1. Uciwai na Nile kei Ijipita
Era tubu na kau ena bati ni Uciwai na Nile. Ena dua na vanua vaqo, a vunitaka kina o tinai Mosese na luvena tagane dramidrami. Ka tu yani e muri na veivanua dravusiga ka robota tu na iwase levu kei Ijipita.
Na Ka e Yaco: A raica ena imatai ni gauna na vanua ko Ijipitosi (Epa. 1:23–25). A lako ki Ijipita ko Eparaama (iVakate. 12:10–20; Epa. 2:21–25). A volitaki ki Ijipita ko Josefa, yaco me iliuliu, ka vakabulai iratou na nona matavuvale mai na dausiga (iVakate. 37; 39–46). Era a vakaitikotiko ga na kawa i Jekope mai Ijipita (iVakate. 47; L.Y 1; 12:40). A raici Mosese na gonelailai e uciwai na luvei Fero yalewa ka qai susugi koya cake (Lako Yani 2:1–10). A liutaki ira na Isireli ena nodra lako tani mai Ijipita ko Mosese (L.Y 3–14). Eratou a laki tiko vakalailai mai Ijipita ko Meri, Josefa, kei Jisu me ratou dro tani kina mai vei Eroti (Maci. 2:13–15, 19–21). Ena iotioti ni gauna, era na kila na Turaga na kai Ijipita, ka na vakalougatataki Ijipita na Turaga (Ais. 19:20–25). (Raica na DV Ijipita.)