Դաս 3․ Դասի նախապատրաստական նյութ

Լեքիի երազը կենաց ծառի մասին

Մտածեք այն մարդկանց, կազմակերպությունների, համացանցի կայքերի կամ սոցիալական լրատվամիջոցների հարթակների մասին, որոնք ազդում են ձեր մտքերի, ընտրությունների և գործողությունների վրա ամեն օր: Քանի՞սն են այս աղբյուրներից քաջալերում ձեզ հետևել Հիսուս Քրիստոսին: Երբ ուսումնասիրում եք, մտածեք, թե Աստծո խոսքն ինչպես կարող է օգնել մեծացնել ձեր կարողությունը՝ քայլելու նեղ և անձուկ արահետով, որը տանում է դեպի Տերը և Նրա Քավության օրհնությունները:

Բաժին 1

Ինչպե՞ս կարող եմ ավելի շատ զգալ Աստծո սերը իմ կյանքում:

Երբ Լեքիի ընտանիքը «մնում էր անապատում» (1 Նեփի 8.2) դեպի խոստացված երկիր իրենց ճամփորդության ընթացքում, Լեքին մի տեսիլք ստացավ Աստծուց: Տեսիլքում սպիտակ պարեգոտով մի մարդ Լեքիին առաջնորդեց դեպի «մութ ու մռայլ մի անապատ» (1 Նեփի 8.1–7):

Ուսումնասիրեք դասին նախապատրաստվելիս

Կարդացեք 1 Նեփի 8. 8–12-ը Լեքիի պատմության մասին, թե նա ինչ տեսավ ողորմածության համար Տիրոջն աղոթելուց հետո:

Նեփին հետագայում ստացավ իր հոր տեսիլքի նման մի տեսիլք: Երբ Նեփին խնդրեց, որ հասկանար կենաց ծառի իմաստը, նրան ցույց տրվեց «Աստծո Որդու մայրը մարմնական ձևով … գրկում մի երեխա» (1 Նեփի 11.18, 20): Ապա հրեշտակ հայտնվեց` օգնելով Նեփիին ավելի լավ հասկանալ ծառի իմաստը:

Ուսումնասիրեք դասին նախապատրաստվելիս

Կարդացեք 1 Նեփի 11.21-22-ը, փնտրելով, թե Նեփին ինչ եզրակացրեց ծառի իմաստի վերաբերյալ:

Տասներկու Առաքյալների Քվորումից Երեց Նիլ Ա․ Մաքսվելն ուսուցանել է. «Աստծո սիրուց ճաշակել նշանակում է ճաշակել Հիսուս Քրիստոսի Քավությունից և այն … ուրախություններից, որոնք այն կարող է բերել» («Դասեր Լամանից և Լեմուելից», Ensign, նոյ. 1999, 8):

Տասներկու Առաքյալների Քվորումից Երեց Նիլ Լ․ Անդերսենը նաև ասել է.

Ծառի պտղից ճաշակելը խորհրդանշում է, որ մենք ընդունում ենք վերականգնված ավետարանի արարողությունները և ուխտերը` մկրտվելով, ստանալով Սուրբ Հոգու պարգևը և մտնելով Տիրոջ տունը, որպեսզի ի վերուստ օժտվենք զորությամբ: Հիսուս Քրիստոսի շնորհի միջոցով և մեր ուխտերը պատվելով՝ մենք ստանում ենք անսահման խոստում` ապրել մեր արդարակյաց ընտանիքի հետ ողջ հավերժության ընթացքում:

Զարմանալի չէ, որ հրեշտակը նկարագրում է պտուղը՝ որպես «հոգու համար ամենաբերկրալին» [1 Նեփի 11.23]: («Պտուղ», Լիահոնա, նոյեմբեր 2019, 117):

Խորհեք դասին նախապատրաստվելիս

Մտածեք Լեքիի խոսքերի մասին, որոնք նա օգտագործեց (տես 1 Նեփի 8.10–12)՝ նկարագրելով կենաց ծառը և դրա պտուղը: Ի՞նչ են այս խոսքերն ուսուցանում Աստծո սիրո մասին, ինչպես ցույց է տրված Նրա Որդու` Հիսուս Քրիստոսի պարգևի միջոցով:

Բաժին 2

Ի՞նչը կարող է ինձ հեռու պահել Հիսուս Քրիստոսից և Նրա Քավության պտուղներից:

Լեքիի երազում մարդկանցից ոչ բոլորը ճաշակեցին պտղից կամ մնացին՝ այն ճաշակելուց հետո: Այս պատմությունից մենք սովորում ենք, որ մինչ մի քանիսը հրաժարվեցին ընդունել Փրկիչին և այն օրհնությունները, որոնք գալիս էին Նրա քավությունից, մյուսները ճաշակեցին Նրա բարությունից և հետագայում հեռացան Նրանից, որովհետև նրանք շեղվեցին, շփոթվեցին կամ գայթակղվեցին մեղքի մեջ ապրել:

Ուսումնասիրեք դասին նախապատրաստվելիս

Ուշադիր ուսումնասիրեք 1 Նեփի 12.16–18 հատվածները` փնտրելով Լեքիի երազի մանրամասները, որոնք մարդկանց հեռու պահեցին ծառից և այն ամենից, ինչն ըստ Նեփիի, խորհրդանշում էր յուրաքանչյուր մանրամասնը:

Մարդիկ, ովքեր բռնել են երկաթյա ձողից խավարի մշուշներում:

Քննարկեք դասին նախապատրաստվելիս

Ընտանիքի կամ ընկերոջ օգնությամբ գտեք մի քանի առկա օրինակներ «կեղտոտ ջրի աղբյուրի» (1 Նեփի 12.16), «խավարի մշուշների», (հատված 17), և մեծ ու ընդարձակ շենքում գտնվողների ծաղրի վերաբերյալ: Պատրաստ եղեք կիսվել ձեր օրինակներով դասարանում:

Բաժին 3

Ինչպե՞ս կարող եմ դիմադրել գայթակղությանը և հավատարիմ մնալ Հիսուս Քրիստոսին:

Իր տեսիլքում Լեքին տեսավ երեք խմբի մարդկանց, ովքեր ձգտում էին քայլել նեղ և անձուկ արահետով, որը տանում է դեպի ծառը և նրա պտուղը: Լեքին տեսավ նաև երկաթե մի ձող,որն արահետով տանում էր դեպի ծառը։

Նեփին ուսուցանում է, որ երկաթյա ձողը ներկայացնում է Աստծո խոսքը և որ նրանք, ովքեր բռնել էին այն «երբեք չեն կորչի, ոչ էլ գայթակղությունները և հակառակորդի կրակոտ նետերը կարող են հաղթել նրանց» (1 Նեփի 15.24): Նախագահ Էզրա Թաֆտ Բենսոնը նշել է, որ «Աստծո խոսքը գտնվում է «սուրբ գրություններում, ապրող մարգարեների խոսքերում և անձնական հայտնության մեջ» («Խոսքի զորությունը», Ensign, մայիս 1986, 80):

Ուսումնասիրեք դասին նախապատրաստվելիս

Երբ կարդաք սուրբ գրության հետևյալ հատվածները, փնտրեք տարբերություն նրանց միջև, ովքեր ապավինում էին Աստծո խոսքին և նրանց, ովքեր չէին ապավինում:

• Խումբ 1. 1 Նեփի 8.21–23

• Խումբ 2. 1 Նեփի 8.24–28

• Խումբ 3. 1 Նեփի 8.30, 33

• Խումբ 4. 1 Նեփի 8.31–32

Քույր Էնն Մ. Դիբը՝ Երիտասարդ կանանց գերագույն նախագահության նախկին խորհրդականը, խրախուսանքի այս խոսքն ուղղեց նրանց, ովքեր բաց են թողել երկաթյա ձողը:

Երկաթյա ձողից բռնած մնալը միշտ չէ, որ հեշտ է: Մենք կարող ենք բաց թողնել այն հասակակիցների ճնշման կամ հպարտության պատճառով, մտածելով, թե կարող ենք հետագայում գտնել մեր ետդարձի սեփական ուղին: … Նեփին ասում է. «Եվ շատերը կորան նրա տեսադաշտից` թափառելով անծանոթ ճանապարհներով (1 Նեփի 8.32): Մեր սեփական կյանքի դժվարին ժամանակներում, գուցե մենք ևս պարզենք, որ «թափառում ենք անծանոթ ճանապարհներով»: Թույլ տվեք հավաստիացնել ձեզ, որ մեզ համար միշտ հնարավոր է գտնել մեր ետդարձի ուղին: Ապաշխարության միջոցով, որը հնարավոր դարձավ մեր Փրկիչ Հիսուս Քրիստոսի քավիչ զոհաբերության շնորհիվ, մենք կարող ենք վերագտնել և վերապարտավորվել՝ ամուր բռնած մնալով երկաթյա ձողից, և զգալ մեր Երկնային Հոր սիրառատ առաջնորդությունը մեկ անգամ ևս: Փրկիչը բաց հրավեր է հղել մեզ` ապաշխարեք, բռնած պահեք, և բաց մի թողեք: ( «Բռնված մնալ», Լիահոնա, նոյեմբեր 2009, 81)

Խորհեք դասին նախապատրաստվելիս

Մտածեք, թե Նեփիի նկարագրած ո՞ր խմբերն են լավագույն ձևով արտացոլում ձեր ներկա իրավիճակը: Ի՞նչ ուղիներով է Աստծո խոսքն օգնում ձեզ` ավելի մոտենալ Փրկիչին և Նրա քավիչ զորությանը: Կան արդյո՞ք փոփոխություններ, որոնք կամենում եք կատարել, որպեսզի կարողանաք ավելի ամուր բռնած պահել ձողը:

Ցանկանո՞ւմ եք ավելին։ (Ոչ պարտադիր)

Որտե՞ղ կարող եմ ավելի շատ բան սովորել Լեքիի երազից։

Մորմոնի Գրքի «Լեքին տեսիլքում տեսնում է կենաց ծառը (1 Նեփի 8)» (13:06) տեսաֆիլմը Լեքիի երազի վերապատկերավորումն է:

Իր՝ «Լեքիի երազը և դուք» ելույթում (New Era, Jan. 2015, 2–5), Տասներկու Առաքյալների Քվորումից Նախագահ Բոյդ Ք. Փաքերը բացատրել է, թե Լեքիի երազն ինչպես կարող է հատուկ իմաստ ունենալ ձեզ համար:

Դուք գուցե հավանեք նաև ուսումնասիրելով իրականում լրացված «Tree of Life AR» հավելվածը:

Հավելվածը մատչելի է Google և Apple սարքերում: Որոնեք հավելվածների խանութներ «Tree of Life AR»-ի համար:

Մորմոնի Գրքում ուրիշ ի՞նչ է ուսուցանվում կենաց ծառի մասին:

Ալմա 5.34, 62-ում և Ալմա 32.37–42-ում դուք կարող եք ավելին սովորել այն մասին, թե ինչպե՞ս վայելել օրհնությունները, որոնք մենք կարող ենք ստանալ, երբ ճաշակում ենք կյանքի ծառի պտղից: