Sopun 22
Non ewe ranin menenium aramas meinisin repwe mwareiti ewe Samon—I epwe nonnom neir—Anonno ngeni Isaiah 12. Arap ngeni 559–545 Ier Mwen Kraist.
1 Iwe non ena ran kopwe apasa: O Samon, upwe mwareituk; inamo ika ka song rei om song a kunnuno, iwe ka ekinamweiei.
2 Nengeni, Kot i ai chon amanau; upwe apinukunuk, iwe usap nuokus; pun ewe Samon Siowa i ai pochokun me ai kon; i a pwan winiti ai chon amanau.
3 Iei minne, ren pwapwa upwe ififiu konik seni ekkewe puachetan konikin amanau.
4 Iwe non ena ran ami oupwe apasa: Mwareiti ewe Samon, kokkori itan, affatano an kewe foffor me nein ekkewe aramas, oupwe pwarano pwe itan mi tekia.
5 Kön ngeni ewe Samon; pun i a fen fori mettoch mi echipwer; ei a fateno non unusen ewe fonufan.
6 Puchoreu me apwas, ami aramasen Zion; pun mi napanap ewe Emon mi Fel re Israel mi nom me neimi.