15. Jeriko
Na itaba oqo e vakaraitaka na veika e tubu e Jeriko ena gauna oqo. E liu a dua na koro vakabai ena bucabuca ni Uciwai na Joritani, ka 252 na mita ena ruku ni yalayala ni waitui. Oqo e dua na vanua bulabula ni teitei ka ra vuavuai vinaka kina na niu kei na loga ni moli. E muri na vanua a dau tu kina na Ulunivanua ni Veitemaki (Maci. 4:1–11).
Na Ka e Yaco: E voleka ki na vanua oqo, na vanua era a kosova kina na Uciwai na Joritani ki na vanua yalataki ko Josua kei ira na kawa i Isireli (Josu. 2:1–3; 3:14–16). A vakavuna na Turaga ena cakamana me kasauru na lalaga ni ra sa vakanadaku na Isireli (Josu. 6; raica talega Ipe. 11:30). A biuta koto ko Josua e dua na vosamuri me baleta na koro (Josu. 6:26), ka a qai vakayacori (1 Tui 16:34). Sa vakavinakataka na wai e Jeriko ko Ilaisa (2 Tui 2:18–22). A lako sivita na vanua oqo na iVakabula ena Nona ilakolako ki Jerusalemi, e vakabula na mataboko ko Patimeo ka tiko voli kei Sakiusa, na dau kumuna na ivakacavacava (Mari. 10:46–52; Luke 18:35–43; 19:1–10). A talanoataki ena italanoa vakaibalebale ni Kai Samaria dauloloma na gaunisala mai Jeriko ki Jerusalemi (Luke 10:30–37). (Raica na DV Jeriko.)