1 Tan nia, agawa a say Katawan nansalita ed kinen amak, on, angan dia ed kugip, tan inkuan to ed sikato: Mapalar ka Lehi, lapu ed saray beñgatla a ginawam; tan lapu ed sika so matuor tan imbawag mo ed saray totoo so saray beñgatla ya ingangan ko ed sika, nia, pampilpilalekan da ya ekalen so bilay mo.

2 Tan agawa a say Katawan ingangan to si amak, angan dia ed kugip, ya alaen to so boleg to tan ontaynan a mamaarap ed kalawakan.

3 Tan agawa a sikato so tinmulok ed saray salita na Katawan, dia ed ontan sinumpal to so unong ed ingangan na Katawan ed sikato.

4 Tan agawa a sikato so sinmipot ya amaarap ed kalawakan. Tan tinaynanan to so abong to, tan dalin a tawir to, tan saray balitok to, tan saray pilak to, tan saray ankabli a beñgatla, tan angapo so intarok to, likud labat ed say boleg to, tan saray tagano, tan abong-abong ya abel, tan sinmipot ira ya ama-arap ed kalawakan.

5 Tan sikato so akasabi ed piketegan ya asinger ed gilig na Ambalañga a Dayat; tan sikato so nanaakar ed kalawakan ed ketegan ya asinger ed Ambalañga a Dayat; tan sikato so manakar ed kalawakan a kaiba to so boleg to, a saray miembro si inak, a Sariah, saray agagik a lalaki a pañguloan, a sikara di Laman, tan Lemuel, tan Sam.

6 Tan agawa a sanen sikato so manaakar ed loob na talora la ya agew ed kalawakan, impaalagey to so abong-abong ya abel ed patar ya asinger ed ilog na danum.

7 Tan agawa a sikato so añgipaalagey na sakey ya altar a bato, tan nangawa na bagat ed Katawan, tan añgiter na pisasalamat ed Katawan a Dios mi.

8 Tan agawa a tinawag to so saman ya ilog, a Laman, tan saya so unaagos ed Ambalañga a Dayat; tan say patar a wala ed ketegan asinger na sañgaban to nia.

9 Tan sanen si amak anengneng to so danum na ilog ya unaagos a papaway ed subol na Ambalañga a Dayat, sikato so nansalita ed si Laman, a nankuan: O manmaliw ka komon a mabiskeg a siñga saya ya ilog, andi-tonda so agos to a mamapaarap ed subol na amin ya inkamatunong!

10 Tan nansalita met ed si Lemuel: O manmaliw ka komon a miolibay ed saya a patar, malet tan ag-nagiing, tan magnayon ya ag nagalaw a mañgonor ed saray gangan na Katawan!

11 Natan sinalita to so saya makaseñgeg ed talker na teñger nen Laman tan si Lemuel; tan nia sikara so ñguroñguro ed dakel a beñgatla sumpa ed kinen ama ra, lapu ed sikato so sakey a too a makanengneng na saray payawar, tan sikara so intagar to ya ompaway ed dalin na Jerusalem, a tinaynan da so saray dalin a tawir da, tan saray balitok da, tan saray pilak da, tan saray ankabli a beñgatla, pian ompatey ira ed kalawakan. Tan saya a pamaakaran so ginawa to lapu ed say makulang-kulang a panagmotektek to ed puso to.

12 Tan onia si Laman tan si Lemuel, lapu ed sikara so sankapañguloanan, sikara so nanñguroñguro sumpa ed si ama ra. Tan sikara so nanñguroñguro lapu ed ag da kabat so pililimog na saman a Dios ya amalsa ed sikara.

13 Ni ag ira manisia a say Jerusalem saman so baleg a ciudad, so nayari a naderal unong ed salita na saray profeta. Tan sikara so kaolibay na saray Judio a wala ed Jerusalem, a nampilalekan da ya ekalen so bilay nen amak.

14 Tan agawa a si amak so nansalita ed sikara dia ed patar na Lemuel, ya awalaan na pakapanyari, lapu ed ikapno na Espiritu, anga ed saray kalamanan da so ginmiwgiw ed arapan to. Tan sikara so binilin to, ya ag da nitepel so mansalita sumpa ed sikato; dia ed ontan, sikara so inmonor unong na ingangan to ed sikara.

15 Tan si amak so nanayam ed abong-abong ya abel.

16 Tan agawa a siak, Nephi, lapu ed mapalalo a malangwer ak ni, angaman ontan lapu ed baleg so laman ko, tan ontan met baleg so pilalek ko a mikabat ed saray misterio na Dios, dia ed ontan, iniakis ko ed Katawan; tan nia dinalaw to ak, tan pinalemek to so pusok kanian manisia ak ed amin a salita ya imbaga nen amak; dia ed ontan, ag ak inmalsa sumpa ed sikato a siñga saray agagik a lalaki.

17 Tan nansalita ak ed si Sam, ya impakabat ko ed sikato so saray beñgatla ya impanengneng na Katawan ed siak ed panamegley na Masanto ya Espiritu. Tan agawa a sikato so anisia ed saray salitak.

18 Balet, nengneng yo, si Laman tan si Lemuel ag da deñgelen so saray salitak; tan lapu ed apaermen ak lapu ed awet na saray puso ra iniakis ko ed Katawan ya onkana ed sikara.

19 Tan agawa a say Katawan so nansalita ed siak, a nankuan: Mapalar ka, Nephi, lapu ed pananisiam, lapu ed inanap mo ak a siseseet, ed mapaabeba a pusom.

20 Tan sano pagnayonen mo ya onoren so saray gangan ko, sika so onaliguas, tan nitunton ka ed dalin a sipan; on, angan sakey a dalin ya imparaan ko ya onkana ed sika; on, sakey a dalin ya apili-pili ed amin a dalin.

21 Tan sano pagnayonen na saray agagim so onalsa ed sika, sikara so nataksing ed arap na Katawan.

22 Tan sano pagnayonen mo ya onoren so saray gangan ko, sika so manmaliw a manañgoley tan bumabañgat ed saray agagim.

23 Tan nia, dia ed saman ya agew ya onalsa ra sumpa ed siak, ayewen ko ra na angan ansakit ya ayew, tan angapo so pakapanyari ra ed saray boleg mo likud no sikara met so onalsa sumpa ed siak.

24 Tan no sikara so onalsa sumpa ed siak, sikara so manmaliw a salot ed saray boleg mo, a sikara so kewkewen da ed saray dalan na pakanodnunotan.