 Ia kevaka sa sega ni tara cake ena noqu kosipeli ka sa tara cake ga ena cakacaka ni tamata se ena cakacaka ni tevoro, au sa kaya vakaidina vei kemuni, ena vakalekaleka ga na nodra marautaka na nodra cakacaka, ia ena dua na gauna lekaleka, ena yaco mai na ivakataotioti, ka ra na atamusuki sobu ka biu ki na bukawaqa ka sega ni lesu rawa mai kina.

    12 Ni na amuri ira ga na nodra ivalavala, ka ra na tamusuki sobu ena vuku ni nodra ivalavala; o koya mo ni nanuma tiko kina na veika au sa tukuna vei kemuni.

    13 Raica au sa solia vei kemudou na noqu akosipeli, ia oqo na kosipeli au sa solia vei kemudou—ni’u a lako mai ki vuravura me’u kitaka na blomai Tamaqu, ni a talai au mai ko Tamaqu.

    14 Ka sa talai au mai ko Tamaqu me’u na mai alaveti cake ena kauveilatai; ia ni’u sa laveti cake oti ena kauveilatai me’u na bkauti ira mai kina na tamata kecega kivei au, ia me vaka ni ra a laveti au cake na tamata, ena laveti ira cake tale ga vakakina ko Tamada me ra na tu e mataqu ka clewai ena nodra ivalavala, se vinaka se ca—

    15 Raica ena inaki oqo au sa alaveti cake kina; ia au na kauti ira mai na tamata kecega kivei au, me vaka na kaukauwa i Tamada, me ra lewai ena nodra ivalavala.

    16 Ka na qai yaco ni o koya yadua sa aveivutuni ka bpapitaisotaki ena yacaqu, ena vakasinaiti ena Yalo Tabu; ia kevaka sa cvosota me yacova na ivakataotioti, au na kunea ni sa tawacala ko koya ena matai Tamaqu ena siga au sa tu kina me’u lewai ira na kai vuravura.

    17 Ia ko koya sa sega ni vosota me yacova na ivakataotioti, ena tamusuki sobu ka biu ki na bukawaqa ka na sega ni lesu rawa mai kina, ena vuku ni alewa dodonu nei Tamada.

    18 Ia sa vakaoqo na vosa sa solia ko Tamada vei ira na luve ni tamata. Raica, baleta na ka oqo, e sa vakayacora kina na vosa ka sa solia, ka sa sega ni lasu ko Koya, ia ena vakayacora vakaidina na vosa kecega sa tukuna.

    19 Ka sa asega na ka tawasavasava sa curu rawa ki na nona matanitu; o koya sa sega kina e dua sa curu rawa ki na nona bivakavakacegu, ko ira ga sa csavai na nodra isulu ena noqu dra ni ra sa vakabauta, ka veivutunitaka na nodra ivalavala ca ka vosota me yacova na ivakataotioti.

    20 Ia oqo na ivakaro: Mo ni aveivutuni, koi kemuni kecega mai na iyalayala kei vuravura, ka lako mai vei au ka bpapitaisotaki ena yacaqu, mo ni cvakatabui kina ena isolisoli ni Yalo Tabu mo ni duri ka dsega ni tauvi duka kina e mataqu ena siga mai muri.

    21 E dina, e dina, au sa kaya vei kemudou, oqo na noqu kosipeli; dou sa kila na ka sa dodonu mo ni kitaka ena noqu lotu; ia na ka kecega dou sa raica ni’u sa kitaka, mo dou kitaka tale ga; io mo dou kitaka na ka kecega dou sa raica ni’u sa kitaka;

    22 Ko ni sa kalougata kevaka ko ni sa kitaka na veika oqo, ni ko ni na laveti cake ena siga mai muri.

    23 Mo ni vola na veika ko ni sa raica ka rogoca; ia me kakua ga na veika sa avakatabui.

    24 Mo ni vola na veika era na cakava na tamata oqo, me vaka ni sa volai tu na veika era a cakava e liu.

    25 Raica era na alewai na tamata oqo mai na veitukutuku sa volai oti tu kei na veika ko ni na qai vola e muri, io, ena kilai na nodra bcakacaka vei ira na tamata mai na veika sa volai.

    26 Ka raica, na ka kecega sa avola na Tamada; ia ena lewai ko vuravura mai na ivola era sa volai.

    27 Ia mo dou kila ni adou na lewai ira na tamata oqo me vaka na lewa dodonu ka’u na solia vei kemudou. Ia a cava na bivalavala sa kilikili kei kemudou? Au sa kaya vakaidina vei kemudou, mo dou cvakataki au.

    28 Ia oqo, au sa alako vua na Tamada. Au sa kaya vakaidina vei kemudou, ena soli vei kemudou na veika kecega ko ni sa kerea vua na Tamada ena yacaqu.

    29 O koya mo dou akerekere, ka na soli vei kemudou; mo dou tukituki ka na dolavi vei kemudou; ni sa rawata ko koya yadua sa kerekere; ka na dolavi vua sa tukituki.

    30 Ia sa vuabale na noqu marau ena vukumudou kei ira na itabatamata oqo; a sa marau talega ko Tamada kei ira na agilosi yalosavasava ena vukumudou kei ira na itabatamata oqo; ni sa asega ni yali e dua vei ira.

    31 Raica, au gadreva mo dou kila; ni’u sa tukuni ira na aitabatamata sa bbula tiko oqo; a sa vuabale na noqu cmarau ena vukudra, ni sa sega ni yali e dua vei ira.

    32 Ka raica, au sa rarawataki ira vakaidina na aikava ni tabatamata mai na itabatamata oqo; raica ena rawai ira na dauvere me vaka a rawai ira na luve ni veivakarusai; raica era na volitaki au ena siliva kei na koula kei na iyau sa vakacacana na bsarasara kei na veveka, ka ra na basuka na daubutako ka butakoca. Ia ena siga ko ya au na sikovi ira ka sauma vei ira na nodra ivalavala.

    33 Ka sa yaco ni sa cavuta oti na vosa oqo ko Jisu, sa kaya vei iratou na nona tisaipeli: Mo dou curu ki na amatamata ni koro qiqo; ni sa qiqo na matamata ni koro ka rabailailai na sala sa basika ki na bula, a ra sa lewelailai sa kunea; ia sa lalaga na matamata ni koro ka rabailevu na sala sa basika ki na mate, era sa lewevuqa era sa curu kina, raica sa voleka mai na bogi, sa sega ni cakacaka rawa kina e dua na tamata.