8. Jerusalemi
Ni rai vaka ki na vualiku ki Jerusalemi. Ena lomadonu ni iyaloyalo e tu kina e dua na valenilotu ni Musulomani ka koula na dokana ka momokiti, ka vakatokai me Dome of the Rock. Era dau sokalou na Jiu ena veigauna makawa ena valetabu ka tu eke. Na lalaga voleka ki na Dome of the Rock e vakavolivolita na koro makawa ko Jerusalemi. Ena yasa ni lalaga ki na imatau na Buca o Kitironi. Ena imatau vakayawa ena taudaku ni itaba na Ulunivanua ni Veiolive. Ki na vualiku, ni sivi yani na Dome of the Rock, e dua na vanua ka rawa ni o Kolikoca, se ko Kalivari.
Na Ka e Yaco: A dau kilai tu e liu ko Jerusalemi me ko Selemi (Same 76:2). A dau sauma na nona ikatini vei Melikiseteki ko Eparaama (iVakate. 14:18–20). A mai cabori Aisake kina ko Eparaama (iVakate. 22:2–14). A rawai Jerusalemi na Tui ko Tevita mai vei ira na Jepusaiti (2 Samu. 5:4–9). A tara e dua na valetabu na Tui ko Solomoni (1 Tui 6–7). Sa lako ko Liai ki na dua na vanua yalataki (1 Nif. 1:4; 2). A cakacaka, sorovaka na noda ivalavala ca, ka vakaturi cake tale mai na mate na iVakabula (Maci. 21–28). Me vaka sa parofisaitaka na iVakabula, a vakarusai ko Jerusalemi ni oti ga vakalailai na Nona mate (JS—M 1:3–20). Ena valuti ena iotioti ni gauna ko Jerusalemi (Isi. 38–39; Joeli 2–3; iVakata. 11; 16). Ena rairai mai ki ke na iVakabula me tiki ni iKarua ni Nona Lako Mai (Sakaraia 12–14; V&V 45:48–53). (Raica na DV Jerusalemi; Selemi.)