1 Ma o lenei, o a’u, o Nifae, ou te tautala atu e uiga i valoaga sa tautala i ai lo’u tamā, e uiga ia ^aIosefa, o lē na aveina atu i Aikupito.

2 Aua faauta, sa vavalo lava o ia e uiga i ana fanau uma. Ma o ^avaloaga na ia tusia, ua lē tele ni valoaga ua sili a’e. Ma sa vavalo o ia e uiga ia te i matou, ma a matou tupulaga i le lumanai; ma ua tusia ia i luga o papatusi apamemea.

3 O le mea lea, ina ua uma ona tautala mai lo’u tamā e uiga i valoaga a Iosefa, sa ia valaau le fanau a Lamana, o ona atalii, ma ona afafine, ma fai atu ia te i latou: Faauta, o’u atalii e, ma o’u afafine e, o e o atalii ma afafine o la’u ^aulumatua, ou te manao ia ua’i mai o outou taliga i a’u upu.

4 Ona ua fetalai mai le Alii le Atua e faapea: ^aE tusa ai ma la outou tausiga o a’u poloaiga o le a outou manuia i le laueleele; ma afai tou te lē tausi i a’u poloaiga o le a vavae ese outou mai o’u luma.

5 Ae faauta, o’u atalii ma o’u afafine e, e lē mafai ona ou alu ifo i lo’u tuugamau vagana ai ua ou tuu atu se ^afaamanuiaga i o outou luga; aua faauta, ua ou iloa a fai e aoaoina outou i le ^eala e tatau ona outou savavali ai tou te lē o ese mai ai lava.

6 O le mea lea, afai e fetuuina outou, faauta, ou te tuu atu la’u faamanuiaga i o outou luga, ina ia mafai ona aveesea le fetuu mai ia te outou ma e pa’ū i luga o ^aulu o o outou matua.

7 O le mea lea, ona o la’u faamanuiaga, o le a ^alē finagalo le Alii le Atua ia fano outou; o le mea lea, o le a ^ealofa mutimutivale o ia ia te outou ma a outou fanau e faavavau.

8 Ma sa oo ina ua uma ona tautala atu o lo’u tamā i atalii ma afafine o Lamana, sa ia poloaiina atalii ma afafine o Lemuelu ina ia aumai i ona luma.

9 Ma sa tautala atu o ia ia te i latou, e faapea: Faauta, o’u atalii ma o’u afafine e, o e o atalii ma afafine o lo’u atalii lona lua; faauta ou te tuu atu ia te outou le faamanuiaga lava lea na ou tuu atu i atalii ma afafine o Lamana; o le mea lea, o le a lē faaumatiaina lava oe; ae o le a faamanuiaina au fanau i le iuga.

10 Ma sa oo ina ua uma ona tautala atu o lo’u tamā ia te i latou, faauta, sa tautala atu o ia i atalii o ^aIsamaeli, ioe, ma e oo lava i lona auaiga atoa.

11 Ma ina ua uma ona tautala atu o ia ia te i latou, sa tautala atu o ia ia Sama, e faapea: Amuia oe, ma au fanau; ona o le a fai ma ou tofi le laueleele e pei o lou uso o Nifae. Ma o le a faitauina au fanau faatasi ma ana fanau; ma o le a avea oe e pei lava o lou uso, ma o lau fanau e pei o lana fanau; ma o le a faamanuiaina oe i ou aso uma.

12 Ma sa oo ina ua uma ona tautala atu o lo’u tamā, o Liae, i lona auaiga atoa, e tusa ma lagona o lona loto ma le Agaga o le Alii sa ia te ia, sa faasolo ina matua o ia. Ma sa oo ina oti o ia, ma sa tanumia.

13 Ma sa oo ina sa lei tele ni aso ina ua mavae lona maliu, ae feita mai Lamana ma Lemuelu ma atalii o Isamaeli ia te a’u ona o a’oa’iga a le Alii.

14 Ona o a’u, o Nifae, sa uunaia e tautala atu ia te i latou, e tusa ma lana afioga; ona e tele mea sa ou tautala atu ai ia te i latou, ma lo’u tamā foi, ae lei oti o ia; o le tele o ia mea ua tusia i ^aisi a’u papatusi; ona o le tele o le vaega o le talafaasolopito ua tusia i isi a’u papatusi.

15 Ma o luga o papatusi ^anei ua ou tusia ai mea o lo’u agaga, ma le tele o tusitusiga paia ua togitogia i luga o papatusi apamemea. Ona ua olioli lo’u agaga i tusitusiga paia, ma ua ^emanatunatu loloto i ai lo’u loto, ma ua ou tusia mo le ⁱaoaoga ma le manuia o a’u fanau.

16 Faauta, ua olioli lo’u ^aagaga i mea a le Alii; ma ua manatunatu loloto pea lo’u ^eloto i mea sa ou vaaia ma faalogoina.

17 Ae ui i lea, e ui i le ^aagalelei tele o le Alii, i le faaali mai ia te a’u o ana galuega tetele ma le ofoofogia, ua alaga a’e pea lo’u loto: Aue, le ^etagata noa e ua i ai a’u! Ioe, ua faanoanoa lo’u loto ona o lo’u tino; ua momomo lo’u agaga ona o a’u amioletonu.

18 Ua siosiomia lava a’u, ona o faaosoosoga ma agasala ua faigofie ona ^aponatia ai a’u.

19 Ma pe a ou fia olioli, e oi lo’u loto ona o a’u agasala; ae ui i lea, ua ou iloa lē ua ou faalagolago i ai.

20 Sa avea lo’u Atua ma o’u toomaga; sa ia taitaia a’u i taimi o o’u puapuaga i le vao; ma sa ia faasaoina a’u i luga o vai o le moana loloto.

21 Ua ia faatumuina a’u i lona ^aalofa, ua oo lava i le faaumatiaina o lo’u tino.

22 Sa ia faamaasiasi i o’u ^afili, e oo i le faagateteina o i latou i o’u luma.

23 Faauta, ua ia faafofoga mai i la’u tagi atu i le ao, ma ia tuuina mai ia te a’u le malamalama e ala i ^afaaaliga i le taimi o le po.

24 Ma i le ao, sa oo ina faalototeleina a’u i le ^atatalo faatauanau atu i ona luma; ioe, ua ou auina atu lo’u leo i lugā; ma sa oo ifo agelu ma auauna mai ia te a’u.

25 Ma o luga o apaau o lona Agaga na ^aaveina ese atu ai lo’u tino i mauga maualuluga lava. Ma ua vaaia e o’u mata mea sili, ioe, ua silisili atu ona tetele mo le tagata; o le mea lea na poloaiina ai a’u ia aua nei ou tusia ia mea.

26 E, o lea, afai ua ou vaai i mea sili faapea, afai na asiasi mai le Alii i lona tulaga maualalo i le fanauga a tagata i le alofa mutimutivale tele faapea, ^aaisea ea ua tagi ai lo’u loto ma nofo ai pea lo’u agaga i le vanu o le faanoanoa, ma ua ou tinovale, ma faavaivai ai lo’u malosi, ona o o’u mafatiaga?

27 Ma aisea ea ou te ^agaua’i atu ai i le agasala, ona o lo’u tino? Ioe, aisea ea ou te lolo ai i ^efaaosoosoga, ua maua ai e lē ua leaga se nofoaga i totonu o lo’u loto e faaumatia ai lo’u ⁱfilemu ma faapagatia ai lo’u agaga? Aisea ea ua ou ita ai ona o lo’u fili?

28 Ala mai ia, lo’u agaga e! Aua le toe faanoanoa ona o le agasala. Olioli ia, lo’u loto e, ma aua le toe faia se nofoaga mo le ^afili o lo’u agaga.

29 Aua le toe ita ona o o’u fili. Aua le faavaivaia lo’u malosi ona o o’u puapuaga.

30 Olioli ia, lo’u loto e, ma tagi atu i le Alii, ma fai atu: Le Alii e, o le a ou viia oe e faavavau; ioe, o le a olioli lo’u agaga ia te oe, lo’u Atua e, ma le ^apapa o lo’u olataga.

31 Le Alii e, pe e te togiolaina ea lo’u agaga? Pe e te laveaiina ea a’u mai lima o o’u fili? Pe e te faia ea ia te a’u ia ou gatete i le fotuai mai o le ^aagasala?

32 Ia tapunia pea faitotoa o seoli i o’u luma, ona ua ^amomomo lo’u loto ma ua salamo lo’u agaga! Le Alii e, sei aua ne’i e tapunia faitotoa o lau amiotonu i o’u luma, ina ia mafai ona ou ^esavali i le ala o le vanu maualalo, ina ia mafai ona ou tausisi i le ala laugatasi!

33 Le Alii e, sei e siomia faataamilo a’u i le ofu talaloa o lau amiotonu! Le Alii e, sei e saunia se ala mo lo’u sola ese mai luma o o’u fili! Sei e faasa’oina lo’u ala i o’u luma! Sei aua ne’i e tuua se maa tu’ia i lo’u ala—ae ia e faalaolao lo’u ala i o’u luma, ma aua le punitia lo’u ala, ae o ala o lo’u fili.

34 Le Alii e, ua ou faalagolago ia te oe, ma o le a ou ^afaalagolago pea ia te oe e faavavau. O le a ou lē tuu atu lo’u ^efaalagolago i le lima o le tagata; ona ua ou iloa e fetuuina lē e tuu atu lona ⁱfaalagolago i le lima o le tagata. Ioe, e fetuuina lava lē e faalagolago i tagata pe fai le tagata mo ona lima.

35 Ioe, ua ou iloa o le a foai ^atele mai le Atua i lē e ole atu. Ioe, e foai mai lo’u Atua ia te a’u, pe afai e ^elē sese ona ou ⁱole atu; o le mea lea o le a ou sii a’e ai lo’u leo ia te oe; ioe, o le a ou tagi atu ia te oe, lo’u Atua e, le ^opapa o lo’u amiotonu. Faauta, o le a alu a’e pea i luga e faavavau lo’u leo ia te oe, lo’u papa ma lo’u Atua tumau-favavau. Amene.