1. E tupu akera toku inangaro kia kite i te au mea ta toku metua i akara, te noo ra au e te akamanakonako ra i roto i toku ngakau, ma te irinaki oki e, ka rauka i te Atu kia akakite mai i te reira kiaku; i na, kua rave keia atura au e te Vaerua o te Atu ki tetai maunga teitei, kare au i kite ana, kare katoa toku vaevae i takai ana ki runga i reira.

2. E kua tuatua maira te Vaerua kiaku e, I na, eaa taau i anoano?

3. Kua tuatua atura au, kua anoano au kia kite i te au mea ta toku metua i kite.

4. E kua tuatua maira te Vaerua kiaku, kua irinaki ainei koe e, kua kite toou metua i te pu rakau tana i tuatua maira?

5. E kua karanga atura au ae, kua kite koe toku irinaki anga i te au tuatua katoa a toku metua.

6. E kia tuatua au i te reira tuatua, kua kapiki atura te Vaerua i te reo maata na ko atura, Hosana ki te Atu, te Atua teitei, e Atua oki aia ki runga i te ao katoa nei, ki runga oki i te au mea katoatoa ra; e ao toou, e Niphai, no te mea, kua irinaki koe i te Tamaiti a te Atua teitei. no reira, ka kite koe i te au mea taau i inangaro ra.

7. E i na, ka akakiteia teia au mea kia koe ei akairo; e oti akera ia koe i te kite i te rakau i ua mai i te ua ta toou metua i kai, ka kite oki koe i tetai tangata i te ekeanga mai mei te rangi mai, e ka riro koe ei kite nona; e oti akera ia koe te kite iaia ra, ka akakite ua atu koe e, ko te Tamaiti aia na te Atua.

8. E kua tuatua maira te Vaerua kiaku, Ka akara na! Akara atura au, kite akera au i tetai pu rakau; e kua aite ïa mei te pu rakau ta toku metua i kite ra; e kua manea roa atu ïa i te au mea manea katoatoa; e kua maata atu tona teatea i to te kiona pueu ra.

9. E kite akera au i taua pu rakau ra, kua tuatua atura au ki te Vaerua, kua kite au e, kua akakite mai koe i te pu rakau meitaki rava atu i te au mea katoatoa ra.

10. E kua tuatua maira aia kiaku e, Eaa toou anoano?

11. E kua tuatua atura au kiaia, kia kite au i te aiteanga o te reira. I tuatua atura oki au kiaia mei te tangata e tuatua nei; kua kite oki au e, mei te tu rai aia o te tangata nei, kareka ra, kua kite katoa oki au e, ko te Vaerua ïa o te Atu, e kua tuatua maira aia kiaku mei tetai tangata e tuatua ki tetai.

12. E kua tuatua maira aia kiaku, Ka akara na! Akara atura au mei te mea kia akara kiaia, kare ra au i kite atu iaia; no tei aere ke aia mei mua atu i toku aroaro.

13. E akara akera au, kite atura au i te oire maata ko Ierusalema, e tetai atu au oire oki, e kua kite atura au i te oire ko Nazareta; e i roto i te oire ko Nazareta, i kite ana au i tetai paretenia, e e tu manea roa atu tona e te teatea oki.

14. E kua kite akera au i te rangi i te veveteangaia; e kua eke maira tetai angela, tu akera ki mua i toku aroaro; e kua tuatua maira aia kiaku, E Niphai e, Eaa taau e akara ana?

15. E kua tuatua atura au kiaia, Te kite nei au i tetai paretenia manea e e te purotu oki i te au paretenia katoatoa ra.

16. E kua tuatua maira aia kiaku, Kua kite ainei koe i te aroa o te Atua?

17. Kua tuatua atura au kiaia, kua kite au e, te aroa nei aia i tana au tamariki, kareka ra, kare au i kite i te aiteanga o te au mea katoatoa.

18. E kua tuatua maira aia kiaku e, I na, te paretenia taau e kite nei, ko te metua vaine ïa o te Tamaiti a te Atua, i te kopapa nei.

19. E kua kite atura au e, kua rave keia atura aia e te Vaerua. E i muri ake tetai tuatau poto i tona riro anga atu i te Vaerua, kua tuatua maira te angela kiaku, na ko maira, Ka akara na!

20. E kua akara atura au e kua kite atura i taua paretenia ra i te apai anga mai i tetai tamaiti i roto i tona rima.

21. E kua tuatua maira te angela kiaku, I na, te Punua Mamoe a te Atua, koia oki, te Tamaiti a te Metua Mutu kore ra. Kua kite ainei koe i te aiteanga o te pu rakau ta toou metua i akara ra?

22. E kua pau atura au kiaia i te na ko anga e, Ae, ko te aroa o te Atua ïa, tei totoa ki to te ao nei i roto i te ngakau o te au tamariki a te tangata nei, no reira, e mea inangaro maataia ïa i te au mea katoatoa.

23. E kua tuatua maira aia kiaku, i te na ko anga e, Koia ïa, e mea mataora rava atu ïa ki te vaerua.

24. E oti akera iaia teia au tuatua, kua karanga maira aia kiaku, Ka akara na! e kua akara atura au e kite atura i te Tamaiti a te Atua i te aereanga ki te tamariki a te tangata, e kite atura oki au i te au tangata e manganui tei akatopa ki raro i tona vaevae e akamori atu iaia.

25. E kua kite akera au i taua auri ra ta toku metua i kite, ko te tuatua ïa a te Atua, tei tae atu ki te puipuianga o te vai ora koia oki ki te pu rakau o te ora; ko taua vai ra, ko te akatauanga ïa o te aroa o te Atua; e kua kite oki au e, te pu rakau o te ora, ko te akatauanga oki ïa o te aroa o te Atua.

26. E kua tuatua akaou maira te angela kiaku, Ka akara na! kia kite i te aroa o te Atua.

27. E kua akara atura au e kite atura i te Akaora o te ao nei ta toku metua i tuatua ra; e kua kite atura oki au i tetai peroveta ko tei akamaka i te mataara na mua iaia. E kua aere atura te Punua Mamoe a te Atua e kua bapetizoia e ïa; e oti akera aia i te bapetizoia, kite atura au i te veveteanga o te rangi e kua eke maira te Vaerua Tapu mei te rangi mai e kua noo ki rungao iaia mei te tu o te kukupa.

28. E kite atura au e, kua aere atura aia ki te apii i te tangata ma te mana e te kaka maata; e kua akaputuputu maira te urupu tangata kia akarongo iaia; e kua kite au e, kua tuaru atu ratou iaia ki vao mei rotopu ia ratou ra.

29. E kua kite katoa oki au i nga tangata tino ngauru ma rua i te aru anga iaia. E kua rave keia atu ratou i te Vaerua mei mua atu i toku mata, e kare atura au i kite akaou ia ratou.

30. E kua tuatua akaou maira te angela kiaku, na ko maira, Ka akara na! E kua akara atura au e kua kite i te vevete akaouanga o te rangi, e kua kite au i te au angela i te ekeanga mai ki rungao i te tamariki a te tangata e kua matuapuru atu ia ratou.

31. E kua tuatua akaou maira aia kiaku na ko maira, Ka akara na! E kua akara atura au e kua kite atura au i te Punua Mamoe a te Atua i te aere anga atu i rotopu i te tamariki a te tangata, e kite atura au i te au tangata maki e manganui tei tu ia e te au tu maki katoatoa, e tei uruia e te au tiaporo e te au vaerua viivii, e kua tuatua maira te angela, e kua akakite mai i teia au mea katoatoa kiaku. E kua ora maira ratou i te mana o te Punua Mamoe o te Atua ra; e kua tuaruia atura te au tiaporo e te au vaerua viivii ra.

32. E kua tuatua akaou maira te angela kiaku, na ko maira, Ka akara na! E kua akara atura au e kua kite atura i te Punua Mamoe a te Atua, e kua apainaia aia e te tangata, e i na, kua akava to te ao nei i te Tamaiti a te Atua mutu kore ra. E kua kite au, e te akakite nei au i te reira.

33. E kua kite atura au, ko Niphai, e kua takinaia aia ki runga i te satauro, e taia iora no te au ara a to te ao nei.

34. E oti akera aia i te taiaia, kua kite atura au i te au tangata o te ao nei, e kua putuputu maira ratou kia tamaki ki te au aposetolo a te Punua Mamoe e kua pera oki te angela a te Atu i te kapikianga i te ingoa o te tino ngauru ma rua.

35. E kua akaputuputuia maira te urupu maata o te ao nei, e kua kite atura au e, tei roto ratou i tetai are maata e te aano, mei te are ta toku metua i kite ra. E kua tuatua akaou maira te angela a te Atu kiaku, na ko maira, e akara ki ko i to te ao, e to ratou uaorai pakari, i na, kua putuputu maira te ngutuare o Iseraela e tamaki i te au aposetolo tino ngauru ma rua a te Punua Mamoe ra.

36. E kua akara atura au e te akakite nei au e, ko taua are maata e te aano ra, ko te ngakau parau o to te ao nei; e kua inga iora te reira, e e mea rikarika maata ïa; e kua tuatua akaou maira te angela a te Atu kiaku, na ko maira ka akapera te takoreanga i te au enua katoatoa, e te au kopu, e te au reo, e te au iti tangata ko tei tamaki ki te tino ngauru ma rua aposetolo a te Punua Mamoe ra.