31. Efeso
Na icaca ni vale ni vakatasuasua ni Kirisi mai Efeso, na vanua a vunau kina na iApositolo ko Paula. Ena gauna ni Veiyalayalati Vou, a kilai levu ko Efeso ena vuravura me baleta na kena veivaletabu vakasakiti ka tara me vakananumi kina ko Taiana na kalou yalewa ni Roma. Ni sa mai rusa ena gauna oqo, ia ko Efeso a koroturaga ena dua na gauna ni yasana ko Esia e Roma ka vanua ni caka bisinisi levu. Era a rawata na matai ni siliva ena koro ko ya e dua na cakacaka vuavuai vinaka ena nodra volitaka na ivakatakarakara kei Daiana.
Na Ka e Yaco: A sikovi Efeso na iApositolo ko Paula ni voleka ni mai cava na ikarua ni nona ilakolako vakaulotu (Cakacaka 18:18–19). Ena ikatolu ni nona ilakolako a vakaitikotiko ena koro ko ya me rua na yabaki. A vakasaurarataki na nona biuta ena nodra kudru na matai ni caka siliva ni sa sega ni lako vinaka na nodra bisinisi ena nona sa vunau saqata tiko na sokalou vua na kalou yalewa lasu ko Taiana (Cakacaka 19:1, 10, 23–41; 20:1). Na vale ni vakatasuasua e Efeso sai koya na ka levu duadua era tara na kai Kirisi kei na vanua era a sota kina na ilawalawa nei Paula kei na dua na ilawalawa dauvakacaca (Cakacaka 19:29–31). A vola ko Paula e dua na ivola vei ira na lewe ni Lotu mai Efeso ena gauna a tiko kina vakavesu mai Roma. E dua vei ira na taba ni Lotu e Esia ka volai kina na ivola ni iVakatakila e tiko mai Efeso (iVakata. 1:10–11; 2:1).