3 Nifai 18
    iVakamacala e botona e ra
    Theme

    Wase 18

    Sa tauyavutaka ko Jisu na sakaramede ena kedra maliwa na Nifaiti—Era sa vakaroti me ra dau masu tiko ga ena Yacana—Era na cudruvi ko ira era kania na Lewena ka gunuva na Nona dra ka sega ni bula ganita—Sa soli na kaukauwa vei iratou na tisaipeli me ratou solia na Yalo Tabu. Rauta na 34 S.K.

    1 Ka sa yaco ni sa vakaroti iratou na nona tisaipeli ko Jisu me ratou kauta mai vua na amadrai kei na waini.

    2 Ia ni ratou sa lako me kauta mai na madrai kei na waini, sa vakaroti ira na lewevuqa ko koya me ra dabe sobu ki na qele.

    3 Ia ni ratou sa kauta mai na tisaipeli na amadrai kei na waini, sa taura na madrai ko koya ka dovia ka vakalougatataka; ka solia vei iratou na tisaipeli ka vakarota me ratou kania.

    4 Ia ni ratou sa kana oti, ka vakamamautaki, sa vakarota me ratou solia tale ga vei ira na lewevuqa.

    5 Ia ni ra sa kana oti na lewevuqa ka ra sa mamau, sa kaya vei iratou na tisaipeli: Raica ena tabaki e dua vei kemudou ka’u na solia vua na kaukauwa me adovia na madrai ka vakalougatataka, ka solia vei ira na noqu lewe ni lotu, kivei ira kecega sa vakabauta ka papitaisotaki ena yacaqu.

    6 Ia mo dou vakayacora tiko ga me vaka au kitaka; io me vaka au sa dovia na madrai ka vakalougatataka, ka solia vei kemudou.

    7 Mo dou kitaka oqo, mo dou avakananuma kina na yagoqu, me vaka au sa vakaraitaka vei kemudou. Ka me ivakadinadina vua na Tamada ni dou na daunanumi au tikoga. Ia kevaka dou na daunanumi au tiko ga, ena tikoga kei kemudou na Yaloqu.

    8 Ka sa yaco ni sa cavuta na vosa oqo, sa vakaroti iratou na nona tisaipeli me ratou taura na bilo waini ka gunuva, ka solia talega vei ira na lewevuqa me ra gunuva.

    9 Ka sa yaco ni ratou sa kitaka vakakina, eratou sa gunuva ka vakasinaiti; ka qai solia talega vei ira na lewevuqa ka ra a gunuva talega ka vakasinaiti.

    10 Ia ni ratou sa vakayacora oqo na tisaipeli, sa kaya vei iratou ko Jisu: Dou sa kalougata ena ka dou sa kitaka, ni dou sa vakayacora kina na noqu ivakaro, sa ivakadinadina oqo vua na Tamada ni dou sa talairawarawa ki na noqu ivakaro.

    11 Ka mo dou kitaka tikoga na ka oqo vei ira sa veivutuni ka papitaisotaki ena yacaqu; ko ni na kitaka oqo mo dou vakananuma kina na noqu dra ka’u sa liviraka ena vukumudou, mo dou vakadinadinataka kina vua na Tamada ni ko ni na daunanumi au tiko ga. Ia kevaka ko ni na daunanumi au tikoga, ena tiko ga kei kemudou na Yaloqu.

    12 Ia au sa solia vei kemudou e dua na ivakaro mo ni daukitaka na veika oqo. Dou sa kalougata kevaka dou sa kitaka tiko ga na veika oqo, ni dou sa tara cake e dela ni noqu auluvatu.

    13 Ia ko koya vei kemudou sa kitaka e levu cake se lailai sobu mai na veika oqo, sa sega ni tara cake ena dela ni noqu uluvatu, ia sa tara ga ena dela ni nuku; ia ni sa tau mai na uca, ka coka na dobui, ka liwa na cagi ka tabaki ira, era na abale kina, ka sa tadola tu na bmatamata kei eli me tilomi ira.

    14 O koya dou sa kalougata kina kevaka dou sa maroroya na noqu ivakaro o koya sa vakarota na Tamada me’u solia vei kemudou.

    15 E dina, e dina, au sa kaya vei kemudou, mo dou dauvakatawa ka amasu tikoga, me kakua ni temaki kemudou na tevoro ka kauti kemudou tani vakavesu.

    16 Ia me vaka au a masu ena kemudou maliwa, mo dou dau masu tale ga vakakina ena noqu lotu ena kedra maliwa na noqu tamata era sa veivutuni ka papitaisotaki ena yacaqu. Raica koi Au na ararama; Au sa biuta vei kemudou e dua na bivakarau mo dou muria.

    17 Ka sa yaco ni sa cavuta oti na vosa oqo ko Jisu vei iratou na nona tisaipeli, sa qai rai tale vei ira na lewevuqa ka kaya vei ira:

    18 Raica, e dina, e dina au sa kaya vei kemuni, mo ni dau vakatawa ka masu tikoga, mo ni kakua ni rawai ena veitemaki; raica sa vinakata ko aSetani me tauri kemudou me tauvuloni kemudou kina me vaka na witi.

    19 O koya mo ni dau masu tikoga vua na Tamada ena yacaqu;

    20 Ia na aka kecega e dodonu ko ni sa kerea vua na Tamada ena yacaqu, ka ko ni vakabauta ni ko ni na rawata, raica ena soli vei kemuni.

    21 Mo ni adaumasu vakavuvale vua na Tamada, mo dou dau kitaka tikoga ena yacaqu, me ra kalougata kina na watimuni kei ira na luvemuni.

    22 Mo ni dausoqoni wasoma; ia, mo dou kakua ni vakatabuya e dua sa lako yani ena nomuni soqoni, mo ni laiva ga me lako yani vei kemuni, ia mo kua ni vakatabui ira;

    23 Ia mo ni amasulaki ira ka kakua ni vakasevi ira tani; ia kevaka era sa daulako wasoma yani vei kemuni, mo ni dau masulaki ira vua na Tamada ena yacaqu.

    24 Ia mo ni dulaka cake na nomuni ararama me cilavi vuravura. Raica sai Au ga na brarama mo ni dulaka cake—me vaka ko ni sa raica ni’u a kitaka. Ia ko ni sa raica ka vakadinadinataka ni’u a masu vua na Tamada.

    25 Ia ko ni sa raica ni’u a sega ni avakatala tani e dua vei kemuni, raica au a vakaroti kemuni ga mo ni lako mai vei au ka mo ni btara ka raica; ia mo ni kitaka tale ga vakakina vei ira na kai vuravura; ia ko koya sa sega ni muria na ivakaro oqo, sa vakatara me kau ki na veitemaki.

    26 Ka sa yaco ni sa cavuta oti na vosa oqo ko Jisu, sa gole tale vei iratou na tisaipeli sa digitaka ko koya ka kaya vei ira:

    27 Raica, e dina, e dina, au sa kaya vei kemudou, au na solia vei kemudou e dua tale na ivakaro, ka’u na qai lako vei aTamaqu me’u vakayacora na bveivakaro tale eso sa solia tu vei au.

    28 Ka raica, sai koya oqo na ivakaro au sa solia vei kemudou, ena gauna dou qarava kina, mo dou kakua ni laiva me akania na lewequ, ka gunuva na noqu dra e dua dou sa kila ni bsega ni bula ganita;

    29 Ko koya sa kania ka gunuva na lewequ kei na noqu adra ka bsega ni bula ganita sa kania ka gunuva tiko na cudruvi ki na yalona; ia mo dou vakatabuya me kania na lewequ ka gunuva na noqu dra e dua dou sa kila ni sega ni bula ganita.

    30 Ia dou kakua ga ni avakasevi koya tani, mo dou qarava ga ka masulaki koya vua na Tamada ena yacaqu; ia kevaka sa veivutuni ka papitaisotaki ena yacaqu, mo ni qai vakacurumi koya ka solia vua na lewequ kei na noqu dra.

    31 Ia kevaka sa sega ni veivutuni, me kakua ni wili vata kei ira na noqu tamata, de na vakacacani ira na noqu tamata, raica au sa kilai ira na anoqu sipi kei na kedra iwiliwili.

    32 Ia mo dou kakua ni vakasevi koya tani mai na nomuni valenilotu se valenisokalou, ia mo ni qaravi koya tikoga, ni dou sa sega ni kila de ra na saumaki mai ka veivutuni ka lako mai vei au ena lomadra taucoko, ka’u na avakabulai ira; ia ko ni sa vu ni nodra vakabulai.

    33 O koya mo dou muria kina na veivosa oqo au sa vakarota vei kemudou, mo dou kakua ni acudruvi kina; ni na ca ko koya sa cudruva ko Tamada.

    34 Au sa solia vei kemudou na veivakaro oqo, ena vuku ni veileti era tiko ena kemudou maliwa. Ka mo dou na kalougata kevaka sa asega na veileti ena kemudou maliwa.

    35 Ia oqo, au sa lako cake vua na Tamada, ni sa yaga me’u lako vua na Tamada aena vukumudou.

    36 Ka sa yaco ni sa tinia na veivosa oqo ko Jisu, sa qai tarai iratou yadua na atisaipeli sa digitaka ko koya, e bligana, a sa tarai iratou yadudua me yacova ni sa tarai iratou kece ka vosa vei iratou ni sa tarai iratou tu.

    37 Ia era sa sega ni rogoca na lewevuqa na veivosa sa tukuni ka ra a sega kina ni vola; ia eratou sa tukuna na tisaipeli ni a solia vei iratou ko koya na akaukauwa me ratou solia kina na bYalo Tabu. Ia au na qai vakaraitaka e muri ni sa dina na itukutuku oqo.

    38 Ka sa yaco ni sa tarai iratou oti ko Jisu, sa qai vakaruguti ira na lewevuqa e dua na ao ka ra sa sega ni raici Jisu rawa.

    39 Ia ni sa vakaruguti ira tu, sa biuti ira ko Koya ka lako cake ki lomalagi. Ia eratou sa raica ko ira na tisaipeli ka vakadinadinataka ni sa lako cake ki lomalagi.