2. Hil Sinae (Horeb) mo Draeples ia long Sinae
I gat plante ples we oli talem se Hil Sinae i stap long hem. Wan long ol ples we oltaem oli putum se i Hil Sinae i Jebel Musa (Hil blong Moses), we foto blong hem i stap ia.
Ol Impoten Samting we oli bin Hapen: God i bin kamaot long Moses mo i bin givim hem Ol Ten Komanmen (Eks 19–20). Moses, Eron, tu long ol boe blong Eron, mo 70 elda, oli bin luk mo toktok wetem God (Eks 24:9–12). God i bin givim long Moses ol instraksen blong bildim wan tabenakol (Eks 25–28; 30–31). Ol Man Isrel oli bin stap wosipim wan buluk we oli wokem long gol, mo oli winim tingting blong Eron nao blong mekem buluk ia (Eks 32:1–8). Elaeja i ronwe, i aot long Vale blong Jisrehel, we Kwin Jesebel i bin stap long hem, mo i kam long graon ia (1 King 19:1–18). Ples ia i ples tu we Elaeja i bin toktok wetem God (1 King 19:8–19). (Luk long GS Sinae, Hil blong.)