1 Tan dia ed saman ya agew, pitora a bibii so mambemben ed sakey a laki, a kuan da: Mañgan kami na dili a tinapay mi, tan mansulong kami na dili a kawes mi; salambeñgat abuloyan mo a natawag kami ed ñgaran mo pian naekal so kababaiñgan mi.

2 Dia ed saman ya agew say sañga na Katawan manmaliw a marakep tan magloria; say buñga na dalin so sankaabigan tan makaay ayat ed saraman so tinmaynan ed Israel.

3 Tan nagawa, saraman so nakdaan ed Sion tan nansiansia ed Jerusalem so natawag a masanto, balang sakey ed saray nisulat ed limog na saray mabilay ed Jerusalem—

4 Sano say Katawan naorasan to la so dumsis na saray bibii ya anak na Sion, tan apespes to la so dala na Jerusalem manlapu ed pegley da ed panamegley na espiritu na panañgokom tan dia ed panamegley na espiritu na kapoolan.

5 Tan say Katawan palsaen to ed balang sakey a pasen a panagayaman ed palandey na Sion, tan dia ed saray tipon to, so sakey a lurem tan asewek ed agew tan sinag na mandarlang ya apoy ed labi; tan dia ed amin a gloria na Sion so onkana a salimbeng.

6 Tan wala so sakey a tabernaculo a manirom no agew manlapu ed petang na panaon, tan onkana a pasen a salimbeñgan, tan sakey a sanib ed bagyo tan uran.