1 O le afioga na ^avaaia e ^eIsaia, le atalii o Amota, e uiga ia Iuta ma Ierusalema.

2 Ma o le a oo mai i aso e gata ai, pe a faatuina le ^amauga o le ^efale o le Alii i le tumutumu o ⁱatu mauga, ma o le a faaeaina i luga o maupu’epu’e, ma o le a gasolo ane i ai atunuu uma.

3 Ma e toatele tagata o le a o atu ma fai atu, o mai ia, ma sei tatou o a’e i luga i le mauga o le Alii, i le fale o le Atua o Iakopo; ma o le a ia aoao mai ia te i tatou e uiga i ona ala, ma o le a tatou ^asavavali i ona ala; ona e alu atu le ^etulafono mai Siona, ma le afioga a le Alii mai Ierusalema.

4 Ma o le a ^afaamasino o ia i totonu o atunuu, ma a’oa’i tagata e toatele: ma o le a latou tu’i a latou pelu e fai ma suotosina, ma a latou tao e fai ma polo-teuvine—e lē toe siia le pelu a le tasi atunuu e faasaga i le isi atunuu, pe latou te toe aoao foi i taua.

5 E, le aiga e o Iakopo, ia outou o mai ia ma sei tatou savavali i le malamalama o le Alii; ioe, o mai ia, ona ua outou ^ase ese uma, outou uma taitoatasi i ona lava ala amioleaga.

6 O le mea lea, le Alii e, ua e tuulafoaiina ai lou nuu, le aiga o Iakopo, ona ^aua faatumuina i latou i tu a tagata mai sasae, ma faalogo i faataulaitu e pei o ^eFilisitia, ma ua latou ⁱfaafiafia ia te i latou i fanau a tagata ese.

7 Ua tumu foi lo latou laueleele i le ario ma le auro, pe i ai foi se mutaaga o a latou oloa; ua tumu foi lo latou laueleele i solofanua, pe i ai foi se mutaaga o a latou kariota.

8 Ua tumu foi lo latou laueleele i ^atupua; ua latou tapuai i galuega a o latou lava lima, o mea na faia e o latou lava tamatamailima.

9 Ma ua lē ifo faamaua^alalo le tagata maulalo, ma ua lē faamaualalo e le tagata maualuga o ia lava, o lea, ua le faamagaloina ai o ia.

10 E, outou e amioleaga, ulu atu ia i totonu o le papa, ma e ^alafi ai i le efuefu, ona o le a taia oe i le mata’u i le Alii ma le mamalu o lona silisiliese.

11 Ma o le a oo mai foi o le vaai maualuga a tagata o le a faamaualaloina, ma o le faasausili o tagata o le a faaifo i lalo, ma ua nao le Alii lava o le a faaeaina i lena aso.

12 Ona ua lata ona oo mai o le ^aaso o le Alii o ’Au i luga o atunuu uma, ioe, i luga o tagata taitoatasi uma; ioe, i luga o e ua ^efemitai ma faamaualuluga, ma i luga o tagata uma taitoatasi o e ua faafefeteina, ma o le a aveina ifo maualalo o ia.

13 Ioe, ma o le a oo mai le aso o le Alii i luga o arasi uma o Lepanona, ona ua uumi ma maualuluga; ma i luga o aluna uma o Vasana;

14 Ma i luga o mauga maualuluga uma, ma luga o maupuepue uma, ma i luga o atunuu uma ua faafefeteina, ma luga o tagata uma;

15 Ma i luga o olo maualuluga uma, ma luga o pa puipuia uma;

16 Ma i luga o vaa uma o le ^asami, ma luga o vaa uma o Tasesa, ma luga o māta’iga matagofie uma.

17 Ma o le faamaualuga o le tagata o le a faiifo i lalo, ma o le faasausili o tagata o le a faamaualaloina; ma ua nao le Alii lava o le a faaeaina i ^alena aso.

18 Ma o le a matuā soloia lava e ia tupua.

19 Ma o le a latou o atu i totonu o lua o papa, ma totonu o ana o le eleele, ona o le a oo mai i o latou luga le mata’u i le Alii ma o le a taia i latou i le mamalu o lana afioga, pe a tulai o ia e lūlū teleina le lalolagi.

20 I lena aso o le a ^alafoai ai e le tagata ana tupua ario, ma ana tupua auro, na faia e ia mo ia lava e tapuai i ai, i afora ma pe’a;

21 Ina ia o atu i totonu o mavaevae o papa, ma i tumutumu o papa vanuvanu, ona o le a oo mai i o latou luga le mata’u i le Alii, ma o le a taia i latou i le silisiliese o lona mamalu; pe a tulai o ia e galulu teleina le lalolagi.

22 Ia outou ^aliliu ese ia mai le tagata, o lē o lana mānava ua i ona pogaiisu; aua o le a ea se lelei o le a faitauina ai o ia?