14. Garen blong Gref blong Jisas

Pikja

foto 14

Maet i ples blong garen blong gref blong Josef blong Aramatia. Sam long ol profet blong tedei oli filim se bodi blong Sevya i bin silip long hol blong ston we i stap long foto ia.

Ol Impoten Samting we oli bin Hapen: Afta se Sevya i bin ded long kros, oli putum bodi blong Hem long wan niufala hol blong ston we oli katemaot insaed long ston (Mat 27:57–60). Long nambatri dei, plante woman oli bin go long gref mo oli faenem se bodi blong Sevya oli no bin stap long ples ia (Mat 28:1; Jon 20:1–2). Ol Aposol Pita mo Jon tu, tufala i bin go long gref mo luk se bodi blong Sevya i nomo bin stap (Jon 20:2–9). Sevya we i laef bakegen long ded i kamaot long Meri Magdala (Jon 20:11–18).