14. iBulubulu ena Were

iVakatakilakila

itaba 14

A rawa ni tu eke na ibulubulu ena were nei Josefa na kai Aramacea. Eso na parofita ena gauna e muri oqo era vakila ni a vakadavori ena ibulubulu ka taba tu oqo na yagona na iVakabula.

Na Ka e Yaco: Ni sa mate oti ena kauveilatai na iVakabula, a qai vakotori na Yagona ena dua na ibulubulu vou ka caka ena vatu (Maci. 27:57–60). Ena ikatolu ni siga, era a lako ki na ibulubulu e vica na marama ka raica ni sa sega kina na yagona na iVakabula (Maci. 28:1; Joni 20:1–2). Erau a lako talega ki na ibulubulu na iApositolo ko Pita kei Joni ka raica ni sa yali na yagona na iVakabula (Joni 20:2–9). A qai rairai na iVakabula se qai tucake tale vei Meri na yalewa ni Makitala (Joni 20:11–18).