1 Ket ita, adtoy, kunak kadakayo, a rumbeng nga ^aamirisenyo dagitoy a banag. Wen, ti bilin nga itedko kadakayo tapno amirisenyo dagitoy a banag a sireregta; agsipud ta napateg dagiti balikas ni ^bIsaias.

2 Ta awan duadua nga isu ti nagsao kadagiti amin a banag maipapan kadagiti taok nga adda iti balay ti Israel; ngarud kasapulan a makisao met kadagiti Gentil.

3 Ken napasamaken ken ^amapasamakto amin dagiti banag a sawenna, uray pay ti maipanggep kadagiti balikas nga insawangna.

4 Ngarud denggenyo dagiti balikasko; isuratyo dagiti banag nga imbagak kadakayo; ket mapandanto kadagiti Gentil babaen ti panawen ken ti pagayatan ti Ama.

5 Ket siasino man a dumngeg kadagiti balikasko ket agbabawi ken mabuniagan, maisalakanto. Amirisenyo dagiti ^apropeta ta adu kadakuada ti mangpaneknek kadagitoy a banag.

6 Ket ita napasamak nga idi naibagan ni Jesus dagitoy a balikas kinunana manen kadakuada, kalpasan ti panangipalawagna kadagiti nasantuan a kasuratan nga inawatda: Adtoy, kayatko nga isuratyo ti dadduma a nasantuan a kasuratan, a saanyo pay a naisurat.

7 Ket napasamak a kinunana ken ni Nephi: Iruarmo ti kasuratan nga indulinmo.

8 Ket idi naited ni Nephi ti kasuratan, ket indissona iti sangoda, kinitana ida ket kinunana:

9 Pudno kunak kadakayo, binilinko ti katulongak a ni ^aSamuel, a Lamanite, a nasken a mangpaneknek kadagitoy a tao, nga iti aldaw nga igloria ti Ama ti naganna kaniak nga ^badu kadagiti ^csanto ti rumbeng a ^dbumangon manipud iti patay, ken rumbeng nga agparang kadagiti adu, ken masapul nga agpaay kadakuada. Ket kinunana kadakuada: Saan kadi a kasta?

10 Ket simmungbat dagiti disipulona kenkuana ket kinunada: Wen, Apo, nangipadto ni Samuel babaen iti balikasmo, ket natungpalda amin.

11 Ket kinuna ni Jesus kadakuada: Apay a saanyo nga insurat daytoy a banag, nga adu a santo ti nagungar ken nagparang iti adu ken nagpaay kadakuada?

12 Ket napasamak a nalagip ni Nephi a saan a naisurat daytoy a banag.

13 Ket napasamak nga imbilin ni Jesus a masapul a maisurat; ngarud naisurat a kas iti imbilinna.

14 Ket ita napasamak nga idi ^anaipalawagen ni Jesus ti nasantuan a kasuratan, nga insuratda, imbilinna kadakuada nga isuroda dagiti banag nga impalawagna.