Kyerɛwsɛm
3 Nephi 21


Tsir 21

Sɛ Mormon Nwoma no pue a wɔbɔboaboa Israel ano—Amanamamfo betsim wɔ America dɛ fahodzifo—Sɛ wɔgye dzi na wɔyɛ setsie a wɔbɛgye hɔn nkwa; annyɛ dɛm a wobotwa hɔn akyen na wɔasɛɛ hɔn—Israel bɛkyekyer Jerusalem fofor no, na ebusuakuw a wɔayew no bɛsan aba. Christ N’Awoo ekyir bɛyɛ mfe 34.

1 Na nokwar mese hom dɛ, mebɛma hom asɛnkyerɛdze bi, ama hom eetum ehu amber a dɛm ndzɛmba yi besisi—na mebɛkã mo nkorɔfo a wɔabɔ hɔn apetse akyɛr no aboa ano, O Israel fifo, na mebɛkyekyer me Zion bio wɔ hɔn mu;

2 Na hwɛ, iyi na medze bɛyɛ asɛnkyerɛdze ama hom—na nokwar mese hom dɛ ber a dɛm ndzɛmba yi a mebɛda no edzi akyerɛ hom nye dza ekyir yi obefi mankasa, nye Sunsum Krɔnkrɔn no tum a Egya no dze bɛma hom no, wɔbɛda no edzi akyerɛ Amanamamfo no ma woehu biribi a ɔfa dɛm nkorɔfo yi a wɔyɛ Jacob fifo nkaa, nye mo nkorɔfo yi a wɔbɔbɔ hɔn apetse no ho;

3 Nokwar, nokwar, mese hom dɛ, ber a Egya no bɛda andzɛmba yinom edzi akyerɛ hɔn no, na obefi Egya no hɔ edua hɔn do aba hom hɔ;

4 Na ɔyɛ Egya no ne pɛ dɛ wobetsim wɔ asaase yi do, ama Egya no nam no tum do ayɛ hɔn afahodzifo, ama ndzɛmba yinom eefi hɔn hɔ aba hom asefo nkaa no hɔ, ama bahyɛmu a Egya no nye no nkorɔfo no edzi no aahyɛ mã, O Israel fifo;

5 Dɛm ntsi dɛm ndwuma yi nye dza wobedzi no wɔ hom mu ofi ber yi dze kɔ abefi Amanamamfo hɔ aba hom basefo no a osian hɔn emumuyɛ ntsi wɔbɔwodow wɔ gyedzi mu no hɔ.

6 Na dɛm na Egya no ahyehyɛ ato hɔ dɛ ɔwɔ dɛ ofi aAmanamamfo hɔ ba, ama ɔaakyerɛ no tum akyerɛ Amanamamfo no, na iyi ntsi, sɛ Amanamamfo no emmpirim hɔn akoma, na wonu hɔnho na wɔba mo hɔ na wonuma hɔn wɔ me dzin mu na wohu me nkyerɛkyerɛ ho nokwar botae no a, bwɔbɛkan hɔn afora mo nkorɔfo, O, Israel fifo;

7 Na ber a dɛm ndzɛmba yi bɛba mu ma hom aasefo bɛhyɛ ase dɛ woruhu dɛm ndzɛmba yinom no—ɔbɛyɛ asɛnkyerɛdze ama hɔn, ma woeetum ehu dɛ Egya no ndwuma no ahyɛ ase dada rehyɛ ahyɛmu a ɔnye nkorɔfo a wɔyɛ Israel fifo no dzii no mã.

8 Na sɛ, dɛm da no nya ba a, ɔbɛba dɛ ahemfo bomua hɔn ano; na dza wɔnnkãa nnkyerɛɛ hɔn no, wobohu; na dza wɔnntsee no, wɔbɛtse.

9 Na dɛm da no mu, emi ntsi Egya no bɛyɛ edwuma bi a ɔyɛ anwanwa kɛse bi wɔ hɔn mu; na ɔbarimba bi bɛda no edzi akyerɛ hɔn, naaso binom wɔ hɔn mu a wɔrenngye nndzi.

10 Mbom hwɛ, m’akowaa no nkwa bekitsa me nsamu; dɛm ntsi worimmpira no, ɔwɔ mu dɛ osian hɔn ntsi wobedzi no adzɛm. Na mebɛsa no yarba, na mebɛkyerɛ ma woeehu dɛ me bnyansaa sõ sen abɔnsam ne ndaadaa.

11 Dɛm ntsi ɔbɛba dɛ obiara a ɔnnkɛgye me nsɛm edzi, dɛ emi nye Jesus Christ no, a Egya no bɛma aɔdze aba Amanamamfo no hɔ, na ɔdze tum bɛma no ma ɔdze ama Amanamamfo no, (wɔbɛyɛ no dɛ mbrɛ Moses kãe no) bwobotwa hɔn efi mo nkorɔfo a wɔyɛ ahyɛmu mba no mu akyen.

12 Na mo nkorɔfo a wɔyɛ Jacob nkaa no bɔfora Amanamamfo no mu, nyew, wɔbɛtsena hɔn mu dɛ aawendadze a ɔfora mbowa akɛse mu, dɛ awendadze kakraba a ɔhyɛ nguankuw mu, na odua hɔn mu, btsiatsia hɔn do na ɔtsetsew hɔn mu esinesin, na obiara runntum nngye hɔn.

13 Wɔbɛma hɔn nsa do wɔ hɔn atamfo do, na wobotwa hɔn atamfo akyen.

14 Nyew, Amanamamfo no wondue, na gyedɛ awonu hɔnho; na ɔbɛba dɛ dɛm da no, Egya no na ɔse, mobotwa hom mpɔnkɔ efi hom mu na mebɛsɛɛ hom ntseaseanam;

15 Na mobotwa hom nkuropɔn a ɔwɔ hom asaase do akyen na mobubu hom aban nyina egu famu;

16 Na mobotwa abayifo a wɔwɔ hom asaase do akyen, na hom rinnya ɔsebramufo bio.

17 Hom aehonyi a woegu no mobotwa no so akyen, nye hom ehonyi a osisi hom finimfin so nyina, na hom ronnsom hom nsaano edwindze bio;

18 Na mobotutu hom abosom efi hom finimfin; na mebɛsɛɛ hom nkurow.

19 Na ɔbɛba dɛ wobeyi aatorsɛm, nye ndaadaa, nye enyikaber, nye aperdzi, nye asɔfoɔtorsom, nye ndwamambɔ efi hɔ.

20 Na ɔbɛba dɛ, Egya no na ɔse, da no hɔn a wonnkonu hɔnho na wɔaba mo Dɔba no hɔ no, mobotwa hɔn efi mo nkorɔfo mu, O Israel fifo.

21 Na medze awerdzi nye ebufuhyew bɛba hɔn do, dɛ mbrɛ medze bɛba abosonsomfo mpo so do, dza wɔnntsee bi da.

22 Mbom sɛ wonu hɔnho na wotsie me nsɛm, na woemmpirim hɔn akoma a, amebɛkyekyer m’asɔr wɔ hɔn mu, na wɔbɛba abɛhyɛ ahyɛmu no mu na bwɔakan hɔn afora Jacob n’asefo nkaa no, hɔn a medze asaase yi ama hɔn dɛ ɔyɛ hɔn egyapadze no;

23 Na wɔbɔboa mo nkorɔfo, Jacob nkaa no, nye Israel fifo dodow biara so a wɔbɛba no, ma wɔakyekyer kurow a wɔbɛfrɛ no aJerusalem Fofor.

24 Na afei na wɔbɔboa mo nkorɔfo ma wɔaboa hɔn ano, hɔn a wɔapetse asaase nyina enyi do no, ma wɔaba Jerusalem Fofor no mu.

25 Na nkyii ɔsor atum no bɛba hɔn do; na mo so bmobɔwɔ hɔn finimfin.

26 Na afei Egya no n’edwuma no bɛhyɛ ase wɔ dɛm da no mu, ber a wɔbɛkã asɛmpa yi wɔ dɛm nkorɔfo nkaa yi mu no. Nokwar mese hom dɛ, da no na Egya no n’edwuma abɛhyɛ ase wɔ nkorɔfo nyinara a wɔapetse no mu, nyew, mbusuakuw mpo a bwɔayew no, ma Egya no yii hɔn fii Jerusalem no.

27 Nyew, dwumadzi no bɛhyɛ ase wɔ mo nkorɔfo nyinara a awɔapetse no mu, na Egya no besiesie kwan a wɔbɛfa do aba me nkyɛn, ama woeetum afrɛ Egya no wɔ me dzin mu.

28 Nyew, na afei dwumadzi no nye Egya no bɛhyɛ ase wɔ aman nyina mu, dze esiesie kwan a mo nkorɔfo bɛfa do aaboa hɔn ano aba hɔn egyapadze asaase no do.

29 Na wobefi aman nyina mu akɔ; na wɔronnkɔ no antsɛntsɛm, nna wɔronnkɔ no akomatu mu; osiandɛ mibedzi hɔn enyim, Egya no na ɔse, na mebɛyɛ hɔn okyidzifo.