2. Ulunivanua ko Saineai (Orepi) kei na Lekutu e Saineai
E vica vata na vanua e rawa ni tu kina na Ulunivanua o Saineai. E dua na vanua sa matau tu o Jepeli Musa (na Ulunivanua i Mosese), taba tu oqo.
Na Ka e Yaco: Sa rairai vei Mosese na Kalou ka solia vua na iVakaro e Tini (L.Y 19–20). Eratou sa raica ka veivosaki vata kei na Kalou ko Mosese, Eroni, kei na rua na luvei Eroni tagane, kei ira e lewe vitusagavulu na italatala qase (L.Y 24:9–12). Sa solia vei Mosese na Kalou na idusidusi ni kena tara na valecavu (L.Y 25–28; 30–31). Era sa qarava na Isireli e dua na bulumakau koula ka ra a kerei Eroni me cakava vei ira (L.Y 32:1–8). Sa dro ki na vanua oqo ko Ilaija mai na Buca ko Jesireli, na vanua sa tiko kina na Ranadi ko Jesepeli (1 Tui 19:1–18). Oqo talega na vanua sa veivosaki kina kei na Kalou ko Ilaija (1 Tui 19:8–19). (Raica na DV Ulunivanua ko Saineai.)