1 E lē gata i lea, na tulei mai le afioga a le Alii ia te a’u: Ia e tago i se ta’aiga tele, ma tusia ai i se peni a le tagata, e uiga ia ^aMaeli-sala-asa-pasa.

2 Ma sa ou ave ia te a’u ni ^amolimau faamaoni e faamaumauina, o Uria le faitaulaga, ma Sakaria le atalii o Iperekia.

3 Ma sa ou alu atu i le ^aperofeta fafine; ma sa to o ia ma fanauina se tama tane. Ona fetalai mai lea o le Alii ia te a’u: Faaigoa ia te ia, o Maeli-sala-asa-pasa.

4 Aua faauta, o ^ale a lē iloa e le ^etama ona valaau atu, Lo’u tamā e, ma lo’u tinā e, ae lei aveesea atu oloa o Tamaseko ma le ⁱvete a Samaria i luma o le tupu o Asuria.

5 Sa toe fetalai mai foi le Alii ia te a’u, ua faapea mai:

6 Talu ai ona ua teena e lenei nuu vai o ^aSeloa ua tafe lemu atu, ma ua fiafia ia ^eResina ma le atalii o Remalia;

7 O lenei o lea, faauta, e aumai ai e le Alii i o ^alatou luga vai o le vaitafe, e malolosi ma tele, o le tupu lava lea o Asuria ma lona mamalu uma; ma o le a sau o ia i luga o ona alavai uma, ma tafe a’e i luga o ona auvai uma.

8 Ma o le a ui atu o ^aia ia Iuta; o le a lofia o ia ma oso i luga, seia tau lava o ia i le ūa; ma o le fālō atu o ona apaau o le a faatumulia ai le lautele o lou laueleele, E, ^eEmanuelu e.

9 ^aIa faatasitasi outou lava, E, outou tagata e, ma o le a nutipalaina lava outou; ma ua’i mai taliga o outou uma o i atunuu mamao; fusifusi ia te outou lava, ma o le a nutipalaina lava outou; fusifusi ia te outou lava, ma o le a nutipalaina lava outou.

10 Taupulepule faatasi, ae o le a fai ma meanoa; fai atu le upu, ae o le a lē taunuu; ^aona ua faatasi le Atua ma i matou.

11 Ona sa faapea ona fetalai mai o le Alii ia te a’u ma le aao malosi, ma faatonu mai ia te a’u e lē tatau ona ou savali i le ala o lenei nuu, ua fetalai mai:

12 Aua tou te fai atu, O se ^aso’ofaatasi, ia i latou uma o le a fai atu i ai i lenei nuu, O se so’ofaatasi; pe tou te fefefe i lo latou fefefe, pe tou te matata’u.

13 Ia outou faapaia le Alii o ’Au lava ia, ma ^aavea o ia ma lē tou te fefefe i ai, ma fai o ia ma lē tou te matata’u i ai.

14 Ma o le a avea o ia ma ^amalu; ae mo se ^emaa tu’ia, ma se papa faatausuai i aiga uma e lua o Isaraelu, ma mo se mailei ma se matasele i e e nonofo i Ierusalema.

15 Ma e toatele e i totonu o i latou o le a ^atautevateva ma pa’u’ū, ma tu’imomomoina, ma maileia, ma avea.

16 Fusi le molimau, faamau le ^atulafono i totonu o o’u soo.

17 Ma o le a ou faatalitali i le Alii, o lē ua ia ^anatia ona fofoga mai le aiga o Iakopo, ma o le a ou vaavaai mo ia.

18 Faauta, o a’u ma le fanau ua foaiina mai e le Alii ia te a’u ua fai ma ^afaailoga ma mea e ofo ai i Isaraelu mai le Alii o ’Au, o lē ua afio i le Mauga o Siona.

19 Ma a latou fai mai ia te outou: Saili atu ia te i latou ua i ai ^aaitu vavalo, ma ^etaulaitu o e e tilotilo ma memumemu—pe lē ⁱtatau ea i se nuu ona saili atu i lo latou Atua mo e o ola ia faalogo ^omai e ua oti?

20 I le tulafono ma le molimau; ma afai ^alatou te lē tautatala e tusa ma lenei upu, ua latou lē tautatala faapea ona ua leai se malamalama ua ia te i latou.

21 Ma o le a ^alatou ui atu ai i puapuaga faigata ma le matelaina; ma o le a oo mai foi afai latou te fia aai, o le a latou faapopole i latou lava, ma fetuu lo latou tupu ma lo latou Atua, ma vaai i lugā.

22 Ma o le a latou vaai atu i le lalolagi ma vaai i faalavelave, ma le pogisa, le nenefu o le atuatuvale, ma o le a tutuliina atu i le pouliuli.