O le saolotoga faalelotu o se avanoa paia ia talitonu ma faatino e pei ona tatou filifilia—e faamatala i tatou lava ona ola lea i le ala e tau mai e lo tatou mafaufau—ae o le taimi lena e faaaloalo ai i aia tatau o isi (tagai MF&F 134:4). I lenei lesona, o le a iloilo ai e tamaiti aoga tala o le Tusi a Mamona lea na saili ai e tagata ma vaega e pulea le Ekalesia a le Atua ma faaleagaina aia faalelotu ma le saolotoga. O le a faamanatu ai i tamaiti aoga faapea o le saolotoga faalelotu e manaomia le puipuia ma faasaoina i le aso.
Faamanatu i tamaiti aoga faapea ae tatou te lei o mai i le lalolagi, na tatou auai i le Fono i le Lagi. Fai i tamaiti aoga e faasoa mai nisi o faamoemoega taua ma taunuuga o lenei fono. Ona faaali atu lea o le saunoaga lenei a Peresitene Ezra Taft Benson (1899–1994):
Ata
Peresitene Ezra Taft Benson
“O le mataupu autu i lena fono i le muai olaga o le: Pe tatau i le fanau a le Atua ona i ai le faitalia le faatapulaaina e filifili ai le auala e tatau ona latou mulimuli ai, e tusa lava pe lelei pe leaga, pe tatau ona faamalosia ma fosi i latou ia usiusitai? O Keriso ma i latou uma na mulimuli ia te Ia sa tutu mo le fautuaga na muamua—saolotoga e filifili ai; na tu Satani mo le fautuaga mulimuli—fai faamalosi ma fosi” (Aoaoga a Peresitene o le Ekalesia: Ezra Taft Benson [2014], 60).
“Ua faamanino mai tusitusiga paia e faapea, sa i ai se taua tele i le lagi, o se tauiviga i le mataupu faavae o le saolotoga, o le aia tatau e filifili ai” Aoaoga: Ezra Taft Benson61).
“O le taua sa amatalia i le lagi e uiga i lenei mataupu e le’i ma’ea lava. O loo faaauau pea fetauaiga i malaetau o le olaga nei” Aoaoga: Ezra Taft Benson61).
O le a le faamaoniga ua e vaaia ai le faaauau pea o le finauga i le muai olaga i le saolotoga ma le filifiliga i le olaga faitino?
Aisea e te manatu ua taumafai ai Satani e faatamaia le saolotoga?
Ao tali mai tamaiti aoga, mafaufau e faasoa atu le saunoaga lenei a Peresitene Tavita O. Makei (1873–1970):
Ata
Peresitene Tavita O. MaKei
“E pito atu i le faaeeina mai o le ola lava ia, o le aia e taitai ai lena olaga, o le meaalofa aupito sili lea a le Atua i le tagata” (Aoaoga a Peresitene o le Ekalesia: Tavita O. Makei [2003], 208).
Faamanatu i tamaiti aoga faapea mo seneturi ina ua mavae ona taunuu Liae i le laueleele folafolaina, na pulea sa Nifae e tupu. O le Tupu o Mosaea, e ui i lea, na tuuina atu se faatulagaga fou o le malo ia faatuina. Fai i tamaiti aoga e suesue le Mosaea 29:10-11, 16-18, 25-26 ma vaavaai pe aisea na fautuaina atu ai e Mosaea se faatulagaga fou o le malo.
O a mafuaaga na tuuina mai e le Tupu o Mosaea mo le manao e faia se faatulagaga fou o le malo?
Faamatala i tamaiti aoga o faatulagaga o faamasino na fetaui ma manaomia e faasaoina ai le saolotoga i le nuu o sa Nifae. O isi nuu na saili foi faapea e faatuina ma faasaoina le saolotoga, e ui lava o a latou faatulagaga o le malo atonu na ese le faiga. Fai i se tamaitiiti aoga e faitau leotele le Mosaea 29:32 ao vaavaai le vasega pe aisea na manao ai Mosaea e faasao le saolotoga a lona nuu.
Aisea na manaomia ai le faasaoina o le saolotoga o sa Nifae?
O le tiutetauave a ai le fesoasoani ia faasaoina lo tatou aia tatau ma faamanuiaga? E mafai faapefea ona faataunuuina lenei faasaoina?
Faamatala atu o le faaaogaina o le saolotoga o tagata e le tatau ona sopo atu i le mataupu faavae o le usiusitai i tulafono o le laueleele.
Valaaulia tamaiti aoga e suesue le Alema 30:7-9 ma faailoa mai se tasi o aia tatau ua faamaonia e le malo fou o sa Nifae.
E mafai ona e faamatala atu o lenei fuaitau ua faaalia ai le faasaina e le Alii o le faatauvaaina o isi e faavae i lo latou talitonuga po o le le talitonu i le Atua (tagai foi MF&F 134:4
E faapefea e le puipuia o le saolotoga faalelotu ona manuia ai le nuu?
Ina ia fesoasoani i tamaiti aoga e taliina lenei fesili, valaaulia se tamaitiiti aoga e faitau le vaega lenei:
“O le saolotoga faalelotu, po o le saolotoga o le mafaufau, e taua i le soifua maloloina o se nuu lautele. Na te faatagaina lotu ma talitonuga eseese ia manuia. O le saolotoga faalelotu e puipuia aia tatau o vaega uma ma tagata, e aofia ai le vaega e sili ona taua, pe faalelotu pe leai” (“Religious Freedom,” mormonnewsroom.org/official-statement/religious-freedom).
Ina ia fesoasoani i tamaiti aoga ia malamalama i elemene faavae o le saolotoga faalelotu, faaali atu le saunoaga lenei a Elder Robert D. Hales o le Korama a Aposetolo e Toasefululua, ma fai i se tamaitiiti aoga e faitau:
Ata
Elder Robert D. Hales
“E fa maatulimanu o le saolotoga o tapuaiga e tatau ia i tatou o le Au Paia o Aso e Gata Ai ona faalagolago i ai ma puipuia.
“Muamua o le saolotoga e talitonu ai. …
“O le maatulimanu lona lua o le saolotoga o tapuaiga o le saolotoga e faasoa atu lo tatou faatuatuaga ma talitonuga i isi. …
“O le maatulimanu lona tolu o le saolotoga o tapuaiga o le saolotoga lea e faatuina ai faalapotopotoga faalelotu, o se ekalesia, ia tapuai filemu ai faatasi ma isi. …
“O le maatulimanu lona fa o le saolotoga o tapuaiga o le saolotoga lea e ola ai i lo tatou faatuatuaga—faaaogaina saoloto o lo tatou faatuatua e le na o le fale ma le falesa ae faapea foi i nofoaga faitele” (“Faasaoina o le Faitalia, Puipuia o le Saolotoga o Tapuaiga,” Ensign po o le Liahona, Me 2015, 112).
Aotele nei maatulimanu e fa i le tusia o nei vaega i le laupapa:
Saolotoga e talitonu, faasoa, faatulaga, ma ola ai.
O le a faapefea e le faasaina o soo se tasi o le fa o nei maatulimanu ona faaalia ai avanoa mo le tuputupu ae faaleagaga?
Na faapefea ona aafia lou olaga e nei elemene o le saolotoga faalelotu?
Tofi le afa o le vasega e suesue le fuaitau muamua ao le isi afa e suesue le lona lua. Fai i tamaiti aoga e vaavaai mo faamoemoega o i latou na taufaamatau i le saolotoga faalelotu.
E tusa ai ma nei fuaitau, o a faamoemoega o Amiliki ma Amalekia?
O le a faapefea ona aafia nuu i le leai o se saolotoga faalelotu i nei tala?
Faaopoopo le tusiga matatetele lenei i mau fesootai i le laupapa:
Valaaulia tamaiti aoga e faitau fuaiupu na faaopoopo i fuaitau na latou faitauina, ma fai ia i latou e vaavaai mo mea na fai e tagata amiotonu e puipuia ai lo latou saolotoga faalelotu.
O a upumoni e mafai ona tatou aoao mai nei fuaitau e uiga i le taua o le faasaoina o le saolotoga faalelotu? (O tamaiti aoga e tatau ona faailoa mai le upumoni lenei: O lo tatou tiute le puipuia o o tatou aiga, la tatou lotu, ma lo tatou saolotoga. Pe a tatou valaau atu i le Atua ma osi feagaiga e tausi Ana poloaiga, o le a Ia faamalosia i tatou i le puipuia o a tatou aia tatau ma lotu.
Pe a lava se taimi, e mafai ona e faitau le Alema 44:1-5 ma le vasega ma talanoaina pe na faapefea e le faatuatua o sa Nifae ona faamalosia i latou agai ia Seraemina ma sa Lamana.
I le Tusi a Mamona, o le saolotoga faalelotu na masani ona faamatauina e ala i le sauaina ma taua. O faapefea e tagata ma vaega ona taufaamatau i le saolotoga faalelotu i le aso?
Pe a manaomia ia fesoasoani e tali ai lenei fesili, faitau le fuaitau lenei e uiga i le faateleina o taufaamatau o le saolotoga faalelotu i le Iunaite Setete. Faasino atu faapea ao faatatau lenei fuaitau i mataupu i totonu o le Iunaite Setete lava ia, e tele isi atunuu ua feagai foi ma nei luitau i le saolotoga faalelotu. (Manatua: Faaaoga lenei fuaitau i le na o le tuuina atu o faataitaiga pe faapefea ona suia nisi o saolotoga faalelotu. Aua le faatagaina lenei mea e avea o se talanoaga i aia tatau a faiga paaga tutusa po o isi mataupu faalemalo.)
“O luitau i le saolotoga faalelotu ua aliae mai i le tele o punaoa. O le aliae mai o le lagolagoina mo aia tatau o faiga paaga tutusa ua taufaamatau mai e faaitiitia le saolotoga faalelotu i le tele o auala. O suiga i le tausia o le soifua maloloina e mafai ona faamatauina aia tatau a i latou o e umia ni talitonuga faapitoa e uiga i le olaga o le tagata. O nei ma isi atiinae ua mafua ai ni feteenaiga ma amata ona faalavelave i faalapotopotoga faalelotu ma tagata i o latou mafaufau sao. Ua latou taufaamatau … e faatapulaa pe faapefea e faalapotopotoga taulotu ona taitaia a latou tagata faigaluega ma a latou meatotino. Ua latou aumaia le faamalosia o le faalelotu e tuufaatasia ma iunivesite, aoga ma auaunaga faaagafesootai ua tuufaatasia. … I nei ma isi foi tulaga, ua tatou vaai ai pe aisea ua faatogafiti ai ae ua faaumatia ai le saolotoga faalelotu ma le saolotoga o le mafaufau faalelotu”(“An Introduction to Religious Freedom,” mormonnewsroom.org/article/introduction-religious-freedom).
Faasino atu ua aoaoina e le Ekalesia le faia ia tutusa tagata uma. E tusa ai ma le Mataupu Faavae o le Faatuatua 1:11, e tatau ona tatou faaali atu lo tatou aia tatau o le saolotoga faalelotu i se auala tatau ma paleni lena e faaaloalogia ai aia tatau ma mea e fiafia i ai isi (tagai “Mormon Leaders Call for Laws That Protect Religious Freedom,” mormonnewsroom.org/article/church-news-conference-on-religious-freedom-and-nondiscrimination).
Valaaulia se tamaitiiti aoga e faitau leotele le faamatalaga lenei mai i le Perofeta o Iosefa Samita.
Ata
Perofeta o Iosefa Samita
“Afai ua faaalia na ou naunau ou te oti mo se ‘Mamona,’ Ou te toa e folafola atu i luma o le Lagi ua tutusa lava ma lo’u saunia ou te oti i le puipuia o aia tatau a se Peresipetiriane, o se Papatiso, po o se tagata lelei o soo se ituaiga lotu [e faapei foi o se Mamona]; mo le mataupu faavae lava e tasi lea e solia ai aia tatau a le Au Paia o Aso e Gata Ai lea foi e solia ai aia tatau a le Katoliko Roma, po o soo se isi lava ekalesia o e atonu e le ta’uta’ua pe e vaivai tele foi e puipuia i latou lava.
“O le alofa o le saolotoga lea e musuia lo’u agaga—o saolotoga faaletagata ma le faalelotu o tagata uma lava.” (Aoaoga a Peresitene o le Ekalesia: Iosefa Samita [2007], 345).
Aisea e taua ai le puipuia o le saolotoga faalelotu mo tagata uma ae le na o le Au Paia o Aso e Gata Ai? (O na puipuiga, e mafai ai e isi ona faaaoga lo latou faitalia e tusa ai ma le fuafuaga a le Atua ma siitia ai se nuu filemu ma amiotonu. Afai tatou te mananao i lo tatou talitonuga faalelotu ia puipuia ma faaaloalogia, e tatau la ona tatou puipuia ma faaaloalogia talitonuga o isi.)
O a nisi o faatinoga talafeagai e mafai ona tatou faia e faasao ai ma faamalosia le saolotoga faalelotu?
Ina ia fesoasoani e taliina lenei fesili, valaaulia se tamaitiiti aoga e faitau le saunoaga lenei a Elder Robert D. Hales leotele:
Ata
Elder Robert D. Hales
“Uso e ma tuafafine, o i tatou ua nafa ma le malupuipuia o nei saolotoga paia ma aia tatau mo i tatou lava ma a tatou fanau. O le a se mea e mafai ona e faia ma ou faia?
“Muamua, e mafai ona tatou iloa. Ia nofouta i faafitauli i lou nuu ia e ono i ai se aafiaga o le saolotoga o tapuaiga.
“Lua, i lou lava tulaga, ia aufaatasi ma isi o e tutusa lo tatou naunau i le saolotoga o tapuaiga. Galulue soosoo tauau e puipuia le saolotoga o tapuaiga.
“Tolu, ia e ola i lou olaga ia avea o se faataitaiga o mea ua e talitonu i ai—i upu ma galuega. O le ala tatou te ola ai i la tatou tapuaiga, e sili atu ona taua nai lo mea e mafai ona tatou tautatala atu ai e uiga i la tatou tapuaiga” (“Faasaoina o le Faitalia,” 112).
E faapefea ona e iloaina mataupu na e aafia ai le saolotoga faalelotu i lou alalafaga?
O a isi vaega i lau eria e tutusa a outou tautinoga i le saolotoga faalelotu?
O a mea ua e faia pe na vaaia o fai e isi e siitia ai le saolotoga faalelotu?
Tau atu i tamaiti aoga o le saolotoga faalelotu e maua punaoa i le . Uunaia tamaiti aoga e mafaufau i le mea latou te ono fai e siitia ai ma puipuia le saolotoga faalelotu, ma faasoa atu lau molimau o le a taitaia i tatou e le Tama Faalelagi ia tatou taumafaiga.