18. Dotan long Sameria

Pikja

foto 18

Long Dotan, i gat ol smol hil mo ol vale. Hem i wan gudfala ples blong mekem garen. Taem Ol Man Isrel oli kam stap long graon ia, pat ia oli givim i go long Manase.

Ol Impoten Samting we oli bin Hapen: Long Dotan Vale nao oli bin salem Josef i go long Ijip (Jen 37:12–28). Obadaea i bin sevem wan handred profet taem hem i haedem olgeta long ol hol blong ston taem Jesebel i bin traem blong kilimded ol profet blong Isrel (1 King 18:13). Ami blong Siria i bin raonem Elisa mo wokman blong hem, we Lod i bin sevem tru long wan merikel (2 King 6:13–23).