1 Cunan ñuca, Nefi, ñuca taitacunapaj genealogíata na cuni cai tandachishca quilcashca pushtupi, nimaura na cushachu cai jirru fangacunapi maipi ñuca quilcajuni; caicuna tandachishca quilcashcapi ña cushca can caicunataca alichishca carca ñuca taitamanda; chaimanda, ñuca caipi na quilcani.

2 Caitalla nini ñucanchica Josépa cati aillucuna canchi.

3 Na minishtirishcachu ñuca gulpi tandachishpa quilcashcacunata tucui ñuca taitapaj cuzascunata cuna, cai jirru fangacunapi na quilcashca cangachu, ñuca minishtini chusha fangacuna tiachun Diospaj cuzascunata quilcangapa.

4 Ñucapa tucuilla munai can runacunata yarichina Abrahambaj Diospaman, Isaacpaj Diospaman, Jacobpaj Diospamanbash shamushpa quishpirishca cachun.

5 Chaimanda, cai pachapa alicachina cuzascunata na quilcashachu ashtahuangari Dios alicachinacunata cai pachapa na cajcunamanbash.

6 Chaimanda ñucapa cati aillucunaman shuj rurachunbacha saquishcata cugrini, cai jirru fangacunata ama quilcachun runacunapaj huahuacunapa na minishtirishcata.