9 Capítulo
Nefi ishcai tandachishca quilcashcacunata ruran—Shuj shujlla Nefipaj jirru fangacunata shutichishca can—Shujta yali jatun jirru fangacunaca shuj yangalla historia quilcashcata charin; shujta yali uchillapi achil cuzascunatalla charin. Nara 600–592 C.Ñ.
1 Tucui cai cuzascunata ñuca taita ricurca, uyarca, parlarcapash, facha huasipi causajushpa, Lemuel pugru pambapi, ashtahuanbacha shuj jatun cuzascunatapash, maijan cai jirru fangacunapi na quilcai ushani.
2 Cunan, cai jirru fangamanda ña parlashca cani, riqui caicunaca na chai jirru fangacunallatachu maipi ñuca llactapaj tucuilla historiata tandachishpa quilcashca; chai jirru fangacunataca maipimi ñuca llactapaj tucui tandachishpa quilcashcani Nefi nishpa shutichishcani; chaimanda, chaicunaca Nefipaj jirru fangacuna nishpa shutichishca, ñucapa shutimanda; chai jirru fangacunaca Nefipaj jirru fangacuna shutichishca can.
3 Shina cajpipash, Apunchijmanda ñuca shuj mandashcata chasquishcani shuj jirru fangacunata ñuca rurachun, shuj shican munaipa ñuca llactapuracunata achil yachachishcata tandachishpa quilcashca cachun.
4 Chaishu jirru fangacunapica jatun mandajcunapaj reinadopaj shuj tandachishca quilcashca canga, ñuca llactapa macanajuicuna plituricunapash; chaimanda chai jirru fangacunaca tucuimanda yalishca can achil yachachishcacunapaj; chaishu jirru fangacunaca tucuimanda yalishca can jatun mandajcuna mandashcapaj ñuca llactapa macanajuicunapa plituricunapapash.
5 Chaimanda, Apunchijca mandahuashca cai jirru fangacunata rurachun paipa yachashca munaipa, chai munaita ñuca na yachanichu.
6 Ashtahuangari Apunchijca tucui cuzascunata callarimanda yachan; chaimanda, pai shuj ñanda charin tucui paipa rurashcacunata pactachingapa runacunapaj huahuacunamanda; riqui pai tucui ushaita charin paipaj shimicunata pactachingapa. Shinami. Shinacapashcachun.