Mataupu 16
Ua vaai Isaia i le Alii—Ua faamagaloina agasala a Isaia—Ua valaauina o ia e vavalo atu—Ua ia valoia le teena e Iutaia o aoaoga a Keriso—O le a toe foi mai se vaega o totoe—Faatusatusa i le Isaia 6. E tusa o le 559–545 T.L.M.
1 I le atausaga na maliu ai le tupu o Usia, na ou vaai ai i le Alii o afio i se nofoalii, maualuga ma siitia a’e, ma o le elau o lona ofu talaloa sa faatumulia ai le malumalu.
2 I luga a’e o le nofoalii sa tutū ai aserafi; sa i ai i serafi taitasi ni apaau e ono; e lua sa ufitia ai e ia ona mata, ma le lua sa ufitia ai e ia ona vae, ma le lua sa lele ai o ia.
3 Ma sa alaga atu le tasi i le isi, ua fai atu: Ua paia, ua paia, ua paia lava, le Alii o ’Au; ua tumu le lalolagi atoa i lona mamalu.
4 Ma sa luluina apou o le faitotoa i le leo o ia o lē na alaga, ma sa tumu le fale i le asu.
5 Ona ou fai atu lea: Oi talofa ia te a’u! ona ua afaaumatia a’u; ona o a’u o se tagata laugutu lē mamā; ma ua ou mau i le lotolotoi o ni tagata laugutu lē mamā; ona ua vaai o’u mata i le Tupu, le Alii o ’Au.
6 Ona lele mai lea o le tasi o serafi ia te a’u, ma se amalala ola i lona lima, lea na aveese e ia mai le fatafaitaulaga i le i’ofi;
7 Ma sa tuu e ia i luga o lo’u gutu, ma fai mai: Faauta, ua pa’i lenei malala ola i ou laugutu; ma ua aveese lou aamioletonu, ma ua faamamāina au agasala.
8 Sa ou faalogo foi i le siufofoga o le Alii, ua fetalai mai: O ai ea Ou te auina atu, ma o ai e alu mo i tatou? Ona ou fai atu lea: O a’u lenei; auina atu a’u.
9 Ma sa fetalai mai o ia: Inā alu atu ia ma ta’u atu i lenei nuu—Ia outou faalogo mai lava, peitai sa latou lē malamalama; ma ia outou vaai mai lava, peitai sa latou lē iloaina.
10 Ia faia loto o lenei nuu ia maaa, ma faia o latou taliga ia tutuli, ma pupuni o latou mata—ne’i o latou vaai i o latou mata, ma afaalogo i o latou taliga, ma malamalama i o latou loto, ma liliu mai ai ma faamaloloina.
11 Ona ou fai atu ai lea: Le Alii e, o le a le umi? Ma sa fetalai mai o ia: Seia faagaogaoina aai ia aunoa ma se e nofo ai, ma fale ia aunoa ma se tagata e i ai, ma matua faatuufua lava le laueleele;
12 Ma ua aaveese mamao atu tagata e le Alii, ona o le a i ai se tuulafoaiina tele i le taulotoaiga o le laueleele.
13 Ae peitai o le a i ai se tasi vaesefulu, ma o le a latou toe foi mai, ma o le a ’aina, e pei o le laau tapeneto, ma e pei o le aluna o lona ola ua i ai i totonu o i latou pe a to’ulu o latou lau; o le a faapea foi ona i ai i le fatu paia lona lava aola.