3 Nifai 16
    iVakamacala e botona e ra
    Theme

    Wase 16

    Ena sikovi ira na sipi tale e so ni Isireli era sa yali ko Jisu—Ena yaco na kosipeli ena siga mai muri kivei ira na kai Matanitu Tani ka qai lako ki na mataqali i Isireli—Era na veirai e matadra na tamata ni Turaga ena gauna ena vakalesui Saioni tale mai kina ko Koya. Rauta na 34 S.K.

    1 E dina, e dina au sa kaya vei kemudou, aeso tani tale na noqu sipi, ia era sega ni tiko ena vanua oqo se mai Jerusalemi, se ena dua na vanua vakavolivolita ka’u a veiqaravi voli kina.

    2 Ia ko ira ka’u sa vosa kina oqo, era sa sega mada ni rogoca na domoqu; ka’u a sega mada ni bau vakaraitaki au vei ira.

    3 Ia sa vakaroti au na Tamada me’u lako vei aira, era na rogoca na domoqu, ka ra na wili vata kei ira na noqu sipi, me duabau ga kina na qele ni sipi ka duabau ga na ivakatawa; ia au sa lako me’u vakaraitaki au vei ira.

    4 Ka’u sa vakaroti kemudou mo dou vola na aveivosa oqo ni’u sa gole yani, ia ko ira na noqu tamata ka tiko mai Jerusalemi, ko ira era sa kilai au ka a cakacaka vata voli kei au, kevaka era sa sega ni kerea vua na Tamada ena yacaqu me ra kilai kemuni kei ira na yavusa tale e so ena kaukauwa ni Yalo Tabu, sa na maroroi tu ga na noqu vosa ko ni sa vola me qai vakaraitaki vei ira na bVeimatanitu Tani, ia ena taucoko ni nodra gauna na Veimatanitu Tani, era na qai kauta lesu tale yani vei ira na ivovo ni nodra kawa era sa veiseyaki tu e delai vuravura ena vuku ni nodra tawavakabauta, me ra ckila kina ni sai au na nodra Dauveivueti.

    5 Ka’u na qai asoqoni ira kece, mai na yasai vuravura e va; ka’u na qai vakayacora kina na bveiyalayalati ka cakava ko Tamada vei ira na cmataqali i Isireli.

    6 Era sa kalougata ko ira na aMatanitu Tani, ni ra sa vakabauti au ena vuku ni bYalo Tabu, o koya sa vakadinadinataki au kei na Tamada vei ira.

    7 Raica, sa kaya ko Tamada, ko ni sa sega ni vakabauti au koi kemuni na mataqali i Isireli; ia me vaka ni ra sa vakabauti au na matanitu tani, ena kau kina vei ira na dina ena asiga mai muri, ka na vakatakilai kina vei ira na taucoko ni veika oqo.

    8 Ia ena ca sa kaya ko Tamada, ko ira na Matanitu Tani era sa tawavakabauta—e dina ga era sa lako mai ki na vanua oqo, ka ra sa mai avakatalabusesetaki ira na noqu tamata, ko ira na mataqali i Isireli; ka ra sa bvakatalai ira tani na noqu tamata, na mataqali i Isireli mai na kedra maliwa ka butuki ira sobu e yavadra;

    9 Ena vuku ni yalololoma i Tamada vei ira na Matanitu Tani, kei na nona lewa na Tamada vei ira na noqu tamata ko ira na mataqali i Isireli, e dina, e dina, au sa kaya vei kemuni, ni sa na oti kece na veika oqo, ka’u sa laiva me ra yaviti na noqu tamata, ko ira na mataqali i Isireli, ka me ra vakararawataki, ka avakamatei ka vakasevi tani mai na kedra maliwa, ka ra na cati ka vakasiusiutaki, ka ra na vosa beci—

    10 Ka sa vakarota gona kina ko Tamada me’u kaya vakaoqo vei kemudou: Ena siga era sa ivalavala ca kina ki na noqu kosipeli ka biuta laivi na taucoko ni noqu kosipeli ko ira na vei-Matanitu Tani, ka ra alaveti cake ena qaciqacia ni yalodra ka beca na veimatanitu kecega kei na tamata kecega e vuravura taucoko, ka vakasinaiti ena veimataqali lasu kecega kei na veidabui, na ilawaki, kei na veimataqali veivakaisini kecega kei na laba, bbete vakailasu kei na veibutakoci, kei na veika vuni vakasisila kecega; ka kevaka era sa vakayacora na veika kece oqo ka ra sega ni ciqoma na taucoko ni noqu kosipeli, raica, sa kaya ko Tamada, Au na kauta tani mai vei ira na taucoko ni noqu kosipeli.

    11 Ka’u na qai ananuma na veiyalayalati au a cakava vei ira na noqu tamata, ko ira na mataqali i Isireli, ka’u na qai kauta yani vei ira na noqu kosipeli.

    12 Ka’u na vakaraitaka vei kemuni na mataqali i Isireli, ni ra na sega ni rawai kemuni ko ira na Veimatanitu Tani; ia au na nanuma na noqu veiyalayalati kei kemuni na mataqali i Isireli, ka ko ni na qai akila na taucoko ni noqu kosipeli.

    13 Ia sa kaya ko Tamada, kevaka era sa veivutuni ko ira na Veimatanitu Tani ka saumaki mai vei au, era na awili vata kei ira na noqu tamata, ko ira na mataqali i Isireli.

    14 Ka’u na sega ni laivi ira na noqu tamata, ko ira na mataqali i Isireli, me ra lako yani ena kedra maliwa ka butuki ira sobu, sa kaya na Tamada.

    15 Ia kevaka era sa sega ni saumaki mai vei au ka muria na domoqu, au na laivi ira na noqu tamata ko ira na mataqali i Isireli, me ra lako yani ena kedra maliwa ka ra na abuturaki ira sobu, ia era na vaka na masima sa seyavu na kena tuituina, ka sa sega ni yaga ena dua na ka, me biu ga ki tautuba me ra buturaka sobu na noqu tamata ko ira na mataqali i Isireli.

    16 E dina, e dina, au sa kaya vei kemuni, sa vakaroti au ko Tamada—me’u solia na vanua oqo vei ira na tamata oqo me nodra ivotavota vakawa.

    17 Ia ena qai vakayacori kina na avosa sa tukuna ko Aisea na parofita ka kaya:

    18 Era sa tabalaka na domodra na anomudou bivakatawa; era na ia vata na nodra lagasere, ni ra na raica ena matana votu ni na kauti Saioni tale mai na Turaga.

    19 Mo ni lagata mai na sere ni marau, mo ni kaikaila vata, na veiyasana lala ni Jerusalemi; ni sa vakacegui ira na nona tamata na Turaga, ka sa sereki Jerusalemi.

    20 Sa vakaraitaka mai na Turaga na ligana tabu e matadra na veimatanitu kecega; ia na iyalayala kecega kei vuravura ena kunea na veivakabulai ni Kalou.