1 Nefi

Ebʼ li loqʼlaj hu

Lix Hu laj Mormon

Li wan chi saʼ
Xtikib’ankil ut Eb’ laj Yehol Nawom
1 Nefi
2 Nefi
Jakob
Enos
Jarom
Omni
Raatin laj Mormon
Mosiah
Alma
Helaman
3 Nefi
4 Nefi
Mormon
Eter
Moroni
Li ajlank sa’ lix Hu laj Mormon

1 Nefi

Ch’ol 1
Laj Nefi naxtikib’ xtz’iib’ankil resil lix tenamit—Laj Lehi naril sa’ k’utb’esinb’il matk’ jun xaqal li xam ut naril xsa’ jun li hu wan wi’ profeetil aatin—Naxnima ru li Dios, naxye chirub’eetal resil lix k’ulunik li Mesias, ut naxch’olob’ jo’ profeet lix sachlijik Jerusalen—Narahob’tesiik xb’aaneb’ laj Judio. Wan na 600 chihab’ ma nayo’la li Kristo.
Ch’ol 2
Laj Lehi naxk’am lix junkab’al chiru yamyookil ch’och’ chixk’atq li Kaqi Palaw—Neke’xkanab’ li k’a’aq re ru wan reheb’—Laj Lehi naxq’axtesi jun li mayej chiru li Qaawa’ ut naxk’ut chiruheb’ li ralal naq te’xpaab’ li taqlahom—Laj Laman ut laj Lemuel neke’xwech’i rix lix yuwa’—Laj Nefi na’ab’in chiru, ut natijok chi wan xpaab’aal; li Qaawa’ na’aatinak rik’in, ut nasik’e’ ru re taqlank sa’ xb’eeneb’ li ras. Wan na 600 chihab’ ma nayo’la li Kristo.
Ch’ol 3
Eb’ li ralal laj Lehi neke’sutq’i Jerusalen re xtawb’aleb’ li perel ch’iich’ bronce—Laj Laban ink’a’ naxk’eheb’ li perel ch’iich’ reheb’—Laj Nefi na’elajink chiruheb’ ut naxk’e xch’ooleb’ li ras—Laj Laban narelq’a li k’a’ru reheb’ ut naraj xkamsinkileb’—Laj Laman ut laj Lemuel neke’xsak’ laj Nefi ut laj Sam, ut neke’q’use’ xb’aan jun li anjel. Wan na 600–592 chihab’ ma nayo’la li Kristo.
Ch’ol 4
Laj Nefi naxkamsi laj Laban xb’aan xtaql li Qaawa’, toja’ naq naxk’uleb’ li perel ch’iich’ bronce rik’in k’oxlanb’il na’leb’—Laj Tzoram naxsik’ ru xjunajinkil rib’ rik’in lix junkab’al laj Lehi sa’ li yamyookil ch’och’. Wan na 600–592 chihab’ ma nayo’la li Kristo.
Ch’ol 5
Li xSariah naxwech’ rix laj Lehi—Xkab’ichal neke’saho’ sa’ xch’ool rik’in xsutq’ijik li ralaleb’—Neke’q’axtesin mayej—Chiruheb’ li perel ch’iich’ bronce wan junjunq lix tz’iib’ahom laj Moises ut eb’ li profeet—Chiruheb’ li perel ch’iich’ natawman naq laj Lehi ralal xk’ajol laj Jose—Laj Lehi na’aatinak jo’ profeet chirix li riyajil, ut chirix naq te’k’uulamanq li perel ch’iich’. Wan na 600–592 chihab’ ma nayo’la li Kristo.
Ch’ol 6
Laj Nefi natz’iib’ak chirix li k’a’ru re li Dios—Li rajom laj Nefi, a’an xq’unb’esinkileb’ xch’ool li winq re te’chalq rik’in lix Dios laj Abraham ut te’kole’q. Wan na 600–592 chihab’ ma nayo’la li Kristo.
Ch’ol 7
Eb’ li ralal laj Lehi neke’sutq’i Jerusalen ut neke’xboq laj Ismael ut lix junkab’al re naq te’okenq sa’ lix xikikeb’—Laj Laman naxpo’resi xch’ool, rochb’een junjunq chik—Laj Nefi na’elajink chiruheb’ li ras naq te’xpaab’ li Qaawa’—Neke’xb’ak’ rik’in k’aam ut neke’xk’uub’ xna’leb’ re xsachb’al—Na’ach’ab’aak xb’aan xwankilal li paab’aal—Eb’ li ras neke’xpatz’ xkuyb’al lix maak—Laj Lehi ut eb’ li yookeb’ chirix neke’xq’axtesi li mayej ut li k’atb’il mayej. Wan na 600–592 chihab’ ma nayo’la li Kristo.
Ch’ol 8
Laj Lehi naril jun k’utb’esinb’il matk’ chirix li che’ re li yu’am—Naxk’ux ru li che’ ut naraj naq eb’ lix junkab’al te’xb’aanu ajwi’—Naril jun li b’arb’ookil ch’iich’, jun li b’e laatz’ ut ka’ch’in ru, ut li q’ojyinal choql li namutz’ob’resink reheb’ li winq—Li xSariah, laj Nefi, ut laj Sam neke’xyal li ru li che’, a’b’an laj Laman ut laj Lemuel ink’a’ neke’raj xb’aanunkil. Wan na 600–592 chihab’ ma nayo’la li Kristo.
Ch’ol 9
Laj Nefi naxtz’iib’a wiib’ paay chi esil—Li junjunq kik’eeman choq’ xk’ab’a’ eb’ lix perel ch’iich’ laj Nefi—Sa’eb’ li perel ch’iich’ li ninq ru wan resil li tenamit; li kok’ ru ka’ajwi’ na’aatinak chirix li k’a’aq re ru wan xloq’al. Wan na 600–592 chihab’ ma nayo’la li Kristo.
Ch’ol 10
Laj Lehi naxye naq te’k’ame’q laj Judio chi preexil xb’aaneb’ laj Babilonia—Naxye naq taak’ulunq jun li Mesias sa’ xyanqeb’ laj Judio, aj Kolonel ut aj Tojol-ix—Naxye ajwi’ naq taak’ulunq li taakub’sinq xha’ lix Karneer li Dios—Laj Lehi naxye resil lix kamik ut lix waklijik chi yo’yo li Mesias—Naxjuntaq’eeta lix jek’inkil ut lix ch’utub’ankil laj Israel rik’in jun xtoonal li che’ olivo—Laj Nefi na’aatinak chirix li Ralal li Dios, chirix li maatan re li Santil Musiq’ej, ut chirix naq aajel ru li tiikilal. Wan na 600–592 chihab’ ma nayo’la li Kristo.
Ch’ol 11
Laj Nefi naril lix Musiq’ li Qaawa’, ut nak’ute’ chiru sa’ k’utb’esinb’il matk’ li che’ re li yu’am—Naril lix na’ li Ralal li Dios, ut naxtzol li naxkub’si rib’ li Dios chixb’aanunkil—Naril lix kub’ik xha’, lix k’anjel, ut lix kamik lix Karneer li Dios chiru krus—Naril ajwi’ lix b’oqb’aleb’ ut lix k’anjeleb’ li kab’laju chi apostol re li Karneer. Wan na 600–592 chihab’ ma nayo’la li Kristo.
Ch’ol 12
Laj Nefi naril sa’ k’utb’esinb’il matk’ li ch’och’ li yeechi’inb’il; lix tiikilaleb’, lix maa’usilaleb’, ut lix t’anikeb’ li wankeb’ chi sa’; lix k’ulunik lix Karneer li Dios sa’ xyanqeb’; chan ru naq eb’ li Kab’laju chi Tzolom ut li Kab’laju chi Apostol te’xraq aatin chirix Israel; ut lix yib’eetalileb’ ut xtz’ajnileb’ li te’lajq chi maak’a’aqeb’ xpaab’aal. Wan na 600–592 chihab’ ma nayo’la li Kristo.
Ch’ol 13
Laj Nefi naril sa’ k’utb’esinb’il matk’ lix iglees laj tza k’uub’anb’il sa’ xyanqeb’ laj Gentil, naq taatawmanq li ch’och’ America ut te’tamq li tenamit aran, naq taasachq naab’al raqal li saqen ru ut loq’ sa’ li Santil hu, li q’etok paab’ank sa’ xyanqeb’ laj Gentil li taa’uxq xb’aan a’an, naq taak’ojob’aaq wi’chik li evangelio, naq taak’utmanq li loq’laj hu sa’ roso’jik li kutan, ut naq taawaklesiiq Sion. Wan na 600–592 chihab’ ma nayo’la li Kristo.
Ch’ol 14
Jun li anjel naxye re laj Nefi resil li osob’tesink ut li majewank li taat’ane’q sa’ xb’eeneb’ laj Gentil—Wiib’ ajwi’ li iglees wan: lix Iglees lix Karneer li Dios ut lix iglees laj tza—Eb’ laj santil paab’anel re li Dios sa’ chixjunileb’ li tenamit rahob’tesinb’ileb’ xb’aan li nimla tz’eqb’eetal iglees—li Apostol aj Jwan taatz’iib’aq chirix li roso’jik li ruchich’och’. Wan na 600–592 chihab’ ma nayo’la li Kristo.
Ch’ol 15
Eb’ li riyajil laj Lehi te’xk’ul li evangelio rik’ineb’ laj Gentil sa’ roso’jik li kutan—Lix ch’utub’ankil lix junkab’al laj Israel kijuntaq’eetaak rik’in jun xtoonal li che’ olivo li te’letze’q wi’chik lix tz’aqal uq’—Laj Nefi naxk’ut xyaalalil li k’utb’esinb’il matk’ chirix li che’ re li yu’am, ut na’aatinak chirix lix tiik ruhil na’leb’ li Dios sa’ xjachb’aleb’ ru laj maak rik’ineb’ li tiikeb’ xch’ool. Wan na 600–592 chihab’ ma nayo’la li Kristo.
Ch’ol 16
Eb’ laj maak ch’a’aj neke’ril li yaal—Eb’ li ralal laj Lehi neke’sumla rik’ineb’ lix rab’in laj Ismael—Li Liahona naxk’am lix b’eheb’ sa’ li yamyookil ch’och’—Yalaq jo’q’e tz’iib’anb’il chiru li Liahona li na’leb’ k’eeb’il xb’aan li Qaawa’—Nakam laj Ismael; neke’wech’ink lix junkab’al sa’ xk’ab’a’ li ch’a’ajkilal. Wan na 600–592 chihab’ ma nayo’la li Kristo.
Ch’ol 17
Laj Nefi nataqlaak chixyiib’ankil jun li jukub’—Eb’ li ras neke’xwech’i—A’an na’elajin chiruheb’ rik’in xyeeb’al resil lix b’aanuhom li Dios rik’in Israel—Laj Nefi nanujak rik’in lix wankil li Dios—Yeeb’il reheb’ li ras naq ink’a’ te’xch’e’, re naq ink’a’ te’chaqiq chanchan li chaqi pach’aya’. Wan na 592–591 chihab’ ma nayo’la li Kristo.
Ch’ol 18
Nayaalo’ li jukub’—Yeeb’il resil lix yo’lajikeb’ laj Jakob ut laj Jose—Neke’el li komon re te’xik sa’ li yeechi’inb’il ch’och’—Eb’ li ralal laj Ismael ut li rixaqileb’ neke’oken sa’ xsahilankil xch’ool ut li po’ok ch’oolej—Nab’ak’e’ laj Nefi, ut natiikisiik li jukub’ chi q’ajel-ix xb’aan jun li xuwajel kaq-sut-iq’—Na’ach’ab’aak laj Nefi, ut rik’in xtij nach’ana li kaq-sut-iq’—Neke’wulak li tenamit sa’ li yeechi’inb’il ch’och’. Wan na 591–589 chihab’ ma nayo’la li Kristo.
Ch’ol 19
Laj Nefi naxyiib’eb’ li perel ch’iich’ rik’in pek ch’iich’ xsa’ ut naxtz’iib’a li esil chirix lix tenamit—Lix Dios laj Israel taak’ulunq waqib’ cient chihab’ chirix li relik chaq laj Lehi Jerusalen—Laj Nefi naxye resil li rahilal tixk’ul ut lix kamik chiru krus—Eb’ laj Judio xik’ te’ile’q ut te’jek’iiq toj sa’ roso’jik li kutan, naq te’sutq’iiq rik’in li Qaawa’. Wan na 588–570 chihab’ ma nayo’la li Kristo.
Ch’ol 20
Li Qaawa’ naxk’utb’esi li rajom reheb’ laj Israel—Sik’b’il chaq ru laj Israel sa’ xk’atleb’aal li tawasiik, ut taa’elq chaq Babilonia—Chi’ilmanq sa’ Isaias 48. Wan na 588–570 chihab’ ma nayo’la li Kristo.
Ch’ol 21
Li Mesias taawanq choq’ saqen chiruheb’ laj Gentil ut tixhiteb’ li preex—Eb’ laj Israel te’ch’utub’aaq rik’in wankilal sa’ roso’jikeb’ li kutan—Eb’ li rey te’wanq choq’ yuwa’b’ej aj ch’olanihom reheb’—Chi’ilmanq sa’ Isaias 49. Wan na 588–570 chihab’ ma nayo’la li Kristo.
Ch’ol 22
Israel taajek’imanq chiru chixjunil lix b’een li ruchich’och’—Eb’ laj Gentil te’xch’olani ut te’xk’iresi Israel rik’in li evangelio sa’ roso’jikeb’ li kutan—Te’ch’utub’aaq laj Israel ut te’kole’q, ut te’k’atq laj maak chanchan roq waj—Taasachmanq lix awa’b’ejihom laj tza, ut taab’ak’e’q laj Satanas. Wan na 588–570 chihab’ ma nayo’la li Kristo.