Դաս 17․ Դասի նախապատրաստական նյութ

Պատկանել Տիրոջ Եկեղեցուն

երկու տղամարդ սեղմում են միմյանց ձեռքերը

Հիսուս Քրիստոսի ծառայության հիմնական մասը Նեփիացիների և Լամանացիների մեջ Իր Եկեղեցու կազմավորումն էր: Փրկիչն ասաց, որ Եկեղեցին պետք է կոչվի Իր անունով և կառուցվի Իր ավետարանի վրա (3 Նեփի 27.7–9): Երբ նախապատրաստվում եք դասին, խորհեք այն օրհնությունների մասին, որոնք տրվում են նրանց, ովքեր միանում են Նրա Եկեղեցուն: Երբ մտածեք այդ օրհնությունների մասին, հաշվի առեք, թե ինչ կարող եք անել, որպեսզի օգնեք, որ Եկեղեցին Աստծո բոլոր զավակների համար հյուրընկալ վայր դառնա:

Բաժին 1

Ի՞նչ օրհնություններ կարող եմ ստանալ միայն Տիրոջ Եկեղեցու միջոցով

Լիառատի տաճարի մոտ Նեփիացիներին Իր այցելության ընթացքում Փրկիչը քահանայության իշխանություն տվեց Իր տասներկու աշակերտներին և լիազորեց նրանց մկրտել, տալ Սուրբ Հոգու պարգևը և ղեկավարել Իր Եկեղեցին (տես 3 Նեփի 11.18–22, 12.1, 18.5, 37): Փրկիչը նաև ուսուցանեց Նեփիացիներին, որ Աստծո արքայությունը մտնելու համար մենք պետք է ապաշխարենք, հավատանք Նրան և ստանանք փրկության և վեհացման արարողություններ, որոնք մատուցվում են միայն Իր Եկեղեցում, ինչպես օրինակ՝ մկրտությունը և հաստատումը (տես 3 Նեփի 11.32–41):

Քրիստոսը երեք Նեփիացի աշակերտների հետ, նկարը՝ ըստ Գարի Լ. Քափի

Քննարկելով Հիսուս Քրիստոսի եկեղեցու նպատակը ինչպես հին, այնպես էլ նոր ժամանակներում՝ Տասներկու Առաքյալների Քվորումից երեց Դ. Թոդ Քրիստոֆերսոնը ուսուցանել է.

Երեց Դ. Թոդ Քրիստոֆերսոն

Հնագույն նպատակը մնում է Հիսուս Քրիստոսի ավետարանի բարի լուրի քարոզումը և փրկության արարողությունների սպասավորումը, այլ կերպ ասած, մարդկանց դեպի Քրիստոսը բերելը: («Ինչո՞ւ Եկեղեցին», Ensign կամ Լիահոնա, նոյեմբեր 2015, 108)

պատկերակ, խորհել

Խորհեք դասին նախապատրաստվելիս

Ինչպե՞ս է Եկեղեցուն միանալը օգնել ձեզ գալ դեպի Քրիստոս:

Բաժին 2

Ճաշակելով հաղորդությունը, ինչպե՞ս կարող եմ օգնել ինձ Հիսուս Քրիստոսին ավելի շատ նմանվելու իմ ջանքերում

Երբ Փրկիչը եզրափակեց առաջին օրվա Իր ծառայությունը Լիառատ երկրում, Նա սպասավորեց հաղորդությունը Իր տասներկու աշակերտներին և ժողովրդին: Նա կրկնեց այդ արարողությունը հաջորդ օրը` հրաշագործ ձևով ապահովելով հաց և գինի: (Տես 3 Նեփի 18․1-9, Եթեր 20․3-8)

պատկերակ, ուսումնասիրել

Ուսումնասիրեք դասին նախապատրաստվելիս

Ուսումնասիրեք 3 Նեփի 18.3–12-ը և 3 Նեփի 20.8–9-ը և մտածեք, թե Հիսուսը ինչ ուսուցանեց հաղորդության սրբազան նպատակների մասին:

Տասներկու Առաքյալների Քվորումից երեց Դեյվիդ Ա. Բեդնարը բացատրել է, թե ինչպես է այս արարողությունը մեզ թույլ տալիս Սուրբ Հոգին ունենալ որպես մշտական ուղեկից.

Երեց Դեյվիդ Ա. Բեդնար

Հաղորդության արարողությունը սուրբ և կրկնվող հրավեր է` անկեղծորեն ապաշխարելու և հոգեպես նորոգված լինելու համար: Բայց, երբ մենք պատրաստվում ենք բարեխղճորեն և մասնակցում ենք այս սուրբ արարողությանը կոտրված սրտով և փշրված հոգով, ապա խոստացվում է, որ մենք միշտ կարող ենք Տիրոջ Հոգին մեզ հետ ունենալ։ Եվ Սուրբ Հոգու՝ որպես մեր մշտական ուղեկցի սրբագործող զորության միջոցով մենք միշտ կարող ենք պահպանել մեր մեղքերի թողությունը։ («Միշտ պահեք ձեր մեղքերի թողությունը», Ensign կամ Լիահոնա, մայիս 2016, 61–62)

մարդը հաղորդություն է ընդունում

Երեց Քրիստոֆերսոնն ուսուցանել է, որ հաղորդությունից ճաշակելը կարող է նաև օգնել մեզ կենտրոնանալ Փրկիչին ավելի շատ նմանվելու վրա:

Երեց Դ. Թոդ Քրիստոֆերսոն

Հացը և ջուրը ներկայացնում են Նրա միսն ու արյունը, ով Կյանքի հացն է և Կենդանի ջուրը [տես Հովհաննես 4.10], նրբանկատորեն հիշեցնելով մեզ այն գինը, որը Նա վճարեց մեզ փրկագնելու համար: …

… Փոխաբերականորեն՝ նրա մարմինն ուտելը և Նրա արյունը խմելը ունի լրացուցիչ իմաստ, այն է՝ անձնավորել Քրիստոսի հատկանիշներն ու բնավորությունը, հանելով բնական մարդուն և դառնալով Սուրբ՝ «Տեր Քրիստոսի քավության միջոցով» [Մոսիա 3.19]: Երբ մենք ամեն շաբաթ ճաշակում ենք հաղորդության ջուրն ու հացը, լավ կլինի ուշադրություն դարձնենք, թե ինչպիսի լիարժեքությամբ և ամբողջությամբ ենք միավորում Նրա բնավորությունը և Նրա անմեղ կյանքի օրինակը մեր կյանքի ու մեր գոյության հետ: …

Ճաշակել Փրկիչի միսը և խմել Նրա արյունը նշանակում է՝ մեր կյանքից վանել ամեն բան, ինչն անհամապատասխան է Քրիստոսանման հատկանիշներին, և Նրա հատկանիշները դարձնել մեր սեփականը: («Կենդանի հացը, որն իջնում է երկնքից», Ensign կամ Լիահոնա, նոյեմբեր 2017, 37, 39)

պատկերակ, գրել

Գրի առեք ձեր մտքերը

Տասներկու Առաքյալների Քվորումից Երեց Դալլին Հ. Օուքսը բացատրել է, որ «հաղորդության արարողությունը հաղորդության ժողովը դարձնում է Եկեղեցու ամենասուրբ և կարևոր ժողովը» («Հաղորդության ժողովը և հաղորդությունը», Ensign կամ Լիահոնա, նոյեմբեր 2008, 17): Գրի առեք մի քանի գործողություններ, որոնք կարող եք կատարել՝ դարձնելով հաղորդությունը և հաղորդության ժողովը կիրակնօրյա երկրպագության ամենասրբազան մասը:

Բաժին 3

Ի՞նչ կարող եմ անել, որպեսզի օգնեմ բոլորին զգալ, որ Հիսուս Քրիստոսի Եկեղեցում նրանց համար տեղ կա

Նեփիացիների և Լամանացիների մեջ հաղորդությունը հաստատելուց հետո Հիսուսն ուսուցանեց եկեղեցու ժողովները հյուրընկալ և ներգրավող դարձնելու կարևորությունը:

պատկերակ, ուսումնասիրել

Ուսումնասիրեք դասին նախապատրաստվելիս

Ընթերցեք 3 Նեփի 18.22–25-ը և նշեք բառեր կամ արտահայտություններ, որոնք արտահայտում են Տիրոջ ուսմունքներն այն մասին, թե մենք ում պետք է ընդգրկենք Նրա Եկեղեցում:

եկեղեցում միմյանց ողջունող մարդիկ

Դիտեք «Lifting Others» տեսաֆիլմը (2:49) կամ ընթերցեք դրա տեքստը: Տեսաֆիլմում Քույր Քերոլ Ֆ. Մակքոնկին` Երիտասարդ կանանց գերագույն նախագահության նախկին խորհրդականը, կիսվում է, թե մենք ինչ կարող ենք անել, որպեսզի համոզված լինենք, որ բոլոր մարդիկ իրենց ընդունված են զգում Տիրոջ Եկեղեցում:

Քույր Քերոլ Ֆ. Մակքոնկի

Ես գիտեմ մարդկանց, ովքեր եկեղեցի են գալիս ամեն կիրակի, որպեսզի կարողանան ոգեշնչվել և վեհանալ, բայց ովքեր ուղղակի հեռանում են՝ պարզապես զգալով դատապարտված, չսիրված ու ոչ պիտանի: …

Մենք պետք է խորապես գիտակցենք, թե որն է կիրակի օրը եկեղեցի գալու նպատակը և համոզվենք, որ յուրաքանչյուրը, ով գալիս է, իրեն զգում է սիրված, անհրաժեշտ, ընդունված և ոգեշնչված:

Բոլոր էլ ունեն մաքառումներ, որոնց մասին մենք նույնիսկ չգիտենք, և այնքան կարևոր է, որ գիտակցենք, որ մեր շրջապատում բոլորը սիրված են Աստծո կողմից, և մենք պետք է տեսնենք նրանց Քրիստոսանման աչքերով: Եվ մենք չենք կարող թույլ տալ, որ դատողությունը թելադրի մարդկանց հետ փոխգործակցության ձևը: …

Հիսուս Քրիստոսի ավետարանը չի սահմանազատում մարդկանց: Մարդիկ են սահմանազատում մարդկանց, և մենք պետք է ուղղենք դա: Մենք պետք է նրբանկատ լինենք, սիրենք մարդկանց և թույլ տանք, որ նրանք աճեն, բարգավաճեն և դառնան իրենց լավագույն եսը: Նրանք ունեն տաղանդներ, ունակություններ և անհատականություն, որոնք անհրաժեշտ են Աստծո արքայությունում: Եվ, եթե մենք պատրաստվում ենք կառուցել Աստծո արքայությունը երկրի վրա, մենք յուրաքանչյուրի գալու կարիքն ունենք։ («Բարձրացնել ուրիշներին» [video], ChurchofJesusChrist.org)

պատկերակ, խորհել

Խորհեք դասին նախապատրաստվելիս

Ի՞նչ կարող եմ անել, որպեսզի ավելի հրավիրող և ներգրավող լինեմ՝ օգնելով Աստծո զավակներին զգալ, որ իրենք տեղ ունեն Տիրոջ Եկեղեցում:

Ցանկանո՞ւմ եք ավելին։ (Ոչ պարտադիր)

Ի՞նչ կարող եմ անել, որպեսզի ավելի իմաստալի փորձառություն ունենամ, երբ ընդունում եմ հաղորդությունը:

«Միշտ հիշեք Նրան» (5:27) տեսաֆիլմում Տասներկու Առաքյալների Քվորումից Երեց Ջեֆրի Ռ. Հոլլանդը քննարկել է, թե մենք ինչ կարող ենք անել, որպեսզի հաղորդությունը դարձնենք ավելի սուրբ և անհատական փորձառություն ( “This Do in Remembrance of Me,” ելույթից Ensign, Nov. 1995, 67–69). Երեց Հոլլանդը իր ելույթում ուսուցանել է նաև հաղորդության սրբազան նշանակության մասին՝ «Ահա Աստծո Գառը» (Ensign կամ Լիահոնա, մայիս 2019, 44–46).

Ի՞նչ կարող եմ անել, եթե ես ընդունված չեմ զգում եկեղեցում կամ, եթե գիտեմ որևէ մեկին, ով իրեն ընդունված չի զգում:

«To Love Them All» (3:22) տեսաֆիլմում, Յոթանասունի Նախագահությունից երեց Պատրիկ Կիրոնը խորհուրդ տվեց, թե ինչ կարող ենք անել, երբ մենք մեզ Եկեղեցուց դուրս ենք զգում:

«We Can Do Better: Welcoming Others into the Fold» (Ensign, Sept. 2017, 38–43) հոդվածը տալիս է մի քանի գաղափարներ այն ուղիների վերաբերյալ, որոնցով կարող եք օգնել մարդկանց զգալ այնպես, կարծես իրենք պատկանում են եկեղեցուն:

Ի՞նչ է սովորեցնում Մորմոնի Գիրքը ռասայական և էթնիկ պատկանելության մասին:

Ռասայական և էթնիկ պատկանելության վերաբերյալ Մորմոնի Գրքի միավորող ուղերձի մասին ավելին իմանալու համար կարդացեք՝ 2 Նեփի 26.23–28, 33, Ալմա 5.33–34, Ալմա 19.36 և 4 Նեփի 1.2, 15–17-ը: Դուք կարող եք նաև կարդալ «He Denieth None That Come unto Him» (Oct. 13, 2014, history.ChurchofJesusChrist.org-ում) հոդվածը, որը գրվել է եղբայր Ահմադ Ս. Քորբիթի` Երիտասարդ տղամարդկանց գերագույն նախագահության առաջին խորհրդականի կողմից, կամ դիտել “Till We All Come in the Unity of the Faith” տեսաֆիլմը (2:22):

Ինչո՞ւ է կարևոր օգտագործել Տիրոջ Եկեղեցու ճիշտ անունը։

Որպեսզի ավելի շատ բան սովորեք Տիրոջ Եկեղեցու ճիշտ անունը օգտագործելու կարևորության մասին, ուսումնասիրեք 3 Նեփի 27.1–10-ը և ընթերցեք Նախագահ Ռասսել Մ. Նելսոնի ելույթը «Եկեղեցու ճիշտ անունը» (Ensign կամ Լիահոնա, նոյեմբեր 2018, 87–90):