19. Sisaria mo Levelples ia Saron i go kasem Kamel
Lukluk i go long Not krosem wof blong bifo blong Sisaria mo Levelples ia Saron. Mo tu, yumi save luk folem top blong foto ia, hil Kamel.
Ol Impoten Samting we oli bin Hapen: Elaeja i fesem ol giaman profet blong Bal long Hil Kamel (1 King 18). Rod ia, Via Maris (Rod blong Solwota), i bin wan impoten rod long taem bifo, mo i stap long Is blong Sisaria. Afta long wan bigfala visen we hem i bin luk taem hem i bin stap long Jopa, Pita i statem seves long medel blong Ol Jentael taem hem i tijim wan Kapten blong Rom, we nem blong hem Konilias, long Sisaria (Wok 10). Filip i bin prij mo i bin stap long ples ia, mo i bin gat fo gel we oli bin stap talem profesi (Wok 8:40; 21:8–9). Pol i bin wan prisena long siti ia blong 2 yia (Wok 23–26). Hem i bin prij long Filiks, Festas, mo Herod Agripa Ⅱ we i talem, “?Yu yu ting se long smoltaem ya nomo, bambae yu pulum mi mi kam Kristin man?” (Wok 26:28).