Pagdugang og Mubo nga mga Sulat ngadto sa mga Kasulatan

Ipatin-aw

Ipasabot nga samtang kita nagbasa sa mga kasulatan, kasagaran kita adunay mga hunahuna ug mga pangutana mahitungod sa unsay atong gibasa, o kita makadiskobre og usa ka butang nga wala nato makita kaniadto. Kon kini mahitabo, makadugang kita og mubo nga sulat sa paghinumdom kon unsay atong gikat-onan o gibati. Kita makadugang og mubo nga mga sulat pinaagi sa pagsulat diha sa mga daplin sa giimprinta nga mga bersyon sa mga kasulatan o sa paggamit sa mga Mubong Sulat nga sinulat diha sa Librarya sa Ebanghelyo. Ang pipila ka ehemplo sa mga kalihokan sa Simbahan naglakip sa:

• Personal nga mga hunahuna ug mga pagbati.

• Mga pagpatin-aw ug mga pagpasabot.

• Propetikanhong mga pagtulon-an.

• Mga cross-reference.

• Mga lista.

• Mga panabot nga naangkon gikan sa uban.

Ang pagdugang og mubo nga mga sulat makatabang kanato sa pagpunting samtang kita nagtuon. Kini makapatunhay ug makatabang kanato sa paghinumdom kon unsay atong nakat-onan. Kini makagiya og dugang nga pagpadayag.

Mubo nga Sulat: Ikaw makapailaila niini nga kahanas agi og koneksiyon sa pagbansay ”Paghimo og Makahuloganong Mubo nga mga Sulat.”

Modelo

Sa pagmodelo niini nga kahanas, ikaw makapangutana og pipila ka estudyante sa pagpakigbahin og mga ehemplo sa mubo nga mga sulat nga ilang nahimo diha sa ilang mga kasulatan. Dapita kini nga mga estudyante sa pagpakigbahin og daklit kon sa unsa nga paagi ang pagdugang og mubo nga mga sulat nakapauswag sa ilang pagtuon sa ebanghelyo.

Hunahunaa ang pagpakita og pipila ka paagi sa pagdugang og mubo nga mga sulat diha sa giimprinta nga bersyon sa mga kasulatan sama sa pagsulat niini diha sa daplin o sa usa ka mopilit nga papel ug sa pagsuksok niini sunod sa kalabot nga tudling sa kasulatan.

Sa daklit pagmodelo kon unsaon sa pagdugang og usa ka mubo nga sulat ngadto sa digital nga mga kasulatan pinaagi sa pagdapit sa mga estudyante kinsa nahibalo kon unsaon sa pagdugang og usa ka mubo nga sulat sa digital nga mga kasulatan sa Librarya sa Ebanghelyo sa pagpakita niini ngadto sa ilang mga kauban sa klase sa gagmay nga mga grupo.

Pahinumdom: Ikaw makakaplag og dugang nga mga kapanguhaan, mga kasayoran, ug mga bidyo diha sa “Tabang” nga seksiyon sa Librarya sa Ebanghelyo nga app, lakip sa “Giya sa Tiggamit sa Librarya sa Ebanghelyo (iOS)” ug sa “Giya sa Tiggamit sa Librarya sa Ebanghelyo (Android).”

Pagpraktis

Pagpili og tudling gikan sa pagtuon sa kasulatan niini nga semana o gamit sa usa sa mosunod nga mga ehemplo sa pagdapit sa mga estudyante sa pagpraktis niini nga kahanas. Ikaw makalista og mga ehemplo sa mga eskriptuhanong mubo nga mga sulat gikan sa “Ipatin-aw” nga seksiyon sa ibabaw sa paghatag sa mga estudyante og mga ideya. Human sa ilang praktis, dapita ang pipila ka estudyante sa pagpakigbahin sa mubo nga mga sulat nga ilang gidugang ngadto sa ilang mga kasulatan.

Dugang nga mga tudling alang sa pagpraktis:

• Genesis 6:15. Ikaw makahimo og mubo nga sulat sa paggamit sa karaang pagsukod nga gitawag og cubit. Ang mga estudyante makaadto sa tala alang sa “Cubit” diha sa Giya ngadto sa mga Kasulatan ug kopyahon ang tala ngadto sa usa ka mubo nga sulat sunod sa Genesis 6:15.

• Mateo 11:28–30. Ang mga estudyante makadugang og usa ka mubo nga sulat nga nagpasabot kon unsa ang kahulogan ngadto kanila sa “umari ni Kristo” o isangon ang [Iyang] yugo diha [kaninyo].”

• Alma 32:21. Ang mga estudyante makahimo sa pagsiksik sa Librarya sa Ebanghelyo alang sa mga pagtulun-an gikan sa mga lider sa Simbahan mahitungod sa hugot nga pagtuo ug sa paglakip og usa ka paborito nga pagtulun-an diha sa usa ka mubo nga sulat sunod niining tudling (tan-awa ang mga pagbansay sa kahanas “Pagsiksik diha sa mga Kasulatan ug sa Librarya sa Ebanghelyo” ug “Paggamit sa mga Pagtulun-an sa mga Lider sa Simbahan aron sa Pagsabot sa mga Kasulatan” alang sa tabang kon gikinahanglan).

• Doktrina ug mga Pakigsaad 59:18–19. Ang mga estudyante makahimo og usa ka mubo nga sulat nga nagpahayag sa hingpit nga kalipay nga nahatag sa mga nilalang sa Dios kanila.

Pagdapit ug Pag-follow Up

Awhaga ang mga estudyante sa pagdugang og mubo nga mga sulat ngadto sa ilang mga kasulatan atol sa personal nga pagtuon ug atol sa mga panaghisgot sa klase. Hinumdomi ang pag-follow up ug sa paghatag sa mga estudyante og panahon sa pagpakigbahin sa ilang mga kasinatian. Paghunahuna og mga paagi ikaw makapadayon sa pagrebyo ug pagpraktis niini nga kahanas sa klase.