1 Ona o le a alofa mutimutivale o le Alii ia Iakopo, ma o le a ^afilifilia pea e ia Isaraelu, ma faanonofo i latou i o latou lava laueleele; ma o le a tuufaatasi ^etagata ese ma i latou, ma o le a latou faatasi i le aiga o Iakopo.

2 ^aMa o le a ave i latou e tagata ma aumai i latou i lo latou nofoaga; ioe, mai mea mamao e oo atu i tuluiga o le lalolagi; ma o le a latou toe foi atu i o latou ^elaueleele o le folafolaga. Ma o le a maua i latou e le aiga o Isaraelu, ma o le a avea le laueleele o le Alii mo ⁱauauna tane ma auauna fafine; ma o le a latou ave faatagataotaua i latou o e sa latou nonofo faatagataotaua ai; ma o le a latou pule i e sa faasauā ia te i latou.

3 Ma o le a oo mai foi i lena aso, o le a tuu atu ai e le Alii ia te oe le ^amalologa, mai lou faanoanoa, ma mai lou mata’u, ma mai le nofopologa faigata sa faamalosia ai oe ia e auauna atu.

4 Ma o le a oo mai foi i lena aso, o le a e tuuina atu ai le faataoto lenei e faasaga i le tupu o ^aPapelonia, ma fai atu: Ua matuā taofia lē ua faasauā, ua uma atu le aai auro!

5 Ua gausia e le Alii le sasa a e amioleaga, o tootoo o e pule.

6 O lē na ia taiaina le nuu i le toasa i le ta e lē aunoa, o ia o lē na pulea atunuu i le sauā, ua sauaina, ma ua leai se e taofia.

7 Ua mapu le lalolagi atoa, ma ua filemu; ua latou alalaga i ^apesega.

8 Ioe, ua olioli ^aperosi ia te oe, ma arasi foi o Lepanona, ua faapea mai: Talu ai ona ua ^efaataatia oe i lalo ua leai se tuulaau e sau e faasaga mai ia te i matou.

9 Ua mae’e ^aseoli mai lalō ia te oe e faafetaia’i oe i lou alu atu; ua faate’ia e ia e ua ^eoti ia te oe, o alii sili uma lava ia o le lalolagi; ua faatutula’i a’e e ia mai o latou nofoalii tupu uma o atunuu.

10 O le a latou tautatala uma mai ma fai mai ia te oe: Po ua e vaivai ea foi e pei o i matou? Po ua avea ea oe e pei o i matou?

11 O lou mamalu ua ave ifo i lalo i le tuugamau; ua lē toe faalogoina le leo o au napeli; ua fola ilo i ou lalo ifo, ma ua ufitia oe i ilo.

12 ^aUa e pa’ū ifo lava mai le lagi, E, ^eLusifelo e, le atalii o le taeao! Ua e faamanualia ifo lava oe i le eleele, o lē sa faavaivaia atunuu!

13 Ona sa e fai ifo i lou loto: O le a ^a’ou alu a’e i le lagi, o le a ou faaea lo’u nofoalii i luga a’e o fetu a le Atua; o le a ou nofo foi i luga ae o le mauga o le faapotopotoga, i itu aupito i ^ematu;

14 O le a ou alu i luga a’e o ao maualuluga; o le a avea a’u e pei o le Silisiliese.

15 Peitai o le a ave ifo lava oe i lalo i seoli, i itu ’aupito loloto o le ^alua.

16 O i latou o e vaai mai ia te oe o le a ^apulato’a ia te oe, ma o le a mafaufau ia te oe, ma o le a fai mai: O le tagata ea lenei na ia faagateteina le lalolagi, na ia lūlūina malo?

17 Ma na ia faia le lalolagi ia pei o se vaomatua, ma faaumatia ona aai, ma lē tatalaina le fale o ana pagota?

18 O tupu uma o atunuu, ioe, o i latou uma lava, ua taooto i le mamalu, i latou taitoatasi i ^alona lava fale.

19 Ae ua lafoaiina ese oe mai lou tuugamau e pei o se ^alālā inosia, ma o le vaega o totoe o i latou ua fasiotia, ua tutu’ia i se pelu, e lafo ifo i lalo i ^ele taele o le lua; e pei o se tino-oti ua solia i lalo o vae.

20 O le a le tuufaatasia oe ma i latou i le tanuga, ona ua e faaumatia lou laueleele ma fasioti lou nuu; o le a le lauiloa lava le ^afanau a e e ^efai-mea-leaga.

21 Ia saunia le suaina o lana fanau mo ^aamioletonu a o latou tamā, ina ia latou lē tutu a’e, pe latou te maua le laueleele, pe latou te faatumuina luga o le lalolagi i aai.

22 Ona o le a Ou tu atu e faasaga ia te i latou, ua fetalai mai ai le Alii o ’Au, ma vavae ese mai Papelonia le ^aigoa, ma le vaega o totoe, ma le atalii, ma le ^eatalii-o-le-uso, ua fetalai mai ai le Alii.

23 O le a Ou faia foi ia ^afai mo kifota, ma vai lepa; ma o le a Ou tafia i le salu o le faafanoga, ua fetalai mai ai le Alii o ’Au.

24 Ua tauto le Alii o ’Au, ua fetalai mai: E moni e pei lava ona Ou manatu i ai, e faapea lava ona faataunuuina; ma e pei ona Ou fuafuaina, o le a faapea lava ona faamautuina—

25 O le a Ou aumai le ^aAsuria i lo’u laueleele, ma soli o ia i lalo o vae i luga o ^eo’u mauga; ona alu ese atu ai lea o lana ⁱamo mai ia te i latou, ma alu ese atu lana avega mai i o latou tau’au.

26 O le faamoemoe ^alenei ua faamoemoeina i luga o le lalolagi atoa; ma o le aao lenei ua faaloaloa atu i luga o atunuu uma.

27 Ona ua faamoemoeina e le Alii o ’Au, ma o ai na te talafuaina? Ma ua faaloaloa atu lona aao, ma o ai na te liliuina i tua?

28 O le ^atausaga na maliu ai le tupu o ^eAasa na i ai lenei avega.

29 Aua e te olioli, Filisitia uma e, ona ua gausia le tootoo o lē na taiaina oe; ona o le a sau mai le a’a o le gata se gata uogo, ma o lona fua o se gata lele mumū.

30 Ma o le a ’ai le ulumatua a lē ua mativa, ma o le a taoto i le saogalemu lē ua lē tagolima; ma o le a Ou tape lou a’a i le oge, ma o le a fasiotia e ia lou vaega o totoe.

31 Uiō ia, E, le faitotoa e; tagi ia, E, le aai e; o oe, Filisitia uma e, ua soloia; ona o le a sau mai matu se asu, ma o le a leai se tasi o le a nao ia lava i ona taimi atofaina.

32 Ona a lea o se tali a avefeau o atunuu? Ua faavaeina e le Alii ^aSiona, ma o e ^ematitiva o lona nuu o le a ⁱfaalagolago i ai.