23. Wasawasa e Kalili kei na Ulunivanua ni Vunau
Rai vaka ki na ceva-i-ra ena tutu ki na vua-i-ra ni Wasawasa e Kalili, e koto kina e dua na drano waidroka. Na delana e lomadonu na vanua ka dau tu kina na Ulunivanua ni Vunau. O Kapenaumi ki na imawi, e sega ni tiko ena itaba. O Taiperia e tiko vaka ki na ceva ena baravi ki na ra.
Na Ka e Yaco: E levu na veiqaravi ena gauna ni Nona bula oqo na iVakabula a vakayacori ena yasayasa oqo. A kacivi iratou ka tabaki iratou eke na iApositolo Le Tinikarua (Maci. 4:18–22; 10:1–4; Marika 1:16–20; 2:13–14; 3:7, 13–19; Luke 5:1–11), vakavuvulitaka kina na iVunau mai na Ulunivanua (Maci. 5–7), ka veivakavulici ena italanoa vakaibalebale (Maci. 13:1–52; Marika 4:1–34). Oqo na cakacaka mana a cakava: a vakabula e dua na vukavuka (Maci. 8:1–4); vakaruruya e dua na cava (Maci. 8:23–27); vakasava tani mai vua e dua na cauravou e dua na ivavakoso tevoro, ka ra qai laki curu vei ira na vuaka ka ra qai cici yani ki waitui (Marika 5:1–15); vakani ira na 5,000 kei na 4,000 (Maci. 14:14–21; 15:32–38); vakaroti ira na Nona tisaipeli me ra talaca na nodra lawa, era mani rawata kina e levu na ika (Luke 5:1–6); vakabula e vuqa na tamata (Maci. 15:29–31; Mari. 3:7–12); ka rairai mai ni sa Tucaketale mai na mate me vakavulici ira na Nona tisaipeli (Mari. 14:27–28; 16:7; Joni 21:1–23). (Raica na DV Kalili.)